30.22C Vancouver 30.22C VancouverSep 23, 2025 7:56 PM - Connect Newsroom
ਬੀ. ਸੀ. ਸਰਕਾਰ ਨੇ ਸਰੀ ਸਮੇਤ ਹੋਰ 4 ਥਾਵਾਂ ਉਤੇ ਮਾਸ ਟਿਬਰ ਪ੍ਰਾਜੈਕਟ ਲਈ ਕੁੱਲ $2 ਮਿਲੀਅਨ ਫੰਡਿੰਗ ਦੀ ਘੋਸ਼ਣਾ ਕੀਤੀ ਹੈ। ਸਰਕਾਰ ਨੇ ਕਿਹਾ ਕਿ ਹਰ ਪ੍ਰਾਜੈਕਟ ਨੂੰ $500,000 ਪ੍ਰਾਪਤ ਹੋਣਗੇ, ਜੋ ਕਿ ਸੂਬੇ ਦੇ ਕ੍ਰਾਊਨ ਕਾਰਪੋਰੇਸ਼ਨ ਫਾਰੈਸਟਰੀ ਇਨੋਵੇਸ਼ਨ ਇਨਵੈਸਟਮੈਂਟ ਰਾਹੀਂ ਦਿੱਤੇ ਜਾਣਗੇ। ਇਸ ਵਿਚ ਸਰੀ ਵਿਚ ਇੱਕ ਇੰਡੀਜੀਨਸ ਅਫੋਡੇਬਲ ਹਾਊਸਿੰਗ ਪ੍ਰੋਜੈਕਟ ਸ਼ਾਮਲ ਹੈ, ਜੋ ਇੱਕ ਅੱਠ ਮੰਜ਼ਿਲਾ ਮਾਸ-ਟਿਬਰ ਹਾਈਬ੍ਰਿਡ ਬਿਲਡਿੰਗ ਹੋਵੇਗੀ, ਇਸ ਵਿਚ 78 ਰੈਂਟਲ ਯੂਨਿਟ ਬਾਜ਼ਾਰ ਤੋਂ ਘੱਟ ਕਿਰਾਏ ਦੇ ਹੋਣਗੇ।
ਬੀ. ਸੀ. ਦੇ ਜੌਬ, ਅਤੇ ਆਰਥਿਕ ਵਿਕਾਸ ਮਿਨਿਸਟਰ ਰਵੀ ਕਾਹਲੋਂ ਨੇ ਕਿਹਾ ਕਿ ਇਨ੍ਹਾਂ ਲੱਕੜ ਦੇ ਪ੍ਰਾਜੈਕਟ ਨਾਲ ਅਸੀਂ ਬ੍ਰਿਟਿਸ਼ ਕੋਲੰਬੀਆ ਨੂੰ ਵੱਡੇ ਪੱਧਰ ਉਤੇ ਲੱਕੜ ਦੀ ਉਸਾਰੀ ਵਿਚ ਇੱਕ ਮੋਹਰੀ ਸੂਬੇ ਵਜੋਂ ਸਥਾਪਤ ਕਰ ਰਹੇ ਹਾਂ, ਉਨ੍ਹਾਂ ਕਿਹਾ ਕਿ ਇਹ ਇੱਕ ਮਹੱਤਵਪੂਰਨ ਸੈਕਟਰ ਹੈ ਰੁਜ਼ਗਾਰ ਦੇ ਮੌਕੇ ਪੈਦਾ ਕਰ ਰਿਹਾ ਹੈ।
ਵੈਨਕੂਵਰ ਵਿਚ ਬੱਚਿਆਂ ਦੇ ਹਸਪਤਾਲ ਵਿਚ ਵਿਜ਼ਿਟ ਕਰਨ ਵਾਲੇ ਪਰਿਵਾਰਾਂ ਦੇ ਠਹਿਰਣ ਲਈ ਇਥੇ ਨੇੜੇ ਹੀ ਇੱਕ 12 ਮੰਜ਼ਲਾਂ ਲੱਕੜ ਦੀ ਬਣੀ ਹੋਈ ਇਮਾਰਤ ਸਥਾਪਤ ਕੀਤੀ ਜਾ ਰਹੀ ਹੈ। ਨੈਲਸਨ ਵਿਚ ਤਿੰਨ ਮੰਜ਼ਿਲਾ ਉੱਚਾ ਜਿੰਮ ਬਣ ਰਿਹਾ ਹੈ ਜੋ ਇੱਕ ਓਲੰਪਿਕ-ਪੱਧਰ ਦੀ ਸਹੂਲਤ ਹੋਵੇਗੀ।ਪੈਂਟਿਕਟਨ ਵਿਚ ਛੇ-ਮੰਜ਼ਿਲਾ ਮਾਸ ਟਿਬਰ ਪ੍ਰੋਜੈਕਟ ਵਿਚ ਚਾਰ ਮੰਜ਼ਿਲਾ ਦਫਤਰ ਦੀ ਜਗ੍ਹਾ, ਇੱਕ ਡੇਅ ਕੇਅਰ ਅਤੇ ਰਿਟੇਲ ਸਪੇਸ ਸ਼ਾਮਲ ਹੈ।
