ਅਮਰੀਕੀ ਟੈਰਿਫ਼ਾਂ ਕਾਰਨ ਲੱਕੜ ਉਦਯੋਗ ਸੰਕਟ ਵਿਚ, ਵੈਨਕੂਵਰ ਵਿੱਚ ਬੁਲਾਈ ਗਈ ਮੀਟਿੰਗ

ਬੀ. ਸੀ. ਸਰਕਾਰ ਵਲੋਂ ਅਮਰੀਕਾ ਨਾਲ ਵਪਾਰ ਵਿਵਾਦ ਵਿਚਕਾਰ ਬੁਲਾਈ ਗਈ ਫੋਰੈਸਟਰੀ ਸਮਿਟ ਅੱਜ ਵੈਨਕੂਵਰ ਵਿਚ ਹੋ ਰਹੀ ਹੈ, ਜਿਸ ਵਿਚ ਸਾਫਟਵੁੱਡ 'ਤੇ ਵਧੇ ਟੈਰਿਫਸ ਨਾਲ ਨਜਿੱਠਣ ਬਾਰੇ ਚਰਚਾ ਕੀਤੀ ਜਾਵੇਗੀ। ਇਸ ਬੈਠਕ ਵਿਚ ਸੂਬੇ ਦੇ ਪ੍ਰੀਮੀਅਰ ਡੇਵਿਡ ਈਬੀ, ਉਨ੍ਹਾਂ ਦੇ ਫੋਰੈਸਟ ਅਤੇ ਜੌਬਸ ਮਨਿਸਟਰ ਅਤੇ ਕੈਨੇਡਾ-ਅਮਰੀਕਾ ਵਪਾਰ ਲਈ ਫੈਡਰਲ ਮੰਤਰੀ ਡੋਮਿਨਿਕ ਲੇਬਲੈਂਕ ਸਮੇਤ ਹੋਰ ਸੰਘੀ ਸਿਆਸਤਦਾਨ ਸ਼ਾਮਲ ਹੋ ਰਹੇ ਹਨ।

ਬੀ. ਸੀ. ਸਰਕਾਰ ਦਾ ਇਰਾਦਾ ਫੈਡਰਲ ਸਰਕਾਰ ਤੋਂ ਸੰਘਰਸ਼ ਕਰ ਰਹੇ ਫੋਰੈਸਟਰੀ ਖੇਤਰ ਦੀ ਮਦਦ ਲਈ ਸਹਾਇਤਾ ਦੀ ਮੰਗ ਕਰਨਾ ਤੇ ਵਰਕਰਜ਼ ਦੀ ਸਪੋਰਟ ਲਈ ਰਸਤੇ ਤਲਾਸ਼ਣਾ ਹੈ।ਸਾਫਟਵੁੱਡ ਲੱਕੜ ਦਹਾਕਿਆਂ ਤੋਂ ਟਕਰਾਅ ਦਾ ਮੁੱਦਾ ਰਿਹਾ ਹੈ, ਅਮਰੀਕਾ ਨੇ ਕੈਨੇਡਾ 'ਤੇ ਆਪਣੇ ਉਦਯੋਗ ਨੂੰ ਸਬਸਿਡੀ ਦੇਣ ਦਾ ਦੋਸ਼ ਲਗਾਉਂਦੇ ਹੋਏ ਡਿਊਟੀਆਂ ਵਧਾਈਆਂ ਹਨ। ਮੌਜੂਦਾ ਸਮੇਂ ਇਹ ਸੈਕਟਰ 50 ਫੀਸਦੀ ਦੇ ਕਰੀਬ ਟੈਰਿਫਸ ਦਾ ਸਾਹਮਣਾ ਕਰ ਰਿਹਾ ਹੈ।

ਬੀ.ਸੀ. ਕੌਂਸਲ ਔਫ ਫੋਰੈਸਟ ਇੰਡਸਟਰੀ ਅਤੇ ਸੂਬੇ ਦੇ ਜੰਗਲਾਤ ਮੰਤਰੀ ਰਵੀ ਪਰਮਾਰ ਨੇ ਪਿਛਲੇ ਦਿਨੀਂ ਕਿਹਾ ਸੀ ਕਿ ਫੈਡਰਲ ਸਰਕਾਰ ਨੂੰ ਲੱਕੜ ਦੇ ਮਾਮਲੇ ਵਿਚ ਵੀ ਓਨੀ ਹੀ ਗੰਭੀਰਤਾ ਦਿਖਾਉਣੀ ਚਾਹੀਦੀ ਹੈ ਜਿੰਨੀ ਉਸ ਨੇ ਸਟੀਲ, ਐਲੂਮੀਨੀਅਮ ਤੇ ਊਰਜਾ ਸੈਕਟਰ ਲਈ ਦਿਖਾਈ ਹੈ।