24.73C Vancouver 24.73C VancouverJan 23, 2026 2:36 PM - Connect Newsroom - Ramandeep Kaur with files from The Canadian Press
ਬੀ. ਸੀ. ਸਰਕਾਰ ਨੇ ਫਿਰੌਤੀ ਦੀਆਂ ਘਟਨਾਵਾਂ ਨੂੰ ਨੱਥ ਪਾਉਣ ਲਈ ਪ੍ਰੋਵਿਸ਼ੀਅਲ ਫੌਰੈਂਸਿਕ ਫਾਇਰਆਰਮ ਲੈਬ ਦੇ ਵਿਸਥਾਰ ਦਾ ਐਲਾਨ ਕੀਤਾ ਹੈ, ਜਿਸ ਲਈ $600,000 ਦੀ ਫਡਿੰਗ ਦਿੱਤੀ ਜਾ ਰਹੀ ਹੈ।
ਸੂਬੇ ਦੀ ਪਬਲਿਕ ਸੇਫਟੀ ਮੰਤਰੀ ਨੀਨਾ ਕਰੀਗਰ ਨੇ ਕਿਹਾ ਕਿ ਇਸ ਵਿਸਥਾਰ ਦਾ ਮੁੱਖ ਮਕਸਦ ਐਕਸਟੋਸ਼ਨ ਨਾਲ ਜੁੜੇ ਗੰਭੀਰ ਮਾਮਲਿਆਂ ਦੀ ਜਾਂਚ ਨੂੰ ਪਹਿਲ ਦੇਣਾ ਹੈ, ਜਿਸ ਨਾਲ ਪੁਲਿਸ ਨੂੰ ਹਥਿਆਰਾਂ ਦੀ ਫੋਰੈਂਸਿਕ ਜਾਂਚ ਦੇ ਨਤੀਜੇ ਜਲਦ ਪ੍ਰਾਪਤ ਹੋ ਸਕਣਗੇ ਅਤੇ ਮੁਲਜ਼ਮਾਂ ਖਿਲਾਫ ਚਾਰਜ ਲਈ ਜਲਦ ਅਪਰੂਵਲ ਮਿਲ ਸਕੇਗੀ।
ਅੰਕੜਿਆਂ ਅਨੁਸਾਰ, ਸਾਲ 2024 ਵਿਚ ਇਸ ਲੈਬ ਕੋਲ ਲਗਭਗ 870 ਕੇਸ ਆਏ ਸਨ, ਜੋ ਕਿ 2023 ਵਿਚ ਆਏ 625 ਕੇਸਾਂ ਦੇ ਮੁਕਾਬਲੇ ਕਾਫੀ ਜ਼ਿਆਦਾ ਹਨ। ਕਰੀਗਰ ਨੇ ਕਿਹਾ ਕਿ ਅਸੀਂ ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਪੁਲਿਸ ਕੋਲ ਉਹ ਸਾਰੇ ਸਾਧਨ ਅਤੇ ਸਰੋਤ ਹੋਣ ਜਿਨ੍ਹਾਂ ਦੀ ਮਦਦ ਨਾਲ ਅਪਰਾਧੀਆਂ ਨੂੰ ਕਾਨੂੰਨ ਦੇ ਕਟਹਿਰੇ ਵਿਚ ਖੜ੍ਹਾ ਕੀਤਾ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਫਾਇਰਆਰਮ ਫੌਰੈਂਸਿਕ ਲੈਬ ਵਿਚ ਇਹ ਨਿਵੇਸ਼ ਸਾਡੀ ਪੁਲਿਸ ਨੂੰ ਉਹ ਸਪੋਰਟ ਦੇਵੇਗਾ ਜਿਸ ਦੀ ਮਦਦ ਨਾਲ ਉਹ ਅਦਾਲਤਾਂ ਵਿਚ ਦੋਸ਼ੀਆਂ ਵਿਰੁੱਧ ਪੁਖਤਾ ਸਬੂਤ ਪੇਸ਼ ਕਰ ਸਕਣਗੇ।
Source: https://www.surrey.ca/sites/default/files/media/documents/2026-01-21-LTR-Mayor-Locke-to-Min-Anandasangaree-re-Federal-leadership-to-combat-violent-extortion.pdf
Source: B.C. Government news release: https://news.gov.bc.ca/releases/2026PSSG0003-000061
With files from The Canadian Press.
