ਪੰਜਾਬ ਵਿਚ ਸਵੇਰੇ 9 ਵਜੇ ਤੱਕ ਹੋਈ 9.64 ਫੀਸਦੀ ਵੋਟਿੰਗ

ਪੰਜਾਬ ਵਿਚ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਵਿਚਕਾਰ ਲੋਕ ਸਭਾ ਚੋਣਾਂ ਲਈ ਅੱਜ ਸਵੇਰੇ 7 ਵਜੇ ਤੋਂ ਵੋਟਾਂ ਪੈ ਰਹੀਆਂ ਹਨ ਅਤੇ ਸ਼ਾਮ 6 ਵਜੇ ਤੱਕ ਪੈਂਣਗੀਆਂ। ਪੰਜਾਬ ਵਿਚ ਹੁਣ ਤੱਕ ਲਗਭਗ 9.64 ਫੀਸਦੀ ਵੋਟਿੰਗ ਹੋ ਚੁੱਕੀ ਹੈ।

ਇਸ ਦੌਰਾਨ ਚੰਡੀਗੜ੍ਹ ਵਿੱਚ ਸਵੇਰੇ 9 ਵਜੇ ਤੱਕ 11.64 ਫੀਸਦੀ ਮਤਦਾਨ ਦਰਜ ਕੀਤਾ ਗਿਆ। ਜਲੰਧਰ ਵਿਚ ਅੱਜ ਸਵੇਰੇ 9 ਵਜੇ ਤੱਕ 10.71ਫੀਸਦੀ ਅਤੇ ਲੁਧਿਆਣਾ ਵਿਚ 9.08 ਫੀਸਦੀ ਵੋਟਰਾਂ ਨੇ ਵੋਟ ਪਾਈ।

ਸਵੇਰੇ 9 ਵਜੇ ਤੱਕ ਫਿਰੋਜ਼ਪੁਰ ਵਿੱਚ 11.61 ਫੀਸਦੀ ਅਤੇ ਸੰਗਰੂਰ ਵਿੱਚ 11.36 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ।ਇਸ ਪੜਾਅ ਵਿੱਚ ਲਗਭਗ 2.2 ਕਰੋੜ ਵੋਟਰ ਅਤੇ 5.04 ਲੱਖ ਪਹਿਲੀ ਵਾਰ ਵੋਟਰ ਹੋਣਗੇ।