21.85C Vancouver 21.85C VancouverJan 30, 2026 7:09 PM - Connect Newsroom - Jasmine Singh with files from The Canadian Press
ਬੀ. ਸੀ. ਦੇ ਅਰਬਪਤੀ ਜਿਮ ਪੈਟੀਸਨ ਦੀ ਕੰਪਨੀ ਨੇ ਇੱਕ ਅਹਿਮ ਐਲਾਨ ਕਰਦਿਆਂ ਅਮਰੀਕੀ ਏਜੰਸੀ ਆਈ.ਸੀ.ਈ. ਯਾਨੀ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਇਨਫੋਰਸਮੈਂਟ ਨੂੰ ਵਰਜੀਨੀਆ ਸਥਿਤ ਆਪਣੇ 550,000 ਵਰਗ ਫੁੱਟ ਵੇਅਰ ਹਾਊਸ ਵੇਚਣ ਦੀ ਯੋਜਨਾ ਨੂੰ ਰੱਦ ਕਰ ਦਿੱਤਾ ਹੈ। ਇਹ ਜਗ੍ਹਾ ਆਈ.ਸੀ.ਈ. ਲਈ ਡੀਟੈਂਸ਼ਨ ਸੈਂਟਰ ਵਜੋਂ ਵਰਤੀ ਜਾਣੀ ਸੀ।
ਜਿਮ ਪੈਟੀਸਨ ਡਿਵੈਲਪਮੈਂਟ ਨੇ ਸ਼ੁੱਕਰਵਾਰ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਵਰਜੀਨੀਆ ਵਿਚ ਸਾਡੀ ਉਦਯੋਗਿਕ ਇਮਾਰਤ ਨੂੰ ਵੇਚਣ ਦਾ ਸੌਦਾ ਹੁਣ ਅੱਗੇ ਨਹੀਂ ਵਧੇਗਾ। ਇਸ ਸੌਦੇ ਦੀ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਕੈਨੇਡਾ ਅਤੇ ਅਮਰੀਕਾ ਦੋਵਾਂ ਥਾਵਾਂ 'ਤੇ ਤਿੱਖਾ ਪ੍ਰਤੀਕਰਮ ਦੇਖਣ ਨੂੰ ਮਿਲਿਆ ਸੀ। ਬੀ. ਸੀ. ਦੀ ਅਟਾਰਨੀ ਜਨਰਲ ਨਿੱਕੀ ਸ਼ਰਮਾ ਅਤੇ ਸੰਸਦ ਮੈਂਬਰ ਜੈਨੀ ਕਵੈਨ ਵਰਗੇ ਸਿਆਸਤਦਾਨਾਂ ਨੇ ਕੰਪਨੀ ਨੂੰ ਮਨੁੱਖੀ ਅਧਿਕਾਰਾਂ ਦਾ ਹਵਾਲਾ ਦਿੰਦੇ ਹੋਏ ਇਸ ਸੌਦੇ 'ਤੇ ਮੁੜ ਵਿਚਾਰ ਕਰਨ ਲਈ ਕਿਹਾ ਸੀ।
ਸ਼ਰਮਾ ਨੇ ਕਿਹਾ ਸੀ ਕਿ ਕੈਨੇਡੀਅਨ ਕਾਰੋਬਾਰੀਆਂ ਨੂੰ ਅਮਰੀਕਾ ਵਿਚ ਜੋ ਕੁਝ ਵਾਪਰ ਰਿਹਾ ਹੈ ਉਸ ਨੂੰ ਧਿਆਨ ਰੱਖ ਕੇ ਆਪਣੀ ਭੂਮਿਕਾ ਬਾਰੇ ਸੋਚਣ ਦੀ ਲੋੜ ਹੈ। ਡੈਮੋਕ੍ਰੇਸਿੰਗ ਰਾਈਸਿੰਗ ਵਰਗੇ ਗਰੁੱਪਾਂ ਨੇ ਕਿਹਾ ਸੀ ਕਿ ਆਈ.ਸੀ.ਈ. ਵਰਗੀ ਏਜੰਸੀ ਨੂੰ ਬਿਲਿੰਡਗ ਵੇਚਣਾ ਨੈਤਿਕ ਤੌਰ 'ਤੇ ਗਲਤ ਹੋਵੇਗਾ ਕਿਉਂਕਿ ਇਹ ਏਜੰਸੀ ਪਰਿਵਾਰਾਂ ਨੂੰ ਵੱਖ ਕਰਨ ਅਤੇ ਸਖ਼ਤ ਇਮੀਗ੍ਰੇਸ਼ਨ ਕਾਰਵਾਈਆਂ ਲਈ ਜਾਣੀ ਜਾਂਦੀ ਹੈ।
