14.48C Vancouver 14.48C VancouverOct 22, 2025 7:17 PM - Connect Newsroom
ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਦੀ ਪ੍ਰਧਾਨ ਆਇਸ਼ਾ ਐਸਟੇ ਅਤੇ ਮੈਨਜਮੈਂਟ ਕਮੇਟੀ ਨੇ ਜੌਨ ਰਸਟੈਡ ਨੂੰ ਲੀਡਰ ਵਜੋਂ ਅਸਤੀਫਾ ਦੇਣ ਲਈ ਕਿਹਾ ਹੈ, ਕਮੇਟੀ ਨੇ ਇਸ ਪਿੱਛੇ ਅਕਤੂਬਰ 2024 ਦੀਆਂ ਸੂਬਾਈ ਚੋਣਾਂ ਤੋਂ ਬਾਅਦ ਪਾਰਟੀ ਵਿਚ ਵਧੀ ਅਰਾਜਕਤਾ ਦਾ ਹਵਾਲਾ ਦਿੱਤਾ।
ਰਸਟੈਡ ਨੂੰ ਲਿਖੇ ਪੱਤਰ ਵਿਚ ਕਿਹਾ ਗਿਆ ਹੈ ਕਿ ਬੋਰਡ ਔਫ ਡਾਇਰੈਕਟਰ ਦੀ ਮੈਨੇਜਮੈਂਟ ਕਮੇਟੀ ਦੇ ਮੌਜੂਦਾ ਅਤੇ ਸੀਟਿੰਗ ਮੈਂਬਰ ਨੂੰ ਤੁਹਾਡੀ ਲੀਡਰਸ਼ਿਪ 'ਤੇ ਭਰੋਸਾ ਨਹੀਂ ਹੈ, ਅਸੀਂ ਤੁਹਾਨੂੰ ਤੁਰੰਤ ਲੀਡਰ ਵਜੋਂ ਅਸਤੀਫਾ ਦੇਣ ਲਈ ਕਹਿੰਦੇ ਹਾਂ।
ਕਮੇਟੀ ਨੇ ਪੱਤਰ ਵਿਚ ਕਿਹਾ ਕਿ ਰਸਟੈਡ ਦੀ ਲੀਡਰਸ਼ਿਪ ਨੇ ਪਾਰਟੀ ਨੂੰ ਕਮਜ਼ੋਰ ਕੀਤਾ ਹੈ ਅਤੇ ਇਸ ਦੀ ਏਕਤਾ ਨੂੰ ਢਾਹ ਲਾਈ ਹੈ। ਉਥੇ ਹੀ, ਰਸਟੈਡ ਨੇ ਅਸਤੀਫੇ ਦੀ ਮੰਗ ਦੇ ਬਾਵਜੂਦ ਅਹੁਦਾ ਛੱਡਣ ਤੋਂ ਇਨਕਾਰ ਕੀਤਾ ਹੈ।
ਬੀ.ਸੀ. ਕੰਜ਼ਰਵੇਟਿਵ ਵਿਚ ਇਹ ਵਿਵਾਦ ਪਾਰਟੀ ਵਿਚ ਅੰਦਰੂਨੀ ਕਲੇਸ਼ ਅਤੇ ਵਿਧਾਇਕਾਂ ਦੇ ਲਗਾਤਾਰ ਪਾਰਟੀ ਛੱਡਣ ਦੇ ਵਿਚਕਾਰ ਆਇਆ ਹੈ। ਸਭ ਤੋਂ ਤਾਜ਼ਾ ਮਾਮਲਾ ਅਮੇਲੀਆ ਬੋਲਟਬੀ ਨੂੰ ਪਾਰਟੀ ਬਾਹਰ ਕਰਨ ਦਾ ਹੈ, ਜੋ ਪਿਛਲੇ ਸਾਲ ਦੀਆਂ ਸੂਬਾਈ ਚੋਣਾਂ ਤੋਂ ਬਾਅਦ ਪਾਰਟੀ ਤੋਂ ਬਾਹਰ ਹੋਣ ਵਾਲੀ ਪੰਜਵੀਂ ਵਿਧਾਇਕ ਹੈ।
