13.44C Vancouver 13.44C VancouverJun 11, 2021 8:41 PM -
ਬੀ.ਸੀ. ਦੇ 7 ਮੇਅਰਸ ਨੇ ਵੈਨਕੂਵਰ ਦੀ ਉਸ ਅਰਜ਼ੀ ਦਾ ਸਹਿਯੋਗ ਕੀਤਾ ਹੈ, ਜਿੱਥੇ ਗੈਰਕਨੂੰਨੀ ਡਰੱਗਸ ਦੀ ਛੋਟੀ ਗਿਣਤੀ ਨੂੰ ਰੱਖਣਾ ਗੈਰ-ਅਪਰਾਧਿਕ ਬਣਾਏ ਜਾਣ ਦੀ ਮੰਗ ਕੀਤੀ ਹੈ।
ਇਹਨਾਂ ਦਾ ਕਹਿਣਾ ਹੈ ਕਿ ਸਮਾਂ ਆ ਗਿਆ ਹੈ ਕਿ ਔਟਵਾ ਹੁਣ ਇਸ ਨੂੰ ਅਮਲੀਜਾਮਾ ਪਹਿਨਾਏ।
ਇਸ ਦਾ ਸਹਿਯੋਗ ਕਰਨ ਵਾਲੇ ਮੇਅਰਸ ਦਾ ਕਹਿਣਾ ਹੈ ਕਿ ਓਪਿਓਇਡ ਸੰਕਟ ਦਾ ਉਨ੍ਹਾਂ ਦੇ ਸ਼ਹਿਰਾਂ 'ਚ ਵੀ ਮਾੜਾ ਅਸਰ ਪਿਆ ਹੈ ਅਤੇ ਗੈਰ-ਅਪਰਾਧਿਕ ਬਣਾਏ ਜਾਣ ਦੀ ਪ੍ਰੀਕਿਰਿਆ ਨਾਲ ਓਪਿਓਇਡ ਵਰਤੋਂ ਵਾਲੇ ਲੋਕ ਮਦਦ ਲਈ ਅੱਗੇ ਆ ਸਕਦੇ ਹਨ।
ਵੈਨਕੂਵਰ ਵੱਲੋਂ ਹੈਲਥ ਕੈਨੇਡਾ ਨੂੰ ਭੇਜੀ ਗਈ ਅਰਜ਼ੀ 'ਚ 15 ਵੱਖੋ ਵੱਖਰੇ ਡਰੱਗਸ ਦੇ ਸਿੰਪਲ ਪੋਜ਼ੇਸ਼ਨ ਨੂੰ ਗੈਰ-ਅਪਰਾਧਿਕ ਬਣਾਏ ਜਾਣ ਦੀ ਮੰਗ ਕੀਤੀ ਹੈ।
ਯਾਦ ਰਹੇ ਇਸ ਅਰਜ਼ੀ ਨੂੰ ਵੈਨਕੂਵਰ ਪੁਲਿਸ, ਸੂਬਾ ਸਰਕਾਰ ਅਤੇ ਚੀਫ਼ ਕੋਰੋਨਰ ਤੋਂ ਇਲਾਵਾ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਦਾ ਵੀ ਸਹਿਯੋਗ ਹਾਸਿਲ ਹੈ।
ਸਹਿਯੋਗ ਜ਼ਾਹਿਰ ਕਰਨ ਲਈ ਵਿਕਟੋਰੀਆ, ਨਨਾਈਮੋ, ਸਾਨਿਚ, ਕੈਮਲੂਪਸ, ਨਿਊ ਵੈਸਟਮਿਨਸਟਰ, ਬਰਨਬੀ ਅਤੇ ਪੋਰਟ ਕੋਕਟਲਮ ਦੇ ਮੇਅਰ ਅੱਗੇ ਆਏ ਹਨ।
