15.25C Vancouver 15.25C VancouverAug 24, 2021 3:30 PM -
ਅੱਜ ਬੀ ਸੀ ਵਿੱਚ ਸਕੂਲ ਵਾਪਿਸ ਜਾਣ ਨਾਲ ਜੁੜਿਆ ਪਲਾਨ ਬੀ ਸੀ ਦੀ ਅਧਿਕਾਰੀਆਂ ਵੱਲੋਂ ਜਾਰੀ ਕੀਤਾ ਜਾਣਾ ਹੈ।
ਕੋਵਿਡ 19 ਦੇ ਕੇਸ ਭਾਵੇ ਵੱਧ ਰਹੇ ਹਨ ਪਰ ਅਗਲੇ ਮਹੀਨੇ ਕਿਨਡਰ ਗਾਰਡਨ ਤੋਂ ਲੈ ਕੇ ਗ੍ਰੇਡ 12 ਤਕ ਦੀਆਂ ਕਲਾਸਾਂ ਅਤੇ ਪੋਸਟ ਸੈਕੰਡੇਰੀ ਕਲਾਸਾਂ ਖੁੱਲ ਜਾਣੀਆਂ ਹਨ।
ਅੱਜ ਸਵੇਰੇ ਐਜੂਕੇਸ਼ਨ ਮਿਨਿਸਟਰ, ਏਡਵਾਨਸਡ ਐਜੂਕੇਸ਼ਨ ਮਿਨਿਸਟਰ ਅਤੇ ਸੂਬੇ ਦੀ ਸਿਹਤ ਅਧਿਕਾਰੀ ਡਾਕਟਰ ਬੋਨੀ ਹੈਨਰੀ ਵੱਲੋਂ ਇੱਕ ਪ੍ਰੈਸ ਕਾਨਫਰੰਸ ਕਰ ਇਹ ਪਲਾਨ ਜਾਰੀ ਕੀਤਾ ਜਾਣਾ ਹੈ।
ਪ੍ਰੀਮਿਯਰ ਜੋਹਨ ਹੋਰਗਨ ਨੇ ਵੀ ਕਿਹਾ ਕਿ ਉਹ ਚੰਗੀ ਤਰ੍ਹਾਂ ਸਮਝਦੇ ਹਨ ਕਿ ਇਸ ਸਮੇਂ ਮਾਪਿਆਂ ਅਤੇ ਬੱਚਿਆਂ ਦੇ ਮਨਾਂ ਵਿੱਚ ਕਈ ਕਿਸਮ ਦੇ ਸਵਾਲ ਹਨ।
ਕੱਲ ਪਿਛਲੇ 3 ਦਿਨਾਂ ਦਾ ਅਪਡੇਟ ਜਾਰੀ ਕੀਤਾ ਗਿਆ ਸੀ ਜਿਸ ਦੇ ਮੁਤਾਬਿਕ ਪਿਛਲੇ 72 ਘੰਟਿਆਂ ਵਿੱਚ ਕੋਵਿਡ 19 ਦੇ 1711 ਨਵੇਂ ਕੇਸ ਅਤੇ 16 ਹੋਰ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ। ਡਾਕਟਰ ਹੈਨਰੀ ਨੇ ਇਹ ਵੀ ਕਿਹਾ ਕਿ 12 ਤੋਂ 17 ਦੀ ਉਮਰ ਦੇ ਬੱਚਿਆਂ ਲਈ ਵੈਕਸੀਨ ਸੌਖੀ ਮੁਹਈਆ ਕਾਰਵਾਈ ਜਾਵੇਗੀ ਅਤੇ ਪੋਸਟ ਸੈਕੰਡੇਰੀ ਸਟੂਡੈਂਟਸ ਲਈ ਕੈੰਪਸ ਤੇ ਵੀ ਇਹ ਸੁਵਿਧਾ ਦਿੱਤੀ ਜਾਵੇਗੀ।
ਡਾਕਟਰ ਹੈਨਰੀ ਨੇ ਕੱਲ ਇਹ ਵੀ ਦੱਸਿਆ ਕਿ ਹੁਣ ਸੂਬੇ ਵਿੱਚ ਸਾਹਮਣੇ ਆ ਰਹੇ ਕੇਸਾਂ ਵਿੱਚੋਂ ਬਹੁਤੇ ਉਹਨਾਂ ਲੋਕਾਂ ਵਿੱਚ ਹਨ ਜਿਨਾਂ ਦੇ ਵੈਕਸੀਨ ਨਹੀਂ ਲੱਗੀ ਅਤੇ ਇਹਨਾਂ ਵਿੱਚ ਵੀ ਬਹੁਤੇ ਕੇਸ 20 ਤੋਂ 40 ਸਾਲ ਦੀ ਉਮਰ ਦੇ ਲੋਕਾਂ ਵਿੱਚ ਦਰਜ ਕੀਤੇ ਜਾ ਰਹੇ ਹਨ।
ਇਸ ਸਮੇਂ ਬੀ ਸੀ ਵਿੱਚ 75% ਦੇ ਕਰੀਬ ਲੋਕਾਂ ਨੇ ਵੈਕਸੀਨ ਦੇ ਦੋਵੇਂ ਟੀਕੇ ਲਗਵਾ ਲਏ ਹਨ ਅਤੇ 83% ਦੇ ਇੱਕ ਟੀਕਾ ਲੱਗ ਚੁੱਕਿਆ ਹੈ।
