15.88C Vancouver 15.88C VancouverJun 15, 2026 3:40 PM - Connect Newsroom - Ramandeep Kaur with files from The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਨੇ ਫੈਡਰਲ ਸਰਕਾਰ ਦੇ ਨਵੇਂ ਔਨਲਾਈਨ ਹਾਰਮ ਬਿੱਲ ਵਿੱਚ ਏ.ਆਈ.ਚੈਟਬੋਟਸ ਦੀ ਸਮੱਸਿਆ ਨੂੰ ਹੱਲ ਨਾ ਕਰਨ ਦੀ ਆਲੋਚਨਾ ਕੀਤੀ ਹੈ। ਉਨ੍ਹਾਂ ਮੁਤਾਬਕ, ਬਿੱਲ ਵਿੱਚ ਟੈਕ ਕੰਪਨੀਆਂ ਲਈ ਇਹ ਲਾਜ਼ਮੀ ਨਹੀਂ ਕੀਤਾ ਗਿਆ ਕਿ ਉਹ ਯੂਜ਼ਰਸ ਦੀਆਂ ਖ਼ਤਰਨਾਕ ਜਾਂ ਸ਼ੱਕੀ ਗਤੀਵਿਧੀਆਂ ਬਾਰੇ ਪੁਲਿਸ ਨੂੰ ਰਿਪੋਰਟ ਕਰਨ।
ਈਬੀ ਨੇ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਏ.ਆਈ. ਚੈਟਬੋਟ ਦੀ ਵਰਤੋਂ ਕਰਕੇ ਹਿੰਸਕ ਅਪਰਾਧ ਦੀ ਯੋਜਨਾ ਬਣਾਉਂਦਾ ਹੈ ਤਾਂ ਕੰਪਨੀ ਲਈ ਪੁਲਿਸ ਨੂੰ ਦੱਸਣਾ ਲਾਜ਼ਮੀ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਟੰਬਲਰ ਰਿਜ ਮਾਸ ਸ਼ੂਟਿੰਗ ਦਾ ਹਵਾਲਾ ਦਿੱਤਾ, ਜਿੱਥੇ ਹਮਲਾਵਰ ਦਾ ਚੈਟਬੋਟਸ ਅਕਾਊਂਟ ਵਾਰਦਾਤ ਤੋਂ ਪਹਿਲਾਂ ਫਲੈਗ ਹੋਣ ਦੇ ਬਾਵਜੂਦ ਓਪਨ ਏ.ਆਈ. ਨੇ ਕੈਨੇਡੀਅਨ ਪੁਲਿਸ ਨੂੰ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।
ਹਾਲਾਂਕਿ, ਈਬੀ ਨੇ ਬਿੱਲ ਦੇ ਸੇਫ ਸੋਸ਼ਲ ਮੀਡੀਆ ਹਿੱਸੇ ਦਾ ਸਮਰਥਨ ਕੀਤਾ, ਜਿਸ ਵਿੱਚ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਸੋਸ਼ਲ ਮੀਡੀਆ ਦੀ ਵਰਤੋਂ 'ਤੇ ਪਾਬੰਦੀ ਲਗਾਉਣਾ ਸ਼ਾਮਲ ਹੈ। ਗੌਰਤਲਬ ਹੈ ਕਿ ਬੀ. ਸੀ. ਸਰਕਾਰ ਇਹ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕੀ ਹੈ ਕਿ ਜੇ ਫੈਡਰਲ ਪੱਧਰ 'ਤੇ ਕੋਈ ਕਮੀ ਰਹਿ ਜਾਂਦੀ ਹੈ ਤਾਂ ਸੂਬਾ ਉਸ ਨੂੰ ਆਪਣੇ ਪੱਧਰ 'ਤੇ ਹੱਲ ਕਰਨ ਦਾ ਵਿਚਾਰ ਕਰ ਸਕਦਾ ਹੈ।
