16.72C Vancouver 16.72C VancouverMar 3, 2020 9:14 PM -
ਬੀ.ਸੀ. ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਜਿਹੜੇ ਕਾਮੇ ਘਰੇਲੂ ਜਾਂ ਜਿਨਸੀ ਹਿੰਸਾ ਤੋਂ ਆਪਣਾ ਬਚਾਅ ਕਰਨ ਲਈ ਕਿਸੇ ਸਥਿਤੀ ਵਿੱਚੋਂ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੇ ਹੋਣ, ਉਨ੍ਹਾਂ ਨੂੰ 5 ਦਿਨ ਦੀ ਪੇਡ ਲੀਵ (paid leave) ਯਾਨੀ ਕਿ ਤਨਖਾਹ ਦੇ ਨਾਲ ਛੁੱਟੀ ਦੀ ਇਜਾਜਤ ਹੋਵੇਗੀ।
ਇਸ ਬਾਰੇ ਵਿਕਟੋਰੀਆ 'ਚ ਲੇਬਰ, ਫਾਈਨੈਂਸ, ਅਤੇ ਜੈਂਡਰ ਇਕਵਿਟੀ (labour, finance ਅਤੇ gender equity) ਮੰਤਰਾਲੇ ਦੇ ਦਫਤਰ ਵੱਲੋਂ ਐਲਾਨ ਕੀਤਾ ਗਿਆ ਹੈ।
ਇਸ ਨਵੇਂ ਕਨੂੰਨ ਤਹਿਤ ਘਰੇਲੂ ਹਿੰਸਾ ਜਾਂ ਜਿਨਸੀ ਹਿੰਸਾ ਕਾਰਨ ਪ੍ਰਭਾਵਿਤ ਵਿਅਕਤੀ ਦੇ ਬੱਚੇ, ਅਤੇ ਉਨ੍ਹਾਂ ਦੇ ਮਾਪੇ, ਜਾਂ ਉਨ੍ਹਾਂ 'ਤੇ ਨਿਰਭਰ ਕਰਨ ਵਾਲੇ ਲੋਕ ਵੀ ਸ਼ਾਮਿਲ ਕੀਤੇ ਗਏ ਹਨ।
ਬੀ.ਸੀ. ਦੀ ਐਂਡਿੰਗ ਵਾਇਲੈਂਸ ਐਸੋਸੀਏਅਸ਼ਨ (Ending violence association) ਦੀ ਐਗਜੀਕਿਊਟਿਵ ਡਾਇਰੈਕਟਰ (Executive director), ਟਰੇਸੀ ਪੋਰਟੀਅਸ (Tracy Porteous) ਦਾ ਕਹਿਣਾ ਸੀ ਕਿ ਅਜੇਹੀ ਸਥਿਤੀ ਮੁਸ਼ਕਿਲ ਭਰੀ ਹੋ ਸਕਦੀ ਹੈ, ਪਰ ਜਿੰਨਾ ਨੂੰ ਜਰੂਰਤ ਹੈ ਉਨ੍ਹਾਂ ਲਈ ਮਦਦ ਮੁਹਈਆ ਕਰਵਾਈ ਜਾਂਦੀ ਹੈ।
