13.63C Vancouver 13.63C VancouverSep 17, 2020 3:31 PM -
ਕੋਵਿਡ-19 ਮਹਾਂਮਾਰੀ ਦੇ ਚੱਲਦਿਆਂ ਸੂਬੇ ਵਿੱਚ ਆਰਥਿਕਤਾ ਨੂੰ ਹੁੰਗਾਰਾ ਦੇਣ ਦੀ ਯੋਜਨਾ ਅੱਜ ਬੀ.ਸੀ. ਸਰਕਾਰ ਸਾਂਝੀ ਕਰਨ ਜਾ ਰਹੀ ਹੈ।
ਪ੍ਰੀਮੀਅਰ ਜੌਨ ਹੋਰਗਨ ਅਤੇ ਫਾਈਨਾਂਸ ਮਨਿਸਟਰ ਕੈਰਲ ਜੇਮਜ਼ ਸੂਬੇ ਦੇ $1.5 ਬਿਲੀਅਨ ਦੇ ‘ਇਕਨੌਮਿਕ ਰਿਕਵਰੀ ਪਲਾਨ’ ਦੇ ਵੇਰਵਿਆਂ ਤੋਂ ਅੱਜ ਦੁਪਹਿਰ ਪਰਦਾ ਚੁੱਕਣਗੇ।
ਪਿੱਛਲੇ ਹਫਤੇ ਜੇਮਜ਼ ਨੇ ਇਹ ਗੱਲ ਸਾਂਝੀ ਕੀਤੀ ਸੀ ਕਿ ਅਪਰੈਲ ਤੋਂ ਜੂਨ ਵਿਚਕਾਰ ਦੇ ਆਰਥਿਕ ਅੰਕੜਿਆਂ ਵੱਲ ਦੇਖਦਿਆਂ ਇਸ ਸਾਲ ਅਰਥਵਿਵਸਥਾ ਵਿੱਚ 6.7 ਫੀਸਦੀ ਦੀ ਗਿਰਾਵਟ ਆਉਣ ਦਾ ਅੰਦਾਜ਼ਾ ਹੈ।
ਉਨ੍ਹਾਂ ਮੁਤਾਬਕ 2020-21 ਦੇ ਫਿਸਕਲ ਸਾਲ ਦੇ ਬਜਟ ਵਿੱਚ $13 ਬਿਲੀਅਨ ਦੇ ਘਾਟੇ ਦਾ ਅਨੁਮਾਨ ਹੈ।
ਵਿਰੋਧੀ ਲਿਬਰਲ ਪਾਰਟੀ ਵਲੋਂ ਐੱਨ.ਡੀ.ਪੀ. ਸਰਕਾਰ ਉੱਤੇ ਮਹਾਂਮਾਰੀ ਦੇ ਆਰਥਿਕਤਾ ‘ਤੇ ਹੋਏ ਪ੍ਰਭਾਵ ਦੇ ਸੰਬੰਧ ਵਿਚ ਚੁੱਕੇ ਕਦਮਾਂ ਨੂੰ ਹੌਲੀ ਦੱਸਿਆ ਗਿਆ ਹੈ ਅਤੇ ਕਿਹਾ ਕਿ ਬਾਕੀ ਸੂਬਿਆਂ ਵਲੋਂ ਇਹ ਜਾਣਕਾਰੀ ਕਈ ਮਹੀਨੇ ਪਹਿਲਾਂ ਸਾਂਝੀ ਕਰ ਦਿੱਤੀ ਗਈ ਸੀ।
ਬੁੱਧਵਾਰ ਨੂੰ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੋਵਿਡ-19 ਦੇ 122 ਨਵੇਂ ਮਾਮਲੇ ਸਾਹਮਣੇ ਆਏ ਸਨ।
