9.11C Vancouver 9.11C VancouverJan 26, 2022 12:16 AM - The Canadian Press
ਬੀ.ਸੀ. 'ਚ ਜਾਰੀ ਵੈਕਸੀਨ ਪ੍ਰਮਾਣ ਪੇਸ਼ ਕਰਨ ਵਾਲੇ ਵੈਕਸੀਨ ਕਾਰਡ ਪ੍ਰੋਗਰਾਮ ਨੂੰ 30 ਜੂਨ ਤਕ ਜਾਰੀ ਰੱਖਿਆ ਜਾਵੇਗਾ।
ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇਸ ਸੰਬੰਧੀ ਐਲਾਨ ਕੀਤਾ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਓਮੀਕਰੌਨ ਵੇਰੀਐਂਟ ਦੇ ਵਧਦੇ ਫੈਲਾਅ ਵਿਚਾਲੇ ਸਪਸ਼ਟ ਹੈ ਕਿ ਵੈਕਸੀਨੇਸ਼ਨਸ ਦਾ ਚੰਗਾ ਪ੍ਰਭਾਵ ਹੈ ਅਤੇ ਉਸੇ ਕਾਰਨ ਸੂਬਾ ਵਾਇਰਸ ਦੀ ਤਾਜਾ ਵੇਵ ਦੀ ਚੁਣੌਤੀ ਦਾ ਸਾਹਮਣਾ ਕਰਨ 'ਚ ਕਾਮਯਾਬ ਹੋ ਰਿਹਾ ਹੈ।
ਵੈਕਸੀਨ ਕਾਰਡ ਸੰਬੰਧੀ ਨਿਯਮ 12 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ 'ਤੇ ਲਾਗੂ ਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਸਪਸ਼ਟ ਹੈ ਕਿ ਵੈਕਸੀਨ ਹਾਸਿਲ ਕਰਨ ਨਾਲ ਹਸਪਤਾਲ 'ਚ ਦਾਖਲਿਆਂ ਦੇ ਆਸਾਰ ਵੀ ਘੱਟ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਅਜਿਹੇ 'ਚ ਵੈਕਸੀਨ ਪਾਸਪੋਰਟ ਨੂੰ ਲਾਗੂ ਰੱਖਣਾ ਵਾਇਰਸ ਦੇ ਫੈਲਾਅ 'ਤੇ ਕਾਬੂ ਰੱਖਣ ਲਈ ਅਹਿਮ ਕਦਮ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਗਰਾਮ ਆਸਰੇ ਕਈ ਪ੍ਰਕਾਰ ਦੇ ਵਪਾਰਾਂ ਨੂੰ ਜਾਰੀ ਰੱਖਣ 'ਚ ਮਦਦ ਮਿਲੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਜੇਕਰ 30 ਜੂਨ ਤਕ ਦੇ ਸਮੇਂ ਦੌਰਾਨ ਜੇਕਰ ਇਸ ਵਾਇਰਸ ਦੇ ਮਾਮਲੇ ਬੇਹੱਦ ਘਟ ਜਾਂਦੇ ਹਨ ਤਾਂ ਫਿਰ ਇਸ ਪ੍ਰੋਗਰਾਮ ਨੂੰ 30 ਜੂਨ ਤੋਂ ਪਹਿਲਾਂ ਹਟਾਉਣ ਸੰਬੰਧੀ ਫੈਸਲਾ ਲਿਆ ਜਾ ਸਕਦਾ ਹੈ।
ਬੀ.ਸੀ. 'ਚ 1 ਫਰਵਰੀ ਤੋਂ ਸ਼ੁਰੂ ਹੋਣਗੇ ਯੂਥ ਸਪੋਰਟਸ ਪ੍ਰੋਗਰਾਮ
ਅੱਜ ਡਾ. ਬੌਨੀ ਹੈਨਰੀ ਨੇ ਦੱਸਿਆ ਹੈ ਕਿ ਸੂਬੇ ਵਿੱਚ ਖੇਡ ਸੰਬੰਧੀ ਗਤੀਵਿਧੀਆਂ ਇੱਕ ਵਾਰ ਫਿਰ ਤੋਂ ਸ਼ੁਰੂ ਹੋ ਰਹੀਆਂ ਹਨ।
ਉਨ੍ਹਾਂ ਦੱਸਿਆ ਕਿ 1 ਫਰਵਰੀ ਤੋਂ ਸੂਬੇ 'ਚ ਯੂਥ ਸਪੋਰਟਸ ਪ੍ਰੋਗਰਾਮਸ ਇੱਕ ਵਾਰ ਫਿਰ ਤੋਂ ਸ਼ੁਰੂ ਹੋ ਸਕਣਗੇ।
ਹਾਲਾਂਕਿ ਉਨ੍ਹਾਂ ਦੱਸਿਆ ਕਿ ਐਡਲਟ ਸਪੋਰਟਸ ਪ੍ਰੋਗਰਾਮਸ 'ਤੇ ਹਾਲ ਦੀ ਘੜੀ ਪਬੰਦੀ ਜਾਰੀ ਰਵੇਗੀ।
ਉਨ੍ਹਾਂ ਕਿਹਾ ਕਿ ਟੂਰਨਾਮੈਂਟ ਪ੍ਰਬੰਧਕ ਇਸ ਬਦਲਾਅ ਅਨੁਸਾਰ ਪ੍ਰੋਗਰਾਮਸ ਬਾਰੇ ਪਲੈਨਿੰਗ ਸ਼ੁਰੂ ਕਰ ਸਕਦੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸਾਲ ਦੇ ਸਮੇਂ 'ਚ ਆਮ ਤੌਰ 'ਤੇ ਬਹੁਤ ਸਾਰੀਆਂ ਖੇਡ ਗਤੀਵਿਧੀਆਂ ਹੁੰਦੀਆਂ ਹਨ ਅਤੇ ਇਸ ਨੂੰ ਸੁਰੱਖਿਅਤ ਢੰਗ ਨਾਲ ਜਾਰੀ ਰੱਖਣ ਲਈ ਵੀਆ ਸਪੋਰਟਸ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ।
