13.57C Vancouver 13.57C VancouverSep 22, 2020 8:12 PM -
ਬੀ.ਸੀ. ਲਿਬਰਲ ਲੀਡਰ, ਐਂਡਰਿਊ ਵਿਲਕਿਨਸਨ ਸੂਬੇ 'ਚ ਚੋਣ ਪ੍ਰਚਾਰ ਦੌਰਾਨ, 3 ਟੈਲੀਵਾਈਜ਼ਡ ਡਿਬੇਟਸ ਚਾਹੁੰਦੇ ਹਨ, ਤਾਂ ਜੋ ਵੋਟਰ ਸੁਣ ਸਕਣ ਕਿ ਸਾਰੀਆਂ ਪਾਰਟੀਆਂ ਕੀ ਕਹਿਣਾ ਚਾਹੁੰਦੀਆਂ ਹਨ।
ਉਨ੍ਹਾਂ ਕਿਹਾ ਕਿ ਵੋਟਰਾਂ ਨੂੰ ਇਨਫਰਮੇਸ਼ਨ ਦੀ ਲੋੜ ਹੈ ਅਤੇ ਡਿਬੇਟਸ ਇਸ ਦਾ ਚੰਗਾ ਜ਼ਰੀਆ ਸਾਬਿਤ ਹੋ ਸਕਦੀਆਂ ਹਨ।
ਵਿਲਕਿਨਸਨ ਨੇ ਚੋਣ ਮੁਹਿੰਮ ਦਾ ਪਹਿਲੇ ਦਿਨ ਦੀ ਸ਼ੁਰੂਆਤ ਕੁਝ ਬੀ.ਸੀ. ਲਿਬਰਲ ਉਮੀਦਵਾਰਾਂ ਦਾ ਨਾਮ ਲੈਂਦੇ ਹੋਏ ਕੀਤੀ ਅਤੇ ਕਿਹਾ ਕਿ ਹਫ਼ਤੇ ਦੇ ਅੰਤ ਤੱਕ ਸਾਰੇ ਉਮੀਦਵਾਰਾਂ ਦੇ ਨਾਮ ਸਪਸ਼ਟ ਹੋਣ ਦੀ ਆਸ ਹੈ।
ਉਨ੍ਹਾਂ ਕਿਹਾ ਕਿ ਸਰੀ 'ਚ ਟ੍ਰਾਂਸਪੋਰਟੇਸ਼ਨ ਇੱਕ ਅਹਿਮ ਕੰਮ ਹੈ, ਅਤੇ ਟਰੱਕਿੰਗ ਅਤੇ ਟੈਕਸੀ ਖੇਤਰ 'ਚ ਕੰਮ ਕਰਨ ਵਾਲਿਆਂ ਨੂੰ ਆਪਣੇ ਕੰਮਾਂ ਬਾਰੇ ਵਧੇਰੇ ਸਪਸ਼ਟਤਾ ਦੀ ਲੋੜ ਹੈ।
ਐਂਡਰਿਊ ਵਿਲਕਿਨਸਨ ਨੇ ਕਿਹਾ ਕਿ ਨਿਊ ਡੈਮੋਕਰੇਟਸ ਆਪਣੇ ਸਿੱਖਿਆ ਸੰਬੰਧੀ ਵਾਅਦਿਆਂ 'ਤੇ ਵੀ ਪੂਰੇ ਨਹੀਂ ਉੱਤਰੇ ਸਨ।
ਉਨ੍ਹਾਂ ਕਿਹਾ ਕਿ ਸਰੀ ਦੇ ਸਕੂਲਾਂ 'ਚ ਪੋਰਟੇਬਲ ਕਲਾਸਰੂਮ ਖਤਮ ਨਹੀਂ ਕੀਤੇ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਲਿਬਰਲ ਪਾਰਟੀ ਇੱਕ ਹਫ਼ਤੇ ਤੱਕ ਆਪਣਾ ਚੋਣ ਪਲੈਟਫਾਰਮ ਜਾਰੀ ਕਰਨ ਦੀ ਉਮੀਦ ਕਰ ਰਹੀ ਹੈ।
