ਬ੍ਰਿਟਿਸ਼ ਕੋਲੰਬੀਆ ਕੈਰੀਬੂ ਨਾਂ ਦੇ ਜਾਨਵਰਾਂ ਨੂੰ ਬਚਾਉਣ ਲਈ ਸਭ ਤੋਂ ਵੱਡੀ ਸੂਬਾਈ ਪਾਰਕ ਕਰਵਾਈ ਤਿਆਰ

ਬ੍ਰਿਟਿਸ਼ ਕੋਲੰਬੀਆ ਕੈਰੀਬੂ ਨਾਂ ਦੇ ਜਾਨਵਰਾਂ ਨੂੰ ਬਚਾਉਣ ਲਈ ਸਭ ਤੋਂ ਵੱਡੀ ਸੂਬਾਈ ਪਾਰਕ ਤਿਆਰ ਕਰਵਾਈ ਹੈ, ਜੋ 2,000 ਵਰਗ ਕਿਲੋਮੀਟਰ ਇਲਾਕੇ ਵਿਚ ਫੈਲੀ ਹੈ।

ਸੂਬੇ ਦੇ ਇਨਵਾਇਰਮੈਂਟ ਮੰਤਰਾਲੇ ਨੇ ਸਟੇਟਮੈਂਟ ਜਾਰੀ ਕਰਦਿਆਂ ਕਿਹਾ ਕਿ ਕਲਿੰਸੇ ਜਾ ਪਾਰਕ ਨੂੰ ਪਿਛਲੇ ਸਾਲਾਂ ਨਾਲੋਂ 3 ਗੁਣਾ ਵਧਾ ਲਿਆ ਗਿਆ ਹੈ। ਸੂਬੇ ਨੇ ਸੌਲਟੋ ਅਤੇ ਵੈਸਟ ਮੋਬਰਲੀ ਫਰਸ ਨੇਸ਼ਨਜ਼ ਨਾਲ 2020 ਵਿਚ ਹਿੱਸੇਦਾਰੀ ਕੀਤੀ ਸੀ।

ਕਲਿੰਸੇ ਜਾ ਪਾਰਕ ਨੌਰਥ ਵੈਨਕੂਵਰ ਤੋਂ 1100 ਕਿਲੋਮੀਟਰ ਦੀ ਦੂਰੀ ਤੇ ਵੈਸਟ ਚੇਟਵਿੰਡ ਵਿਚ ਹੈ। ਸੂਬੇ ਵਿਚ ਕੈਰੀਬੂ ਦੀ ਗਿਣਤੀ ਪਿਛਲੇ 100 ਸਾਲਾਂ ਨਾਲੋਂ 55 ਫੀਸਦੀ ਘਟੀ ਹੈ, ਇਸੇ ਲਈ ਇਨ੍ਹਾਂ ਨੂੰ ਬਚਾਉਣ ਦੀ ਮੁਹਿੰਮ ਚੱਲ ਰਹੀ ਹੈ।

ਇਸ ਸਮੇਂ ਦੱਖਣੀ ਪਹਾੜੀ ਪ੍ਰਜਾਤੀਆਂ ਦੀਆਂ ਲਗਭਗ 4,000 ਸਪੀਸੀਜ਼ ਬਚੀਆਂ ਹਨ। ਪਾਰਕ ਨੂੰ ਵਧਾਉਣ ਨਾਲ ਕਈ ਹੋਰ ਖਤਰੇ ਵਿਚ ਜਾ ਰਹੇ ਜਾਨਵਰਾਂ ਦੀਆਂ ਨਸਲਾਂ ਨੂੰ ਵੀ ਬਚਾਇਆ ਜਾ ਸਕੇਗਾ।

ਫੈਡਰਲ ਸਰਕਾਰ ਨੇ ਪਾਰਕ ਦੇ ਵਿਕਾਸ ਕਾਰਨ ਪ੍ਰਭਾਵਿਤ ਹੋਣ ਵਾਲੀਆਂ ਇੰਡਸਟਰੀਜ਼ ਲਈ $46 ਮਿਲੀਅਨ ਦੀ ਮਦਦ ਦਿੱਤੀ ਗਈ ਹੈ। ਇਸ ਦੇ ਇਲ਼ਾਵਾ $10 ਮਿਲੀਅਨ ਹੋਰ ਦਿੱਤੇ ਗਏ ਹਨ ।