11.21C Vancouver 11.21C VancouverJan 13, 2026 5:15 PM - Connect Newsroom - Jasmine Singh with files from The Canadian Press
ਬੀ. ਸੀ. ਦੇ ਸਾਊਥ ਕੋਸਟ ਵਿਚ ਪਿਛਲੇ ਤਿੰਨਾਂ ਦੌਰਾਨ ਐਟਮੋਸਫੇਰਿਕ ਰਿਵਰ ਕਾਰਨ ਭਾਰੀ ਬਾਰਸ਼ ਰਿਕਾਰਡ ਕੀਤੀ ਗਈ ਹੈ।ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ, ਕਈ ਕਮਿਊਨਿਟੀ ਵਿਚ 100 ਮਿਲੀਮੀਟਰ ਤੋਂ ਵੱਧ ਬਾਰਸ਼ ਹੋਈ, ਜਦੋਂ ਕਿ ਵੈਨਕੂਵਰ ਆਈਲੈਂਡ ਦੇ ਕੈਨੇਡੀ ਲੇਕ ਫੋਰੈਸਟਰੀ ਸਟੇਸ਼ਨ 'ਤੇ ਸ਼ਨੀਵਾਰ ਤੋਂ ਸੋਮਵਾਰ ਤੱਕ ਲਗਭਗ 300 ਮਿਲੀਮੀਟਰ ਬਾਰਸ਼ ਦਰਜ ਕੀਤੀ ਗਈ।
ਉਥੇ ਹੀ, ਮੇਨਲੈਂਡ 'ਤੇ ਸਥਿਤ ਪੋਰਟ ਮੈਲਨ ਵਿਚ 204 ਮਿਲੀਮੀਟਰ ਅਤੇ Ucluelet ਵਿਚ 168 ਮਿਲੀਮੀਟਰ ਬਾਰਸ਼ ਦਰਜ ਕੀਤੀ ਗਈ। ਮੈਟਰੋ ਵੈਨਕੂਵਰ ਅਤੇ ਲੋਅਰ ਮੇਨਲੈਂਡ ਦੇ ਹਿੱਸਿਆਂ ਵਿਚ ਵੀ ਮੌਸਮ ਏਜੰਸੀ ਨੇ 100 ਮਿਲੀਮੀਟਰ ਤੋਂ ਵੱਧ ਬਾਰਸ਼ ਰਿਕਾਰਡ ਕੀਤੀ ਹੈ। ਸਕੁਆਮਿਸ਼ ਵਿਚ ਤਿੰਨ ਦਿਨਾਂ ਵਿਚ 132 ਮਿਲੀਮੀਟਰ ਬਾਰਸ਼ ਹੋਈ ਹੈ।
ਭਾਰੀ ਬਾਰਸ਼ ਕਾਰਨ ਪ੍ਰਸ਼ਾਸਨ ਨੇ ਕਈ ਥਾਵਾਂ 'ਤੇ ਨਿਕਾਸੀ ਦੇ ਹੁਕਮ ਜਾਰੀ ਕੀਤੇ, ਖ਼ਾਸ ਕਰ ਵੈਨਕੂਵਰ ਆਈਲੈਂਡ ਵਿਚ ਕੈਮੀਨਸ ਬ੍ਰਿਜ਼ ਅਤੇ ਨੈਨਾਈਮੋ ਰੀਜਨਲ ਡਿਸਟ੍ਰਿਕਟ ਵਿਚ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਜਾਣ ਲਈ ਕਿਹਾ ਗਿਆ। ਮੌਸਮ ਵਿਭਾਗ ਮੁਤਾਬਕ, ਸਾਊਥ ਕੋਸਟ ਅਤੇ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸੇ ਅਜੇ ਵੀ'ਫਲੱਡ ਵੌਚ'ਹੇਠ ਹਨ, ਜਿਸ ਦਾ ਮਤਲਬ ਹੈ ਕਿ ਨਦੀ ਦੇ ਆਸ-ਪਾਸ ਦੇ ਇਲਾਕਿਆਂ ਵਿਚ ਹੜ੍ਹ ਦਾ ਖ਼ਤਰਾ ਬਣਿਆ ਹੋਇਆ ਹੈ।
