9.98C Vancouver 9.98C VancouverSep 16, 2020 5:25 PM -
ਜਾਰੀ ਕੀਤੇ ਗਏ ਨਵੇਂ ਜਨਤਕ ਸਿਹਤ ਆਦੇਸ਼ਾਂ ਮੁਤਾਬਕ, ਬੀ.ਸੀ. ਵਿਚ ਹੁਣ ਰਿਜਿਸਟਰਡ ਅਤੇ ਸਾਈਕਾਇਟ੍ਰਿਕ ਨਰਸਾਂ, ਓਵਰਡੋਜ਼ ਦੇ ਖਤਰੇ ਵਿਚ ਚੱਲ ਰਹੇ ਲੋਕਾਂ ਨੂੰ ਸੁਰੱਖਿਅਤ ਡਰੱਗਜ਼ ਪ੍ਰਿਸਕ੍ਰਾਇਬ ਕਰ ਸਕਣਗੀਆਂ।
ਬੀ.ਸੀ. ਵਿਚ ਇੱਕ ਮਹੀਨੇ ਵਿਚ ਓਵਰਡੋਜ਼ ਨਾਲ ਹੋਣ ਵਾਲੀਆਂ ਮੌਤਾਂ ਦੇ ਰਿਕੌਰਡ-ਤੋੜ ਆਂਕੜਿਆਂ ਤੋਂ ਬਾਅਦ, ਸੂਬਾਈ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਦੁਆਰਾ ਇਹ ਆਦੇਸ਼ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਕੋਵਿਡ-19 ਪੈਨਡੇਮਿਕ ਤੋਂ ਬਾਅਦ ਸਰਹੱਦ ਦੇ ਬੰਦ ਹੋਣ ਨੂੰ ਨਸ਼ੀਲੇ ਪਦਾਰਥਾਂ ਦੇ ਜ਼ਹਿਰੀਲੇ ਹੋਣ ਦਾ ਜ਼ਿੰਮ੍ਹੇਵਾਰ ਦੱਸਿਆ ਜਾ ਰਿਹਾ ਹੈ।
ਡਾ. ਹੈਨਰੀ ਦਾ ਕਹਿਣਾ ਹੈ ਕਿ ਨਵੇਂ ਨਰਸਿੰਗ ਸਟੈਂਡਰਡਸ ਲਿਆਉਂਦੇ ਜਾਣਗੇ ਅਤੇ ਇਸ ਬਾਬਤ ਟ੍ਰੇਨਿੰਗ ਅਤੇ ਸਿੱਖਿਆ ਵੀ ਪ੍ਰਦਾਨ ਕੀਤੀ ਜਾਵੇਗੀ।
2016 ਵਿਚ ਸੂਬੇ ਵੱਲੋਂ ਓਵਰਡੋਜ਼ ਨੂੰ ਪਬਲਿਕ ਹੈਸਥ ਐਮਰਜੈਂਸੀ ਐਲਾਨੇ ਜਾਣ ਤੋਂ ਬਾਅਦ, 5000 ਤੋਂ ਵੱਧ ਲੋਕਾਂ ਦੀ ਇਸ ਨਾਲ ਜਾਨ ਜਾ ਚੁੱਕੀ ਹੈ।
ਕੋਵਿਡ-19 ਤੋਂ ਪਹਿਲਾਂ ਇਸ ਕਾਰਨ ਮੌਤਾਂ ਦੀ ਦਰ ਵਿਚ ਕਮੀ ਆਈ ਸੀ।
ਸਿਰਫ਼ ਡੌਕਟਰਸ ਅਤੇ ਨਰਸ ਪ੍ਰੈਕਟੀਸ਼ਨਰਸ ਹੀ ਡਰੱਗਸ ਪ੍ਰਿਸਕ੍ਰਾਇਬ ਕਰ ਸਕਦੇ ਹਨ, ਜਿਸ ਵਿਚ ਗੈਰ-ਕਾਨੂਨੀ ਡਰੱਗਸ ਦੇ ਵਸੀਲੇ ਹੀ ਸ਼ਾਮਿਲ ਹਨ।
ਬੀ.ਸੀ. ਕੋਰੋਨਰਸ ਸਰਵਿਸਸ ਦੇ ਜੁਲਾਈ ਦੇ ਆਂਕੜੇ ਦਰਸਾਉਂਦੇ ਹਨ ਕਿ 175 ਲੋਕਾਂ ਦੀ ਜ਼ਹਿਰੀਲੀ ਡਰੱਗਜ਼ ਦੀ ਓਵਰਡੋਜ਼ ਨਾਲ ਮੌਤ ਹੋਈ ਹੈ।
