14.18C Vancouver 14.18C VancouverJul 17, 2020 11:29 PM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀਰਵਾਰ ਨੂੰ ਕੋਵਿਡ-19 ਅਤੇ ਸੂਬੇ 'ਚ ਜਾਰੀ ਓਪੀਓਇਡ ਸੰਕਟ ਦੀ ਤੁਲਨਾ ਕਰਨ ਵਾਲੇ ਬਿਆਨ 'ਤੇ ਮੁਆਫੀ ਮੰਗੀ ਹੈ।
ਬੀ.ਸੀ. 'ਚ ਵੀਰਵਾਰ ਨੂੰ ਓਵਰਡੋਜ਼ ਸੰਬੰਧੀ ਜੂਨ ਦੇ ਮਹੀਨੇ 'ਚ ਵਾਪਰੀਆਂ ਮੌਤਾਂ ਦਾ ਅੰਕੜਾ ਸਾਂਝਾ ਕੀਤਾ ਗਿਆ ਸੀ।
ਇਹ ਅੰਕੜਾ ਪੁਰਾਣੇ ਰਿਕਾਰਡ ਤੋੜ ਗਿਆ ਸੀ।
ਜੂਨ 'ਚ 175 ਮੌਤਾਂ ਹੋਈਆਂ ਦੱਸੀਆਂ ਗਈਆਂ ਸਨ ਜਿਸ ਨਾਲ ਮਈ ਦੇ ਮਹੀਨੇ 'ਚ ਹੋਈਆਂ 171 ਮੌਤਾਂ ਦੇ ਅੰਕੜੇ ਦਾ ਰਿਕਾਰਡ ਟੁੱਟ ਗਿਆ ਸੀ।
ਸਾਲ 2016 ਤੋਂ ਇਸ ਓਵਰਡੋਜ਼ ਸੰਬੰਧੀ 5,000 ਤੋਂ ਵੱਧ ਮੌਤਾਂ ਦਰਜ ਕੀਤੀਆਂ ਜਾ ਚੁੱਕੀਆਂ ਹਨ।
ਪ੍ਰੀਮਿਅਰ ਹੌਰਗਨ ਨੇ ਅੱਜ ਪੱਤਰਕਾਰਾਂ ਨੂੰ ਕਿਹਾ ਕਿ ਉਨ੍ਹਾਂ ਐਡਿਕਸ਼ਨ ਨਾਲ ਜੁੜੀਆਂ ਚੁਣੌਤੀਆਂ ਨੂੰ ਗਲਤ ਨਜ਼ਰੀਏ ਨਾਲ ਵੇਖਿਆ ਸੀ।
ਲੋਕਾਂ ਨੇ ਸਵਾਲ ਚੁੱਕੇ ਹਨ ਕਿ ਓਪੀਓਇਡ ਸੰਕਟ ਨੂੰ ਪੈਂਡੇਮਿਕ ਨਾਲ ਜੋੜ ਕੇ ਕਿਵੇਂ ਵੇਖਿਆ ਜਾ ਸਕਦਾ ਹੈ।
ਹੌਰਗਨ ਨੇ ਵੀ ਮੰਨਿਆ ਕਿ ਨਸ਼ੇ ਦੀ ਵਰਤੋਂ ਤਣਾਅ ਅਤੇ ਮੁਸ਼ਕਿਲ ਦੀ ਸਥਿਤੀ ਤੋਂ ਖੜੀ ਹੁੰਦੀ ਹੈ, ਅਤੇ ਉਨ੍ਹਾਂ ਨੂੰ ਖੇਦ ਹੈ ਕਿ ਇੱਕ ਟਿੱਪਣੀ ਕਰਦੇ ਹੋਏ ਉਹ ਇਸ ਨੂੰ ਗਲਤ ਤਰੀਕੇ ਨਾਲ ਰੱਖ ਗਏ ਸਨ।
ਉਨ੍ਹਾਂ ਵੀਰਵਾਰ ਨੂੰ ਕਿਹਾ ਸੀ ਕਿ ਨਸ਼ੇ ਦੀ ਵਰਤੋਂ ਕਰਨ ਵਾਲੇ ਪਹਿਲਾਂ ਇਸ ਦੀ ਚੋਣ ਕਰਦੇ ਹਨ ਅਤੇ ਫਿਰ ਇਸ ਦੇ ਆਦੀ ਹੋ ਜਾਂਦੇ ਹਨ।
