17.15C Vancouver 17.15C VancouverJan 9, 2026 6:05 PM - Connect Newsroom - Jasmine Singh
ਬੀ. ਸੀ. ਸਰਕਾਰ ਨੇ ਅੱਜ ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਜਾਰੀ ਦਸੰਬਰ 2025 ਦੇ ਲੇਬਰ ਫੋਰਸ ਸਰਵੇਅ ਦੇ ਅੰਕੜਿਆਂ 'ਤੇ ਤਸੱਲੀ ਪ੍ਰਗਟਾਈ ਹੈ। ਜੰਗਲਾਤ ਮਿਨਿਸਟਰ ਰਵੀ ਪਰਮਾਰ ਨੇ ਜੌਬਸ ਅਤੇ ਆਰਥਿਕ ਵਿਕਾਸ ਮਿਨਿਸਟਰ ਰਵੀ ਕਾਹਲੋਂ ਦੀ ਤਰਫੋਂ ਬਿਆਨ ਜਾਰੀ ਕੀਤਾ, ਜੋ ਵਪਾਰ ਮਿਸ਼ਨ 'ਤੇ ਪ੍ਰੀਮੀਅਰ ਡੇਵਿਡ ਈਬੀ ਨਾਲ ਭਾਰਤ ਦੌਰੇ 'ਤੇ ਜਾ ਰਹੇ ਹਨ।
ਸੋਮਵਾਰ ਤੋਂ ਸ਼ਨੀਵਾਰ ਤੱਕ ਉਹ ਨਵੀਂ ਦਿੱਲੀ, ਮੁੰਬਈ, ਚੰਡੀਗੜ੍ਹ ਅਤੇ ਬੈਂਗਲੁਰੂ ਵਰਗੇ ਵਪਾਰ ਅਤੇ ਤਕਨਾਲੋਜੀ ਦੇ ਪ੍ਰਮੁੱਖ ਕੇਂਦਰਾਂ ਵਿਚ ਸਰਕਾਰ ਅਤੇ ਕਾਰੋਬਾਰੀ ਆਗੂ ਨਾਲ ਮੁਲਾਕਾਤ ਕਰਨਗੇ।
ਜੰਗਲਾਤ ਮੰਤਰੀ ਰਵੀ ਪਰਮਾਰ ਨੇ ਜੌਬਸ ਡੇਟਾ 'ਤੇ ਕਿਹਾ ਕਿ ਹਾਲਾਂਕਿ ਦਸੰਬਰ ਵਿਚ ਸੂਬੇ ਵਿਚ 3,300 ਨੌਕਰੀਆਂ ਦਾ ਮਾਮੂਲੀ ਨੁਕਸਾਨ ਹੋਇਆ ਪਰ ਬੇਰੁਜ਼ਗਾਰੀ ਦਰ 6.4 'ਤੇ ਸਥਿਰ ਰਹੀ, ਉਨ੍ਹਾਂ ਕਿਹਾ ਕਿ 2025 ਦੇ ਕੈਲੰਡਰ ਵਰ੍ਹੇ ਦੌਰਾਨ ਬੀ.ਸੀ. ਨੇ ਕੁੱਲ 24,100 ਨਵੀਆਂ ਨੌਕਰੀਆਂ ਸ਼ਾਮਲ ਕੀਤੀਆਂ ਹਨ, ਜਿਸ ਵਿਚ ਉਸਾਰੀ ਵਿਚ 16,800 ਨੌਕਰੀਆਂ ਦਾ ਵਾਧਾ ਸ਼ਾਮਲ ਹੈ।
ਪਰਮਾਰ ਨੇ ਕਿਹਾ ਕਿ ਸੂਬਾ ਸਰਕਾਰ ਦੇ ਕਦਮਾਂ ਨੇ ਟਰੰਪ ਵਲੋਂ ਪੈਦਾ ਕੀਤੇ ਗਏ ਵਪਾਰਕ ਝਟਕਿਆਂ ਨੂੰ ਮੌਕਿਆਂ ਵਿਚ ਬਦਲਿਆ ਹੈ ਅਤੇ ਭਾਰਤ ਵਿਚ ਟਰੇਡ ਮਿਸ਼ਨ ਇਨ੍ਹਾਂ ਆਰਥਿਕ ਪ੍ਰਾਪਤੀਆਂ 'ਤੇ ਹੀ ਆਧਾਰਤ ਹੈ, ਜਿਸ ਦਾ ਉਦੇਸ਼ ਸੂਬੇ ਲਈ ਹੋਰ ਮਜ਼ਬੂਤ ਭਾਈਵਾਲੀ ਕਾਇਮ ਕਰਨਾ ਹੈ।
