12.08C Vancouver 12.08C VancouverApr 16, 2020 1:21 AM -
ਬੀ.ਸੀ. ਸਰਕਾਰ ਨੇ ਸੂਬੇ ਵਿੱਚ ਲਾਈ ਗਈ ਸਟੇਟ ਆਫ-ਐਮਰਜੈਂਸੀ ਨੂੰ 2 ਹਫਤੇ ਲਈ ਵਧਾ ਦਿੱਤਾ ਹੈ।
ਇਹ ਐਮਰਜੈਂਸੀ ਹੁਣ 28 ਅਪਰੈਲ ਤੱਕ ਲਾਗੂ ਰਹੇਗੀ।
ਵਿਕਟੋਰੀਆ ਵਿੱਚ ਕੈਬਨਿਟ ਮੀਟਿੰਗ ਤੋਂ ਬਾਅਦ ਇੱਕ ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਨ ਕਰਦੇ ਹੋਏ, ਬੀ.ਸੀ. ਦੇ ਪ੍ਰੀਮੀਅਰ ਜੌਨ ਆਰਗਨ ਨੇ ਕਿਹਾ ਕਿ ਹਾਲਾਂਕਿ ਬੀ.ਸੀ. ਵਿੱਚ ਕੋਵਿਡ-19 ਦਾ ਪਹਿਲਾ 'ਵੇਵ' ਸੀਮਤ ਕਰਨ ਵਿੱਚ ਕਾਮਯਾਬੀਆਂ ਮਿਲ ਰਹੀਆਂ ਹਨ, ਪਰ ਚੁਣੌਤੀਆਂ ਅਜੇ ਵੀ ਸਾਹਮਣੇ ਹਨ ਅਤੇ ਕੁਝ ਹਫਤੇ ਸਾਵਧਾਨ ਰਹਿਣਾ ਹੋਵੇਗਾ।
ਇਸ ਲਈ ਸੂਬੇ 'ਚ ਐਮਰਜੈਂਸੀ ਨੂੰ 2 ਹਫਤੇ ਲਈ ਵਧਾਇਆ ਜਾ ਰਿਹਾ ਹੈ।
ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਕਲਾਸਾਂ ਵਿੱਚ ਪੜ੍ਹਾਈ, ਚੋਣਵੀਂ ਸਰਜਰੀਸ ਅਤੇ ਆਰਥਿਕਤਾ ਨੂੰ ਦੁਬਾਰਾ ਸ਼ੁਰੂ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ, ਪਰ ਇਸਦੇ ਲਈ ਅਜੇ ਕੋਈ ਤਾਰੀਖ ਨਹੀਂ ਦਿੱਤੀ ਜਾ ਸਕਦੀ।
ਯਾਦ ਰਹੇ ਐਮਰਜੈਂਸੀ ਪ੍ਰੋਗਰਾਮ ਐਕਟ ਅਧੀਨ ਐਮਰਜੈਂਸੀ ਨੂੰ ਇੱਕ ਸਮੇਂ ਵਿੱਚ 2 ਹਫਤਿਆਂ ਲਈ ਹੀ ਐਲਾਨਿਆ ਜਾ ਸਕਦਾ ਹੈ।
