17.11C Vancouver 17.11C VancouverJan 30, 2020 12:48 AM -
ਆਈ.ਸੀ.ਬੀ.ਸੀ. ਵਿੱਚ ਜਵਾਬਦੇਹੀ ਅਤੇ ਪਾਰਦਰਸ਼ਤਾ ਵਧਾਉਣ ਲਈ ਬੀ.ਸੀ. ਸਰਕਾਰ ਨੇ ਆਈ.ਸੀ.ਬੀ.ਸੀ. 'ਚ ਕੁਝ ਤਬਦੀਲੀਆਂ ਕੀਤੀਆਂ ਹਨ।
ਵੈਨਕੂਵਰ ਵਿੱਚ ਇਨ੍ਹਾਂ ਤਬਦੀਲੀਆਂ ਬਾਰੇ ਪ੍ਰੈੱਸ ਕਾਨਫਰੰਸ ਕਰਦਿਆਂ ਅਟਾਰਨੀ ਜਨਰਲ, ਡੇਵਿਡ ਈਬੀ ਨੇ ਕਿਹਾ ਕਿ ਇੱਕ ਨਵਾਂ ਫੇਅਰਨੈੱਸ ਆਫਿਸ ਬਣਾਇਆ ਜਾ ਰਿਹਾ ਹੈ, ਜੋ ਆਈ.ਸੀ.ਬੀ.ਸੀ. ਤੋਂ ਆਜ਼ਾਦ ਰਹਿ ਕੇ ਲੋਕਾਂ ਦੀ ਸਮੱਸਿਆਵਾਂ ਬਾਰੇ, ਆਈ.ਸੀ.ਬੀ.ਸੀ. ਨੂੰ ਸੁਝਾਅ ਦੇ ਸਕੇਗਾ, ਅਤੇ ਆਈ.ਸੀ.ਬੀ.ਸੀ. ਨੂੰ ਜਨਤਕ ਤੌਰ ਤੇ ਦੱਸਣਾ ਪਵੇਗਾ ਕਿ ਇਨ੍ਹਾਂ ਸੁਝਾਵਾਂ ਤੇ ਕੀ ਕਦਮ ਚੁੱਕੇ ਗਏ।
ਇਸ ਤੋਂ ਇਲਾਵਾ ਹੁਣ ਆਈ.ਸੀ.ਬੀ.ਸੀ. ਜਖਮੀ ਡਰਾਈਵਰਾਂ ਨੂੰ ਪ੍ਰੀ ਲਿਟੀਗੇਸ਼ਨ ਪੇਮੈਂਟਸ ਵੀ ਦੇ ਸਕੇਗਾ।
ਹੁਣ ਆਈ.ਸੀ.ਬੀ.ਸੀ. ਤੋਂ ਸੈਟਲਮੈਂਟ ਲੈਣ ਲਈ, ਹੋਰ ਪੇਮੈਂਟ ਵਾਸਤੇ ਕੋਰਟ ਜਾਣ ਦੇ ਅਧਿਕਾਰ ਨੂੰ ਛੱਡਣਾ ਜਰੂਰੀ ਨਹੀਂ ਹੋਵੇਗਾ।
ਡੇਵਿਡ ਈਬੀ ਨੇ ਕਿਹਾ ਕਿ ਸਰਕਾਰ ਜਾਣਦੀ ਹੈ ਕਿ ਬਹੁਤ ਸਾਰੇ ਬ੍ਰਿਟਿਸ਼ ਕੋਲੰਬੀਅਨਸ, ਆਈ.ਸੀ.ਬੀ.ਸੀ. ਤੇ ਭਰੋਸਾ ਨਹੀਂ ਕਰਦੇ ਅਤੇ ਇਸ ਲਈ ਬਹੁਤ ਸਾਰੀਆਂ ਤਬਦੀਲੀਆਂ ਕੀਤੀਆਂ ਜਾ ਰਹੀਆਂ ਹਨ।
