ਬੀ.ਸੀ. ਗ੍ਰੀਨ ਪਾਰਟੀ ਨੇ ਐਮਿਲੀ ਲੋਵਨ ਨੂੰ ਚੁਣਿਆ ਨਵਾਂ ਲੀਡਰ

ਬੀ. ਸੀ. ਗ੍ਰੀਨ ਪਾਰਟੀ ਨੇ 25 ਸਾਲਾ ਕਲਾਈਮੇਟ ਐਕਟੀਵਿਸਟ ਐਮਿਲੀ ਲੋਵਨ ਨੂੰ ਨਵਾਂ ਲੀਡਰ ਚੁਣਿਆ ਹੈ। ਲੋਵਨ ਨੇ ਪਹਿਲੇ ਬੈਲਟ ਵਿਚ 3,189 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਉਥੇ ਹੀ ਜੋਨਾਥਨ ਕੇਰ 1,908 ਵੋਟਾਂ ਨਾਲ ਦੂਜੇ ਸਥਾਨ ਉਤੇ ਰਹੇ, ਜਦੋਂ ਕਿ ਐਡਮ

ਬ੍ਰੇਮਨਰ-ਅਕਿਨਸ ਨੂੰ ਮਹਿਜ 128 ਵੋਟਾਂ ਹੀ ਮਿਲੀਆਂ। ਬੀ. ਸੀ. ਗ੍ਰੀਨ ਪਾਰਟੀ ਦੀ ਨਵੀਂ ਲੀਡਰ ਐਮਿਲੀ ਲੋਵਨ ਕੋਲ ਵਿਧਾਨ ਸਭਾ ਵਿਚ ਕੋਈ ਸੀਟ ਨਹੀਂ ਹੈ ਪਰ ਉਨ੍ਹਾਂ ਐਲਾਨ ਕੀਤਾ ਹੈ ਕਿ ਉਹ ਅਗਲੀ ਕਿਸੇ ਸੰਭਾਵੀ ਉਪ-ਚੋਣ ਜਾਂ ਅਗਲੀਆਂ ਆਮ ਚੋਣਾਂ ਵਿਚ ਉਤਰਨ ਦੀ ਯੋਜਨਾ ਬਣਾ ਰਹੇ ਹਨ।

ਲੋਵਨ ਨੇ ਕਿਹਾ ਕਿ ਬੀ.ਸੀ. ਗ੍ਰੀਨ ਪਾਰਟੀ ਇੱਕ ਦਲੇਰ ਅਤੇ ਆਲੋਚਨਾਤਮਕ ਵਿਰੋਧੀ ਪਾਰਟੀ ਹੋਵੇਗੀ, ਜਿਸ ਲਈ ਪਾਰਟੀ ਨੂੰ ਕੁਝ ਵੱਖਰਾ ਕਰਨ ਦੀ ਲੋੜ ਹੈ। ਗੌਰਤਲਬ ਹੈ ਕਿ ਪਾਰਟੀ ਦੀ ਸਾਬਕਾ ਲੀਡਰ ਸੋਨੀਆ ਫੁਰਸਟੇਨੋ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਆਪਣੀ ਸੀਟ ਹਾਰ ਗਏ ਸਨ ਅਤੇ ਉਨ੍ਹਾਂ ਜਨਵਰੀ ਵਿਚ ਅਸਤੀਫਾ ਦੇ ਦਿੱਤਾ ਸੀ।