13.54C Vancouver 13.54C VancouverDec 20, 2021 9:44 PM - The Canadian Press
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਫੂਡ ਡਿਲੀਵਰੀ ਕੰਪਨੀਆਂ ਵੱਲੋਂ ਲਗਾਈ ਜਾਂਦੀ ਫੀਸ 'ਤੇ ਜਾਰੀ ਕੈਪ ਨੂੰ ਐਕਸਟੈਂਡ ਕੀਤਾ ਜਾ ਰਿਹਾ ਹੈ।
ਸੂਬਾ ਸਰਕਾਰ ਅਨੁਸਾਰ ਇਸ ਨਾਲ ਕੋਵਿਡ-19 ਪੈਂਡੈਮਿਕ ਵਿਚਾਲੇ ਰੈਸਟੂਰੈਂਟ ਇੰਡਸਟਰੀ ਨੂੰ ਮਦਦ ਪਹੁੰਚ ਰਹੀ ਹੈ।
ਸੂਬੇ ਦੇ ਜੌਬਸ, ਇਕਨੌਮਿਕ ਰਿਕਵਰੀ ਅਤੇ ਇਨੋਵੇਸ਼ਨ ਮੰਤਰੀ, ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਇਸ ਫੀ ਕੈਪ ਦਾ ਅੰਤ 31 ਦਿਸੰਬਰ ਨੂੰ ਹੋ ਜਾਣਾ ਸੀ ਪਰ ਹੁਣ ਇਸ ਨੂੰ ਸਾਲ 2022 ਦੇ ਅੰਤ ਤਕ ਵਧਾਇਆ ਜਾ ਰਿਹਾ ਹੈ।
ਫੂਡ ਡਿਲੀਵਰੀ ਕੰਪਨੀਆਂ ਵੱਲੋਂ ਰੈਸਟੂਰੈਂਟਾਂ ਤੋਂ ਵਸੂਲੀ ਜਾ ਰਹੀ ਫੀਸ 15% 'ਤੇ ਰਵੇਗੀ।
ਔਨਲਾਈਨ ਸੇਵਾਵਾਂ ਅਤੇ ਪ੍ਰੋਸੈਸਿੰਗ ਫੀਸ ਜਿਹੀਆਂ ਵਧੇਰੇ ਸੇਵਾਵਾਂ ਲਈ ਲਗਾਈ ਗਈ ਕੈਪ 5% 'ਤੇ ਰੱਖੀ ਗਈ ਹੈ।
ਯਾਦ ਰਹੇ ਇਸ ਸੰਬੰਧੀ ਪਹਿਲੇ ਨਿਰਦੇਸ਼ ਬੀਤੇ ਸਾਲ 22 ਦਿਸੰਬਰ ਨੂੰ ਜਾਰੀ ਕੀਤੇ ਗਏ ਸਨ।
ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਇਸ ਨੂੰ ਵਪਾਰਾਂ ਅਤੇ ਇੰਡਸਟਰੀ ਮਾਹਿਰਾਂ ਨੇ ਕਾਮਯਾਬੀ ਭਰੀ ਪ੍ਰੀਕਿਰਿਆ ਮੰਨਿਆ ਹੈ।
