ਬੀ.ਸੀ. ਸਰਕਾਰ ਵੱਲੋਂ ਐਸਕੇ ਕ੍ਰੀਕ ਖਾਨ ਮੁੜ ਸ਼ੁਰੂ ਕਰਨ ਲਈ ਵਾਤਾਵਰਣ ਸਰਟੀਫਿਕੇਟ ਜਾਰੀ

ਬੀ.ਸੀ.ਸਰਕਾਰ ਨੇ ਇੱਕ ਪੁਰਾਣੀ ਗੋਲਡ ਤੇ ਸਿਲਵਰ ਮਾਈਨਿੰਗ ਨੂੰ ਮੁੜ ਸ਼ੁਰੂ ਕਰਨ ਲਈ ਐਸਕੇ ਕਰੀਕ ਮਾਈਨਿੰਗ ਲਿਮਟਿਡ ਨੂੰ ਵਾਤਾਵਰਣ ਮੁਲਾਂਕਣ ਸਰਟੀਫਿਕੇਟ ਜਾਰੀ ਕੀਤਾ ਹੈ। ਇਹ ਪ੍ਰੋਜੈਕਟ ਤਾਹਲਤਾਨ ਸੈਂਟਰਲ ਵਿਚ ਸਥਿਤ ਹੈ ਅਤੇ ਇਸ ਨੂੰ ਕੈਨੇਡਾ ਦਾ ਪਹਿਲਾ ਅਜਿਹਾ ਸਮਝੌਤਾ ਮੰਨਿਆ ਜਾ ਰਿਹਾ ਹੈ ਜੋ ਪੂਰੀ ਤਰ੍ਹਾਂ ਫਰਸਟ ਨੇਸ਼ਨ ਸਰਕਾਰ ਦੀ ਸਹਿਮਤੀ 'ਤੇ ਅਧਾਰਿਤ ਹੈ।

ਸੂਬਾ ਸਰਕਾਰ ਅਨੁਸਾਰ, ਜੇਕਰ ਇਸ ਪ੍ਰੋਜੈਕਟ ਨੂੰ ਅਗਲੇਰੀਆਂ ਫੈਡਰਲ ਮਨਜ਼ੂਰੀਆਂ ਮਿਲ ਜਾਂਦੀਆਂ ਹਨ ਤਾਂ ਇਸ ਨਾਲ ਵੱਡੇ ਪੱਧਰ 'ਤੇ ਆਰਥਿਕ ਲਾਭ ਹੋਣ ਦੀ ਉਮੀਦ ਹੈ। ਇਸ ਮਾਈਨਿੰਗ ਪ੍ਰੋਜੈਕਟ ਦੇ ਉਸਾਰੀ ਦੌਰਾਨ ਲਗਭਗ 1,000 ਨੌਕਰੀਆਂ ਅਤੇ ਕੰਮਕਾਜ ਦੌਰਾਨ 770 ਤੋਂ ਵੱਧ ਪੱਕੀਆਂ ਨੌਕਰੀਆਂ ਪੈਦਾ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਸੂਬਾ ਸਰਕਾਰ ਨੂੰ ਲਗਭਗ $1.2 ਬਿਲੀਅਨ ਦਾ ਰੈਵੇਨਿਊ ਪ੍ਰਾਪਤ ਹੋਣ ਦਾ ਅਨੁਮਾਨ ਹੈ।