14.16C Vancouver 14.16C VancouverMar 6, 2020 11:21 PM -
ਬੀ.ਸੀ. ਦੇ ਪ੍ਰੀਮੀਅਰ ਜੌਨ ਹੌਰਗਨਨੇ ਕਰੋਨਾ ਵਾਇਰਸ ਨਾਲ ਨਜਿੱਠਣ ਦੇ ਸਰਕਾਰ ਦੇ ਤਰੀਕੇ ਨੂੰ ਸੇਧ ਦੇਣ ਲਈ ਡਿਪਟੀ ਮੰਤਰੀਆਂਦੀ ਇੱਕ ਕਮੇਟੀ ਬਣਾ ਦਿੱਤੀ ਹੈ।
ਵੈਨਕੂਵਰ ਵਿੱਚ ਇਸ ਸੰਬੰਧੀ ਐਲਾਨ ਕਰਦਿਆਂ ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਇਹ ਕਮੇਟੀ ਯਕੀਨੀ ਬਣਾਏਗੀ ਕਿ ਕਰੋਨਾ ਵਾਇਰਸ ਨਾਲ ਸੰਬੰਧਿਤ ਕਿਸੇ ਵੀ ਸਥਿਤੀ ਦੇ ਲਈ ਸਰਕਾਰ ਦੀ ਤਿਆਰੀ ਪੂਰੀ ਹੋਵੇ।
ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਇਸ ਕਮੇਟੀ ਦੀ ਕੋ ਚੇਅਰ (ਸਹਿ ਪ੍ਰਧਾਨ), ਬੀ.ਸੀ. ਐਮਰਜੈਂਸੀ ਮਨੇਜਮੈਂਟ ਦੀ ਲੋਰੀ ਹਾਲਸ (Lori Halls) ਅਤੇ ਮਨਿਸਟਰੀ ਆਫ਼ ਹੈਲਥ ਦੇ ਸਟੀਫਨ ਬ੍ਰਾਉਨ (Stephen Brown) ਹੋਣਗੇ।
ਇਸ ਮੌਕੇ ਤੇ ਸਰਕਾਰ ਦੁਆਰਾ ਜਾਣਕਾਰੀ ਦਿੱਤੀ ਗਈ ਕਿ ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਲਈ, ਬੀ.ਸੀ. ਦੀ ਯੋਜਨਾ ਦੇ ਦੋ ਪੜਾਅ (Phases) ਹਨ।
ਹਾਲ ਦੀ ਘੜੀ ਵਿੱਚ ਪਹਿਲਾ ਪੜ੍ਹਾਅ (phase 1) ਚੱਲ ਰਿਹਾ ਹੈ, ਜਿਸ ਵਿੱਚ ਕਰੋਨਾ ਵਾਇਰਸ ਨੂੰ ਵੱਡੇ ਪੱਧਰ ਤੇ ਫੈਲਣ ਤੋਂ ਰੋਕਣ ਲਈ ਕਦਮ ਚੁੱਕੇ ਜਾ ਰਹੇ ਹਨ, ਅਤੇ ਇਹ ਕੋਰੋਨਾ ਵਾਇਰਸ ਦੇ ਪੀੜਤਾਂ ਦੀ ਤੇਜ਼ੀ ਨਾਲ ਸ਼ਨਾਖਤ, ਕੇਸ ਜਨਤਕ ਜਾਣਕਾਰੀ ਅਤੇ ਫੈਡਰਲ ਸਰਕਾਰ ਨਾਲ ਬਾਰਡਰ ਕੰਟਰੋਲ ਲਈ ਨੇੜਲੇ ਸਹਿਯੋਗ ਨਾਲ ਯਕੀਨੀ ਬਣਾਇਆ ਜਾ ਰਿਹਾ ਹੈ।
ਸਰਕਾਰ ਦੁਆਰਾ ਦੱਸਿਆ ਗਿਆ ਕਿ ਕਰੋਨਾ ਵਾਇਰਸ ਨਾਲ ਨਜਿੱਠਣ ਦੀ ਯੋਜਨਾ ਦੇ ਅਗਲੇ ਫੇਜ਼ ਦਾ ਸੰਬੰਧ ਕਰੋਨਾ ਵਾਇਰਸ ਤੇ ਬੀ.ਸੀ. ਵਿੱਚ ਵੱਡੇ ਪੱਧਰ ਤੇ ਫੈਲਣ ਨਾਲ ਹੈ ਅਤੇ ਹਾਲਾਂਕਿ ਇਸ ਸਮੇਂ ਸਥਿਤੀ ਅਜਿਹੀ ਨਹੀਂ, ਪਰ ਸਰਕਾਰ ਅਜਿਹੀ ਸਥਿਤੀ ਦੇ ਨਾਲ ਨਜਿੱਠਣ ਦੀ ਯੋਜਨਾ ਵਿੱਚ ਤੈਅ ਕੀਤੇ ਗਏ ਕਦਮ ਚੁੱਕ ਰਹੀ ਹੈ।
ਇਸ ਮੌਕੇ ਤੇ ਪ੍ਰੀਮੀਅਰ ਹੌਰਗਨ ਦੇ ਨਾਲ ਸਿਹਤ ਮੰਤਰੀ ਐਡਰੀਅਨ ਡਿਕਸ, ਅਤੇ ਸੂਬੇ ਦੀ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ ਵੀ ਮੌਜੂਦ ਸਨ।
