ਬੀ.ਸੀ. ਕੰਜ਼ਰਵੇਟਿਵ ਲੀਡਰਸ਼ਿਪ ਉਮੀਦਵਾਰ ਫੁਲਮਰ ਨੇ ਵਨਬੀਸੀ ਦੀ ਆਗੂ ਨਾਲ ਕੀਤਾ ਡੀਲ ਦਾ ਐਲਾਨ

ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਦੀ ਚੱਲ ਰਹੀ ਲੀਡਰਸ਼ਿਪ ਰੇਸ ਦੌਰਾਨ ਇਸ ਦੌੜ ਦੇ ਉਮੀਦਵਾਰ ਯੂਰੀ ਫੁਲਮਰ ਨੇ ਹਾਲ ਹੀ ਵਿਚ ਨਵੀਂ ਬਣੀ ਪਾਰਟੀ ਵਨਬੀਸੀ ਦੀ ਆਗੂ ਡੱਲਾਸ ਬ੍ਰੋਡੀ ਨਾਲ ਇੱਕ ਡੀਲ ਦਾ ਐਲਾਨ ਕੀਤਾ ਹੈ।

ਇਸ ਸਮਝੌਤੇ ਤਹਿਤ ਜੇਕਰ ਫੁਲਮਰ ਬੀ. ਸੀ. ਕੰਜ਼ਰਵੇਟਿਵ ਦੇ ਲੀਡਰ ਬਣਦੇ ਹਨ ਤਾਂ ਵਨਬੀਸੀ ਸੂਬੇ ਦੀਆਂ 88 ਜਾਂ 93 ਸੀਟਾਂ 'ਤੇ ਆਪਣੇ ਉਮੀਦਵਾਰ ਨਹੀਂ ਉਤਾਰੇਗੀ, ਬਦਲੇ ਵਿਚ ਫੁਲਮਰ ਦੀ ਅਗਵਾਈ ਵਿਚ ਕੰਜ਼ਰਵੇਟਿਵ ਵੀ 5 ਖਾਸ ਸੀਟਾਂ 'ਤੇ ਵਨਬੀਸੀ ਸਾਹਮਣੇ ਆਪਣੇ ਉਮੀਦਵਾਰ ਨਹੀਂ ਖੜ੍ਹੇ ਕਰਨਗੇ।

ਫੁਲਮਰ ਨੇ ਬ੍ਰੋਡੀ ਨਾਲ ਇੱਕ ਵਿਸ਼ਵਾਸ ਅਤੇ ਸਪਲਾਈ ਸਮਝੌਤਾ ਵੀ ਕਰਨ ਦੀ ਗੱਲ ਆਖੀ ਹੈ। ਇਹ ਉਦੋਂ ਹੈ ਜਦੋਂ ਵਨਬੀਸੀ ਇੱਕ ਬਿਲਕੁਲ ਨਵੀਂ ਪਾਰਟੀ ਹੈ ਅਤੇ ਜਿਸ ਦਾ ਅਜੇ ਤੱਕ ਕੋਈ ਵੀ ਨਵਾਂ ਚੁਣਿਆ ਗਿਆ ਐਮ.ਐਲ.ਏ. ਤੱਕ ਨਹੀਂ ਹੈ। 2024 ਦੀਆਂ ਸੂਬਾਈ ਚੋਣਾਂ ਵਿਚ ਬੀ. ਸੀ. ਕੰਜ਼ਰਵੇਟਿਵ ਸਿਰਫ਼ 3 ਸੀਟਾਂ ਦੇ ਫਰਕ ਨਾਲ ਐਨ.ਡੀ.ਪੀ. ਤੋਂ ਹਾਰ ਗਏ ਸਨ।

ਬ੍ਰੋਡੀ ਵੈਨਕੂਵਰ-ਕੁਇਲਚੇਨਾ ਤੋਂ ਐਮ.ਐਲ.ਏ. ਹੈ, ਉਸ ਨੇ ਬੀ. ਸੀ. ਕੰਜ਼ਰਵੇਟਿਵ ਪਾਰਟੀ ਤੋਂ ਕੱਢੇ ਜਾਣ ਮਗਰੋਂ ਹੀ ਵਨਬੀਸੀ ਦੀ ਨੀਂਹ ਰੱਖੀ ਸੀ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਇਸ ਡੀਲ ਨਾਲ ਫੁਲਮਰ ਦੀ ਲੀਡਰਸ਼ਿਪ ਦੌੜ 'ਤੇ ਕੀ ਅਸਰ ਪੈਂਦਾ ਹੈ, ਉਹਨਾਂ ਦਾ ਮੁਕਾਬਲਾ ਪੰਜ ਹੋਰਾਂ ਨਾਲ ਹੈ ਅਤੇ ਨਵੇਂ ਲੀਡਰ ਦਾ ਐਲਾਨ 30 ਮਈ ਨੂੰ ਕੀਤਾ ਜਾਵੇਗਾ।