14.18C Vancouver 14.18C VancouverJul 20, 2020 9:30 PM -
ਬੀ.ਸੀ. 'ਚ ਵੇਪਿੰਗ ਸੰਬੰਧੀ ਸਖਤੀ ਵਰਤੇ ਜਾਣ ਨਾਲ ਸੰਬੰਧਤ 'ਵਪਿੰਗ ਐਕਸ਼ਨ ਪਲੈਨ' ਬਾਰੇ ਜਾਣਕਾਰੀ ਅੱਜ ਇੱਕ ਪ੍ਰੈਸ ਕਾਨਫਰੰਸ ਰਾਹੀਂ ਸਾਂਝੀ ਕੀਤੀ ਗਈ।
ਇਸ ਦੇ ਬਾਰੇ ਪਹਿਲਾਂ ਨਵੰਬਰ 2019 'ਚ ਜਾਣਕਾਰੀ ਦਿੱਤੀ ਗਈ ਸੀ।
ਨਵੀਆਂ ਨੀਤੀਆਂ ਦੇ ਅਨੁਸਾਰ ਬੀ.ਸੀ. 'ਚ 'ਵੇਪਰ ਪਦਾਰਥਾਂ' ਨਾਲ ਜੁੜੇ ਕੰਟੈਂਟ, ਫਲੇਵਰ, ਪੈਕੇਜਿੰਗ, ਮਸ਼ਹੂਰੀ ਅਤੇ ਵਿਕਰੀ 'ਤੇ ਪਬੰਦੀਆਂ ਵਧੇਰੇ ਹੋ ਜਾਣਗੀਆਂ।
ਬੀ.ਸੀ. ਦੇ ਸਿਹਤ ਅਤੇ ਸਿੱਖਿਆ ਮੰਤਰਾਲਿਆਂ ਵੱਲੋਂ ਇੱਕ ਪ੍ਰੋਵਿੰਸ਼ੀਅਲ ਯੂਥ ਐਡਵਾਈਜ਼ਰੀ ਕਾਉਂਸਿਲ ਵੀ ਸਥਾਪਿਤ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਅਜਿਹੀਆਂ ਨੀਤੀਆਂ ਨੂੰ ਹੋਂਦ 'ਚ ਲਿਆਂਦਾ ਜਾਵੇਗਾ, ਜਿਸ ਦੇ ਨਾਲ ਨੌਜਵਾਨ ਲੋਕਾਂ 'ਚ ਵੇਪਿੰਗ ਦੇ ਪ੍ਰਭਾਵ ਨੂੰ ਘਟਾਇਆ ਜਾ ਸਕੇ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਕਿਹਾ ਕਿ ਵੇਪਿੰਗ ਕੰਪਨੀਆਂ ਵੱਲੋਂ ਅਜਿਹੇ ਪਦਾਰਥ ਲਿਆਂਦੇ ਜਾ ਰਹੇ ਹਨ, ਜੋ ਕਿ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਨਿਕੋਟੀਨ ਐਡਿਕਸ਼ਨ ਤੋਂ ਬਚਾਅ ਲਈ ਨੀਤੀਆਂ ਬਣਾਈਆਂ ਜਾ ਰਹੀਆਂ ਹਨ।
ਪਬਲਿਕ ਹੈਲਥ ਐਕਟ ਤਹਿਤ ਲਿਆਂਦੇ ਗਏ ਈ-ਸਬਸਟੈਂਸਿਸ ਰੈਗੂਲੇਸ਼ਨ ਵਿੱਚ, ਵੇਪਰ ਪੌਡਸ ਦੇ ਵਿੱਚ ਨਿਕੋਟੀਨ ਦੀ ਮਾਤਰਾ ਨੂੰ 20mg/ml ਕੀਤਾ ਜਾ ਰਿਹਾ ਹੈ।
ਰਿਟੇਲਰਾਂ ਨੂੰ ਸਿਰਫ ਓਹੀ ਪਦਾਰਥ ਵੇਚਣ ਨੂੰ ਕਿਹਾ ਗਿਆ ਹੈ ਜੋ ਕਿ ਸਹੀ ਤਰੀਕੇ ਨਾਲ ਪੈਕ ਕੀਤੇ ਹੋਣ ਅਤੇ ਸਹੀ ਲੇਬਲ ਲੱਗੇ ਹਨ।
ਮੌਜੂਦਾ ਵੇਪਰ-ਪਦਾਰਥ ਰਿਟੇਲਰਾਂ ਨੂੰ ਇਸ ਬਦਲਾਅ ਲਈ 15 ਸਿਤੰਬਰ 2020 ਤੱਕ ਦਾ ਸਮਾਂ ਦਿੱਤਾ ਗਿਆ ਹੈ।
ਬੱਸ ਸ਼ੈਲਟਰ ਅਤੇ ਕਮਿਊਨਿਟੀ ਪਾਰਕ ਜਿਹੇ ਥਾਵਾਂ 'ਤੇ ਇਨ੍ਹਾਂ ਪਦਾਰਥਾਂ ਦੀ ਮਸ਼ਹੂਰੀ ਨਹੀਂ ਕੀਤੀ ਜਾ ਸਕੇਗੀ।
