25.53C Vancouver 25.53C VancouverApr 6, 2026 5:35 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਫੈਰੀਜ਼ ਵਿਚ ਲਗਾਤਾਰ ਚੱਲ ਰਹੇ Cancellation ਦੇ ਸਿਲਸਿਲੇ ਨੂੰ ਲੈ ਕੇ ਲੈਂਗਲੀ-ਐਬਟਸਫੋਰਡ ਤੋਂ ਐਮ.ਐਲ.ਏ. ਅਤੇ ਟਰਾਂਸਪੋਟੇਸ਼ਨ ਲਈ ਬੀ. ਸੀ. ਕੰਜ਼ਰਵੇਟਿਵ ਦੇ ਸ਼ੈਡੋ ਮਿਨਿਸਟਰ ਹਰਮਨ ਭੰਗੂ ਨੇ ਕੰਪਨੀ ਦੀ ਮੌਜੂਦਾ ਮੈਨੇਜਮੈਂਟ 'ਤੇ ਤਿੱਖੇ ਹਮਲੇ ਕਰਦਿਆਂ ਕਿਹਾ ਹੈ ਕਿ ਸਿਸਟਮ ਪੂਰੀ ਤਰ੍ਹਾਂ ਫੇਲ੍ਹ ਹੋ ਚੁੱਕਾ ਹੈ ਅਤੇ ਹੁਣ ਸਾਰੀ ਮੈਨੇਜਮੈਂਟ ਨੂੰ ਬਾਹਰ ਦਾ ਰਸਤਾ ਦਿਖਾਉਣ ਦੀ ਲੋੜ ਹੈ।
ਭੰਗੂ ਨੇ ਸਿਸਟਮ ਦੀ ਨਾਕਾਮੀ 'ਤੇ ਰੋਸ ਜਤਾਉਂਦਿਆਂ ਕਿਹਾ ਕਿ ਵੀਕੈਂਡ ਅਤੇ ਫਿਰ ਸੋਮਵਾਰ ਨੂੰ ਹੋਰ ਫੈਰੀਜ਼ ਰੱਦ ਹੋਣ ਕਾਰਨ ਮੁਸਾਫ਼ਰਾਂ ਨੂੰ ਲਗਾਤਾਰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜਹਾਜ਼ਾਂ ਦਾ ਸਰਵਿਸ ਤੋਂ ਬਾਹਰ ਹੋਣਾ, ਪਾਣੀ ਦੀਆਂ ਸਮੱਸਿਆਵਾਂ ਅਤੇ ਲਗਾਤਾਰ ਹੋ ਰਹੀਆਂ cancellations ਦੀ ਲਿਸਟ ਲੰਬੀ ਹੁੰਦੀ ਜਾ ਰਹੀ ਹੈ।
ਉਨ੍ਹਾਂ ਕੰਪਨੀ ਦੇ ਸੀ.ਈ.ਓ. ਵੱਲੋਂ ਮੁਸਾਫ਼ਰਾਂ ਨੂੰ ਸਫਰ ਲਈ ਪਹਿਲਾਂ ਤੋਂ ਯੋਜਨਾ ਬਣਾਉਣ ਦੀ ਦਿੱਤੀ ਸਲਾਹ 'ਤੇ ਤੰਜ ਕੱਸਦਿਆਂ ਕਿਹਾ ਕਿ ਮੈਨੇਜਮੈਂਟ ਖ਼ੁਦ ਆਪਣੀ ਸਲਾਹ 'ਤੇ ਅਮਲ ਨਹੀਂ ਕਰ ਰਹੀ। ਹਰਮਨ ਭੰਗੂ ਨੇ ਕਿਹਾ ਕਿ ਲੋਕਾਂ ਨੂੰ ਹੋ ਰਹੀ ਖੱਜਲ-ਖੁਆਰੀ ਲਈ ਪੂਰੀ ਮੈਨਜਮੈਂਟ ਨੂੰ ਹਟਾ ਕੇ ਨਵੀਂ ਲੀਡਰਸ਼ਿਪ ਲਿਆਉਣ ਦੀ ਜ਼ਰੂਰਤ ਹੈ।
