19.85C Vancouver 19.85C VancouverAug 21, 2020 7:07 PM -
ਬੀ.ਸੀ. 'ਚ ਕੋਵਿਡ-19 ਦੇ ਮਾਮਲਿਆਂ 'ਚ ਲਗਾਤਾਰ ਹੁੰਦੇ ਵਾਧੇ ਵਿਚਾਲੇ, ਪਬਲਿਕ ਸੇਫ਼ਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਕਿਹਾ ਹੈ ਕਿ ਕੋਈ ਵੀ ਪਾਰਟੀ ਕਿਸੇ ਦੀ ਜਾਨ ਤੋਂ ਵੱਧ ਕੀਮਤੀ ਨਹੀਂ ਹੈ।
ਫਾਰਨਵਰਥ ਨੇ ਕਿਹਾ ਕਿ ਹੁਣ ਕਿਸੇ ਪਾਰਟੀ ਜਾਂ ਈਵੈਂਟ ਦੌਰਾਨ ਕੋਵਿਡ-19 ਨਾਲ ਜੁੜੇ ਲੋਕ ਸਿਹਤ ਨਿਰਦੇਸ਼ਾਂ ਦਾ ਉਲੰਘਣ ਕਰਨ ਵਾਲਿਆਂ ਨੂੰ $2,000 ਤੱਕ ਦੇ ਟਿਕਟ ਜਾਰੀ ਕੀਤੇ ਜਾਣਗੇ।
ਇਸ ਦੇ ਨਾਲ ਹੀ ਅਜਿਹੇ ਲੋਕਾਂ ਨੂੰ $200 ਦੇ ਟਿਕਟ ਜਾਰੀ ਕੀਤੇ ਜਾ ਸਕਦੇ ਹਨ, ਜੋ ਕਿਸੇ ਇਕੱਠ ਤੋਂ ਜਾਣ ਤੋਂ ਇਨਕਾਰ ਕਰਦੇ ਹਨ, ਜਾਂ ਕਿਸੇ ਜਗ੍ਹਾ ਸਟਾਫ਼ ਦੀ ਫਿਜ਼ਿਕਲ ਡਿਸਟੈਨਸਿੰਗ ਨੂੰ ਬਣਾ ਕੇ ਰੱਖਣ ਦੀ ਕੋਸ਼ਿਸ਼ 'ਚ ਅੜਿੱਕਾ ਬਣਦੇ ਹਨ।
ਫਾਰਨਵਰਥ ਦਾ ਕਹਿਣਾ ਹੈ ਕਿ ਕੁਝ ਕੁ ਲੋਕ ਹੀ ਹਨ ਜੋ ਮਰਜ਼ੀ ਨਾਲ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਤੋਂ ਬਚਦੇ ਹਨ, ਜਾਂ ਨਿਰਦੇਸ਼ਾਂ ਨੂੰ ਮੰਨਣਾ ਜ਼ਰੂਰੀ ਨਹੀਂ ਸਮਝਦੇ ਹਨ।
ਉਨ੍ਹਾਂ ਦੱਸਿਆ ਕਿ ਜੇਕਰ ਫਿਰ ਵੀ ਉਲੰਘਣਾ ਜਾਰੀ ਰਹਿੰਦੀ ਹੈ ਤਾਂ ਇਸ 'ਚ ਸੁਧਾਰ ਲਈ ਹੋਰ ਵੀ ਕਦਮ ਚੁੱਕੇ ਜਾਣਗੇ।
