16.61C Vancouver 16.61C VancouverMay 13, 2020 2:08 AM -
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਇੱਕ ਵਿਅਕਤੀ ਦੀ ਭਾਲ ਕਰ ਰਹੀ ਹੈ ਜਿਸ ਨੇ ਬੱਸ ਵਿੱਚ ਇੱਕ ਔਰਤ 'ਤੇ ਹਮਲਾ ਕਰ ਦਿੱਤਾ ਸੀ।
ਵਿਅਕਤੀ 'ਤੇ ਇੱਕ ਅਜੇਹੀ ਔਰਤ ਨਾਲ ਕੁੱਟਮਾਰ ਕਰਨ ਦੇ ਇਲਜ਼ਾਮ ਹਨ, ਜੋ ਦੋ ਏਸ਼ੀਅਨ ਔਰਤਾਂ ਦੇ ਬਚਾਅ ਲਈ ਅੱਗੇ ਆਈ ਸੀ।
ਮਾਮਲਾ ਬੀਤੇ ਮਹੀਨੇ ਦਾ ਹੈ ਅਤੇ ਇਸ ਨੂੰ ਨਸਲੀ ਪ੍ਰੇਰਿਤ ਹਮਲਾ ਮੰਨਿਆ ਜਾ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਪੂਰੇ ਮਾਮਲੇ ਦੀ ਸ਼ੁਰੂਆਤ ਉਸ ਵੇਲੇ ਹੋਈ ਜਦ ਬੱਸ ਵਿੱਚ ਦੋ ਏਸ਼ੀਅਨ ਮੂਲ ਦੀਆਂ ਔਰਤਾਂ ਸਵਾਰ ਹੋਈਆਂ, ਜਿੰਨਾ ਮਾਸਕ ਪਹਿਨੇ ਹੋਏ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ ਵਿਅਕਤੀ ਨੇ ਪਹਿਲਾਂ ਏਸ਼ੀਅਨ ਔਰਤਾਂ ਨੂੰ ਟਿੱਪਣੀਆਂ ਦਾ ਨਿਸ਼ਾਨਾ ਬਣਾਇਆ ਅਤੇ ਜਦ ਇੱਕ ਔਰਤ ਨੇ ਉਨ੍ਹਾਂ ਦਾ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਔਰਤ ਨੂੰ ਲੱਤ ਮਾਰੀ ਅਤੇ ਉਸ 'ਤੇ ਮੁੱਕਿਆਂ ਨਾਲ ਹਮਲਾ ਕੀਤਾ।
ਜਲਦੀ ਹੀ ਇਹ ਸ਼ੱਕੀ ਬੱਸ ਤੋਂ ਉੱਤਰ ਗਿਆ ਅਤੇ ਮੌਕੇ ਤੋਂ ਭੱਜ ਗਿਆ।
ਵਿਅਕਤੀ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ।
ਵੈਨਕੂਵਰ ਪੁਲਿਸ ਨੇ ਬੀਤੇ ਕੁਝ ਹਫਤਿਆਂ 'ਚ ਕੋਵਿਡ-19 ਸੰਕਟ ਦੌਰਾਨ ਐਂਟੀ-ਏਸ਼ੀਅਨ ਹਮਲਿਆਂ 'ਚ ਵਾਧੇ ਬਾਰੇ ਦੱਸਿਆ ਹੈ।
