11.69C Vancouver 11.69C VancouverMay 14, 2020 12:36 AM -
ਬੀ.ਸੀ. ਸਰਕਾਰ ਨੇ ਸੂਬੇ ਵਿੱਚ ਲਾਈ ਗਈ ਸਟੇਟ ਆਫ ਐਮਰਜੈਂਸੀ ਨੂੰ ਦੋ ਹਫ਼ਤਿਆਂ ਲਈ ਵਧਾ ਦਿੱਤਾ ਗਿਆ ਹੈ।
ਵਿਕਟੋਰੀਆ ਵਿੱਚ ਕੈਬਿਨੇਟ ਮੀਟਿੰਗ ਤੋਂ ਬਾਅਦ ਮੀਡਿਆ ਨਾਲ ਗੱਲ ਕਰਦਿਆਂ ਬੀ.ਸੀ. ਦੇ ਪ੍ਰੀਮੀਅਰ ਜੌਨ ਹੌਰਗਨ ਨੇ ਕਿਹਾ ਕਿ ਲੋਕਾਂ ਨੂੰ ਕੋਵਿਡ-19 ਤੋਂ ਸੁਰੱਖਿਅਤ ਰੱਖਣ ਲਈ ਕੈਬਿਨੇਟ ਨੇ ਨੇੜਲੇ ਭਵਿੱਖ ਵਿੱਚ ਐਮਰਜੈਂਸੀ ਨੂੰ ਲਾਗੂ ਰੱਖਣ ਦਾ ਫੈਸਲਾ ਕੀਤਾ ਹੈ।
ਇੱਕ ਸਵਾਲ ਦੇ ਜਵਾਬ ਵਿੱਚ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਬੀ.ਸੀ., ਕਿਊਬੈਕ ਅਤੇ ਔਂਟੈਰੀਓ ਬਾਰਡਰ ਨੂੰ ਗ਼ੈਰ-ਜ਼ਰੂਰੀ ਯਾਤਰਾ ਲਈ ਖੋਲ੍ਹਣ ਦੇ ਹੱਕ ਵਿੱਚ ਨਹੀਂ ਹਨ।
ਇਸ ਮੌਕੇ 'ਤੇ ਪ੍ਰੀਮਿਅਰ ਹੌਰਗਨ ਨੇ ਫੈਡਰਲ ਸਰਕਾਰ ਦੀ $120 ਮਿਲੀਅਨ ਦੀ ਫ਼ੰਡਿੰਗ ਦੇ ਨਾਲ ਉੱਤਰੀ ਬੀ.ਸੀ. ਦੇ ਆਇਲ ਅਤੇ ਗੈਸ (oil and gas) ਦੇ 2,000 ਤੋਂ ਵੱਧ ਲਾਵਾਰਿਸ ਅਤੇ ਨਾ-ਸਰਗਰਮ ਖੂਹ ਦੁਬਾਰਾ ਤੋਂ ਬਹਾਲ ਕਰਨ ਦੇ ਪ੍ਰੋਗਰਾਮ ਦਾ ਐਲਾਨ ਵੀ ਕੀਤਾ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਇਹ ਪ੍ਰੋਗਰਾਮ 1,200 ਨੌਕਰੀਆਂ ਪ੍ਰਦਾਨ ਕਰੇਗਾ।
ਇਸ ਪ੍ਰੋਗਰਾਮ ਦੇ ਵੇਰਵੇ ਦਿੰਦੇ ਹੋਏ ਐਨਰਜੀ ਮਾਈਨਜ਼ ਅਤੇ ਪੈਟਰੋਲੀਅਮ ਮੰਤਰੀ (minister of energy mines and petroleum), ਬਰੂਸ ਰੈਲਸਟਨ ਨੇ ਦੱਸਿਆ ਕਿ ਪ੍ਰੋਗਰਾਮ ਦੇ ਤਿੰਨ ਹਿੱਸੇ ਹੋਣਗੇ ਅਤੇ ਇਹ ਪ੍ਰੋਗਰਾਮ ਵਾਤਾਵਰਨ ਅਤੇ ਸੱਭਿਆਚਾਰਕ ਹਿਸਾਬ ਨਾਲ ਮਹੱਤਵਪੂਰਨ ਜ਼ਮੀਨਾਂ ਨੂੰ ਬਹਾਲ ਕਰੇਗਾ।
