15.09C Vancouver 15.09C VancouverOct 27, 2025 4:16 PM - Connect Newsroom
ਬੀ. ਸੀ. ਦੇ ਪੂਰਬੀ ਕੂਟੇਨੇ ਖੇਤਰ ਵਿਚ ਇਸ ਮਹੀਨੇ ਦੇ ਸ਼ੁਰੂ ਵਿਚ ਰਿੱਛ ਦੇ ਹਮਲੇ ਵਿਚ ਜ਼ਖਮੀ ਹੋਏ ਸੂਬੇ ਦੇ ਇੱਕ 63 ਸਾਲਾ ਸਾਬਕਾ ਬੌਕਸਰ ਦੀ ਤਿੰਨ ਹਫ਼ਤਿਆਂ ਬਾਅਦ ਹਸਪਤਾਲ ਵਿਚ ਮੌਤ ਹੋ ਗਈ। ਜੋਅ ਪੈਂਡਰੀ ਦੀ ਪਤਨੀ ਜੈਨਿਸ ਪੈਂਡਰੀ ਨੇ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਦੀ ਮੌਤ ਸ਼ਨੀਵਾਰ ਸਵੇਰੇ ਹੋਈ, ਡਾਕਟਰਾਂ ਦਾ ਮੰਨਣਾ ਸੀ ਕਿ ਉਨ੍ਹਾਂ ਦੇ ਸਰੀਰ ਵਿਚ ਖੂਨ ਦੀਆਂ ਗੱਠਾਂ ਬਣ ਗਈਆਂ ਸਨ।
ਪੈਂਡਰੀ 'ਤੇ ਰਿੱਛ ਦਾ ਹਮਲਾ 2 ਅਕਤੂਬਰ ਨੂੰ ਪੂਰਬੀ ਕੂਟੇਨੇ ਖੇਤਰ ਵਿਚ ਫੋਰਟ ਸਟੀਲ ਨੇੜੇ ਹੋਇਆ ਸੀ ਜਦੋਂ ਉਹ ਐਲਕ ਦਾ ਸ਼ਿਕਾਰ ਕਰ ਰਹੇ ਸਨ।ਜੈਨਿਸ ਨੇ ਕਿਹਾ ਕਿ ਉਨ੍ਹਾਂ ਦੇ ਪਤੀ ਹਾਲ ਹੀ ਵਿਚ ਕੇਲੋਨਾ ਜਨਰਲ ਹਸਪਤਾਲ ਵਿਚ ਇਲਾਜ ਦੌਰਾਨ ਚੱਲਣ-ਫਿਰਨ ਲੱਗ ਗਏ ਸਨ ਅਤੇ ਮੌਤ ਤੋਂ ਇੱਕ ਰਾਤ ਪਹਿਲਾਂ ਉਹ ਗੱਲਾਂ ਵਿਚ ਮਾਖੌਲ ਨਾਲ ਹੱਸ-ਖੇਡ ਰਹੇ ਸਨ।
ਪੈਂਡਰੀ ਨੇ ਰਿੱਛ ਦਾ ਮੁਕਾਬਲਾ ਕਰਨ ਦੌਰਾਨ ਉਸ ਦੀ ਲੱਤ ਵਿਚ ਗੋਲੀ ਮਾਰੀ ਸੀ, ਬੀ.ਸੀ. ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਨੇ ਬਾਅਦ ਵਿਚ ਪੁਸ਼ਟੀ ਕੀਤੀ ਕਿ ਹਮਲੇ ਲਈ ਜ਼ਿੰਮੇਵਾਰ ਰਿੱਛ ਕੁਝ ਦਿਨਾਂ ਬਾਅਦ ਮਰਿਆ ਹੋਇਆ ਪਾਇਆ ਗਿਆ ਸੀ, ਜੋ ਗੋਲੀ ਦੇ ਜ਼ਖ਼ਮ ਤੋਂ ਬਾਅਦ ਸੈਪਸਿਸ ਕਾਰਨ ਮਰ ਗਿਆ ਸੀ।
