ਫਰਵਰੀ 'ਚ ਫੇਰ ਸ਼ੁਰੂ ਹੋ ਸਕੇਗਾ ਸੀਅ ਟੂ ਸਕਾਈ ਗੰਡੋਲਾ

ਕੇਬਲਸ ਦੇ ਕੱਟੇ ਜਾਣ ਤੋਂ 6 ਮਹੀਨੇ ਬਾਅਦ ਹੁਣ ਖਬਰਾਂ ਹਨ ਕਿ ਸੀਅ ਟੂ ਸਕਾਈ ਗੰਡੋਲਾ, ਮਿਥੇ ਸਮੇਂ ਤੋਂ ਪਹਿਲਾਂ ਹੀ ਸ਼ੁਰੂ ਹੋ ਸਕਦਾ ਹੈ।

ਇਸਦੇ 14 ਫਰਵਰੀ ਤੋਂ ਚਾਲੂ ਹੋਣ ਬਾਰੇ ਆਖਿਆ ਜਾ ਰਿਹਾ ਹੈ। ਸਵਿਟਜ਼ਰਲੈਂਡ ਤੋਂ ਅਕਤੂਬਰ ਦੇ ਅੰਤ ਵਿੱਚ ਪਹੁੰਚੇ 30 ਨਵੇਂ ਕੈਬਿਨਸ ਨੂੰ ਮੇਨ ਹੌਲ ਰੋਪ 'ਤੇ ਇੰਸਟਾਲ ਕੀਤਾ ਜਾਵੇਗਾ।

ਸੀਅ ਟੂ ਸਕਾਈ ਗੰਡੋਲਾਦੇ ਮੈਨੇਜਰ, ਕਰਬੀ ਬਰਾਊਨ ਨੇ ਆਖਿਆ ਕਿ, ਇਹ ਮੁਸ਼ਕਿਲ ਟੀਚਾ ਸੀ, ਪਰ ਅਸੀਂ ਮਿਥੇ ਸਮੇਂ ਤੋਂ ਪਹਿਲਾਂ ਦੁਬਾਰਾ ਇਸਨੂੰ ਸ਼ੁਰੂ ਕਰ ਸਕਾਂਗੇ।

ਉਨ੍ਹਾਂ ਉਤਸ਼ਾਹ ਜਾਹਿਰ ਕਰਦਿਆਂ ਆਖਿਆ ਕਿ ਇਹ ਬੇਹਦ ਚੰਗਾ ਹੈ ਕਿ ਵੈਲਨਟਾਈਨ ਡੇਅ ਮੌਕੇ ਸਾਡੇ ਕੋਲ ਪਾਸਹੋਲਡਰ ਅਤੇ ਮਹਿਮਾਨਾਂ ਨੂੰ ਨਵੀਂ ਕੇਬਲ ਅਤੇ ਨਵੇਂ ਕੈਬਿਨਸ ਵਿੱਚ ਲਿਜਾਣ ਦਾ ਮੌਕਾ ਮਿਲੇਗਾ।

ਯਾਦ ਰਹੇ RCMP ਵੱਲੋਂ ਅਗਸਤ ਤੋਂ ਹੀ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਦ ਰਾਤ ਦੇ ਸਮੇਂ ਗੰਡੋਲਾ ਟਾਵਰ ਤੇ ਚੜ੍ਹਕੇ ਕੇਬਲ ਕੱਟ ਦਿੱਤੀ ਗਈ ਸੀ, ਅਤੇ ਇਸ ਕਾਰਨ 20 ਤੋਂ 30 ਕੇਬਲ ਕਾਰਸ ਨੁਕਸਾਨੀਆਂ ਗਈਆਂ ਸਨ।