6.43C Vancouver 6.43C VancouverJun 19, 2020 4:18 PM -
ਬੀ.ਸੀ. ਸਰਕਾਰ ਵੱਲੋਂ ਕਿਰਾਏਦਾਰਾਂ ਅਤੇ ਮਕਾਨ ਮਾਲਕਾਂ ਦੀ ਸਹੂਲਤ ਲਈ ਟੈਂਪਰਰੀ ਰੈਂਟਲ ਸੱਪਲੀਮੈਂਟ (ਟੀ.ਆਰ.ਐਸ.) ਨੂੰ ਅਗਸਤ ਮਹੀਨੇ ਦੇ ਅੰਤ ਤੱਕ ਵਧਾ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਕਿਰਾਇਆ ਵਧਾਉਣ ਅਤੇ ਕਿਰਾਏ ਦਾ ਭੁਗਤਾਨ ਨਾ ਹੋਣ 'ਤੇ ਮਕਾਨ ਖਾਲੀ ਕਰਵਾਉਣ ਉੱਤੇ ਲੱਗੀ ਰੋਕ ਨੂੰ ਵੀ 31 ਅਗਸਤ ਤੱਕ ਵਧਾਇਆ ਜਾ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਕਿਰਾਏ ਦੇ ਭੁਗਤਾਨ ਤੋਂ ਇਲਾਵਾ ਹੋਰ ਕਿਸੇ ਵਜ੍ਹਾ ਕਾਰਣ ਹੁਣ ਮਕਾਨ ਮਾਲਕ ਕਿਰਾਏਦਾਰ ਨੂੰ ਮਕਾਨ ਖਾਲੀ ਕਰਨ ਲਈ ਕਹਿ ਸਕਣਗੇ।
ਜਿਹੜੇ ਵਿਅਕਤੀਆਂ ਨੂੰ ਪਹਿਲਾਂ ਤੋਂ ਟੀ.ਆਰ.ਐਸ. ਲਈ ਮੰਜ਼ੂਰੀ ਮਿਲ ਚੁੱਕੀ ਹੈ, ਉਹਨਾਂ ਨੂੰ ਦੋਬਾਰਾ ਅਪਲਾਈ ਕਰਨ ਦੀ ਲੋੜ ਨਹੀਂ ਹੈ।
ਉਹਨਾਂ ਨੂੰ ਇੱਕ ਈਮੇਲ ਭੇਜੀ ਜਾਵੇਗੀ ਜਿਸ ਦੇ ਜਵਾਬ ਵਿੱਚ ਉਹਨਾਂ ਨੂੰ ਤਸਦੀਕ ਕਰਨਾ ਹੋਵੇਗਾ ਕਿ ਜੁਲਾਈ ਅਤੇ ਅਗਸਤ ਦੇ ਮਹੀਨਿਆਂ ਦੌਰਾਨ ਉਸੇ ਪਤੇ 'ਤੇ ਰਹਿਣਗੇ।
31 ਅਗਸਤ ਤੱਕ ਨਵੀਆਂ ਅਰਜ਼ੀਆਂ ਵੀ ਲਈਆਂ ਜਾਣਗੀਆਂ।
ਬੀ.ਸੀ. ਵਿੱਚ ਕਿਰਾਏਦਾਰ ਤੋਂ ਮਕਾਨ ਖਾਲੀ ਕਰਵਾਉਣ ਉੱਤੇ 30 ਮਾਰਚ ਤੋਂ ਰੋਕ ਲੱਗੀ ਹੋਈ ਹੈ।
ਕਿਰਾਏ ਦੇ ਭੁਗਤਾਨ ਤੋਂ ਇਲਾਵਾ, ਬਾਕੀ ਕਾਰਣਾਂ ਕਰਕੇ ਮਕਾਨ ਖਾਲੀ ਕਰਵਾਉਣ ਉੱਤੇ ਲੱਗੀ ਰੋਕ ਨੂੰ ਇਸ ਮਹੀਨੇ ਦੇ ਆਉਣ ਵਾਲੇ ਦਿਨਾਂ 'ਚ ਹਟਾਇਆ ਜਾਵੇਗਾ।
