13.07C Vancouver 13.07C VancouverJun 4, 2020 4:12 PM -
ਪਿਛਲੇ ਸਾਲ ਸਰ੍ਹੀ ਦੇ ਨਿਊਟਨ ਵਿੱਚ ਵਾਪਰੇ ਸੜਕ ਹਾਦਸੇ ਦੇ ਸਬੰਧ ਵਿੱਚ ਇੱਕ 19 ਸਾਲ ਦੇ ਵਿਅਕਤੀ ਨੂੰ ਚਾਰਜ ਕੀਤਾ ਗਿਆ ਹੈ।
ਸਰ੍ਹੀ ਆਰ.ਸੀ.ਐਮ.ਪੀ. ਮੁਤਾਬਕ 19 ਸਾਲਾ ਦਿਲਪ੍ਰੀਤ ਸੰਧੂ ਅੱਠ ਚਾਰਜਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਪੁਲਿਸ ਅਨੁਸਾਰ 18 ਮਈ, 2019 ਨੂੰ ਤਕਰੀਬਨ ਅੱਧੀ ਰਾਤ ਨੂੰ 122 ਸਟਰੀਟ ਅਤੇ 78 ਐਵੇਨਿਊ ਤੇ ਇੱਕ ਜੀਪ ਦੇ ਹਾਦਸਾਗ੍ਰਸਤ ਹੋਣ ਦੀ ਖਬਰ ਮਿਲੀ।
ਚਾਰ ਵਿਅਕਤੀਆਂ ਨੂੰ ਜ਼ਖਮੀ ਹਾਲਤ ਵਿਚ ਹਸਪਤਾਲ ਲੈ ਜਾਂਦਾ ਗਿਆ।
ਜਿਨ੍ਹਾਂ ਵਿੱਚੋਂ ਬਰੈਂਡਨ ਬਾਸੀ ਨੇ ਕੁਝ ਸਮਾਂ ਬਾਅਦ ਆਪਣੇ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਦਮ ਤੋੜ ਦਿੱਤਾ।
ਬਾਸੀ ਭਾਈਚਾਰੇ ਵਿੱਚ ਮੰਨਿਆ ਪ੍ਰਮੰਨਿਆ ਨੌਜਵਾਨ ਸੌਕਰ ਖਿਡਾਰੀ ਸੀ ਜਿਸ ਦੇ ਇੱਕ ਦਿਨ ਵੈਨਕੂਵਰ ਵ੍ਹਾਈਟਕੈਪਜ਼ ਲਈ ਖੇਡਣ ਦੀ ਉਮੀਦ ਸੀ।
ਬਾਸੀ ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਦੇ ਸੌਕਰ ਪ੍ਰੋਗਰਾਮ ਦਾ ਹਿੱਸਾ ਸੀ ਜਿਸ ਨੇ ਆਪਣਾ ਖੇਡਾਂ ਦਾ ਸਫਰ ਨੌਰਥ ਡੈਲਟਾ ਸੌਕਰ ਐਸੋਸਿਏਸ਼ਨ ਨਾਲ ਸ਼ੁਰੂ ਕੀਤਾ।
15 ਸਾਲ ਦੀ ਉਮਰ ਵਿੱਚ ਬਰੈਂਡਨ ਬਾਸੀ ਵੈਨਕੂਵਰ ਵ੍ਹਾਈਟਕੈਪਜ਼ ਦੇ ਇੱਕ ਰੈਜ਼ਿਡੈਂਸੀ ਪ੍ਰੋਗਰਾਮ ਦਾ ਹਿੱਸਾ ਬਣਿਆ ਅਤੇ ਰਾਸ਼ਟਰੀ ਸਟੇਜ ਤੇ ਉਸ ਨੇ ਬੀ.ਸੀ. ਦੀ ਪ੍ਰਤੀਨਿਧਤਾ ਕੀਤੀ।
