ਬੀ.ਸੀ. ਕੰਜ਼ਰਵੇਟਿਵ ਲੀਡਰਸ਼ਿਪ ਦੌੜ ਪਾਰਟੀ ਨੂੰ ਨਵੀਂ ਦਿਸ਼ਾ ਦੇਵੇਗੀ: ਹੈਲਫੋਰਡ

ਬੀ. ਸੀ. ਕੰਜ਼ਰਵੇਟਿਵ ਦੇ ਅੰਤਰਿਮ ਲੀਡਰ ਟ੍ਰੇਵਰ ਹੈਲਫੋਰਡ ਨੇ ਸਾਲ ਦੇ ਅੰਤ ਵਿਚ ਦਿੱਤੇ ਇੱਕ ਇੰਟਰਵਿਊ ਦੌਰਾਨ ਵਿਸ਼ਵਾਸ ਪ੍ਰਗਟਾਇਆ ਹੈ ਕਿ ਆਉਣ ਵਾਲੀ ਲੀਡਰਸ਼ਿਪ ਚੋਣ ਪਾਰਟੀ ਨੂੰ ਮੁੜ ਸੁਰਜੀਤ ਕਰੇਗੀ। ਉਨ੍ਹਾਂ ਕਿਹਾ ਕਿ ਇਹ ਚੋਣ ਨਾ ਸਿਰਫ਼ ਮੈਂਬਰਸ ਨੂੰ ਇੱਕ ਮੰਚ 'ਤੇ ਲਿਆਵੇਗੀ ਬਲਕਿ ਸੂਬੇ ਲਈ ਇੱਕ ਅਜਿਹਾ ਨਵਾਂ ਵਿਜ਼ਨ ਵੀ ਪੇਸ਼ ਕਰੇਗੀ ਜੋ ਲੋਕਾਂ ਨੂੰ ਇੱਕ ਮਜ਼ਬੂਤ ਬਦਲ ਪ੍ਰਦਾਨ ਕਰੇਗਾ।

ਹੈਲਫੋਰਡ ਨੇ ਕਿਹਾ ਕਿ ਜੌਨ ਰਸਟੈਡ ਦੇ ਲੀਡਰਸ਼ਿਪ ਛੱਡਣ ਤੋਂ ਬਾਅਦ ਪਾਰਟੀ ਹੁਣ ਅੱਗੇ ਵੱਧ ਰਹੀ ਹੈ ਅਤੇ ਫੰਡ ਇਕੱਠਾ ਕਰਨ ਦੇ ਮਾਮਲੇ ਵਿਚ ਕੁਝ ਸਭ ਤੋਂ ਵਧੀਆ ਦਿਨ ਰਹੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਨਵਾਂ ਲੀਡਰ ਪਾਰਟੀ ਦੀਆਂ ਅੰਦਰੂਨੀ ਚੁਣੌਤੀਆਂ ਨੂੰ ਖਤਮ ਕਰਕੇ ਸਾਰਿਆਂ ਨੂੰ ਨਾਲ ਲੈ ਕੇ ਚੱਲੇਗਾ।

ਹੈਲਫੋਰਡ ਨੇ ਐਨ.ਡੀ.ਪੀ. ਸਰਕਾਰ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਬੀ.ਸੀ. ਇਸ ਸਮੇਂ ਜਬਰੀ, ਜੰਗਲਾਤ ਅਤੇ ਹੈਲਥ ਕੇਅਰ ਵਰਗੇ ਸੰਕਟਾਂ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਸੂਬਾ ਵਾਸੀ ਅੱਗੇ ਵਧਣ ਦੀ ਬਜਾਏ ਪਿੱਛੇ ਜਾ ਰਹੇ ਹਨ ਤੇ ਅਸੀਂ ਸਰਕਾਰ ਨੂੰ ਹਰ ਰੋਜ਼ ਜਵਾਬਦੇਹ ਬਣਾਵਾਂਗੇ।

ਗੌਰਤਲਬ ਹੈ ਕਿ ਲੀਡਰਸ਼ਿਪ ਦੀ ਦੌੜ ਲਈ ਕਈ ਸੰਭਾਵੀ ਉਮੀਦਵਾ ਰਾਂ ਦੇ ਨਾਂ ਚਰਚਾ ਵਿਚ ਹਨ, ਜਿਨ੍ਹਾਂ ਵਿਚ ਸੰਘੀ ਸੰਸਦ ਮੈਂਬਰ ਐਰੋਨ ਗਨ, ਸਾਬਕਾ ਗ੍ਰੋਸਰੀ ਐਗਜ਼ੀਕਿਊਟਿਵ ਡੈਰੇਲ ਜੋਨਸ ਅਤੇ ਵਿਧਾਇਕ ਪੀਟਰ ਮਿਲੋਬਾਰ ਅਤੇ ਹਰਮਨ ਭੰਗੂ ਸ਼ਾਮਲ ਹਨ, ਹਾਲਾਂਕਿ ਅਜੇ ਤੱਕ ਕਿਸੇ ਨੇ ਵੀ ਲੀਡਰਸ਼ਿਪ ਚੋਣ ਲੜਨ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ।