15.64C Vancouver 15.64C VancouverSep 24, 2021 7:19 PM -
ਬੀ.ਸੀ. 'ਚ ਨੈਲੋਕਸੌਨ ਦੀ ਸਪਲਾਈ 'ਚ ਅੜਿੱਕੇ ਪਏ ਹਨ।
ਇਸ ਦੇ ਚਲਦਿਆਂ ਕਈ ਪੁਲਿਸ ਅਜੈਂਸੀਆਂ ਨੂੰ ਇਸ ਓਵਰਡੋਜ਼ ਰਿਵਰਸਿੰਗ ਡਰੱਗ ਦੀ ਸਪਲਾਈ ਖੁਦ ਖਰੀਦਣੀ ਪੈ ਰਹੀ ਹੈ।
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਸਰਕਾਰ ਇਸ ਮਸਲੇ ਨੂੰ ਸੁਲਝਾਉਣ 'ਚ ਜੁਟੀ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਉਹ ਪੁਲਿਸ ਅਜੈਂਸੀਆਂ ਨੂੰ ਫੰਡਿੰਗ ਦੇਣ 'ਤੇ ਕੰਮ ਕਰ ਰਹੇ ਹਨ, ਜਿਸ ਨਾਲ ਇਹ ਕਿੱਟਾਂ ਖਰੀਦੀਆਂ ਜਾ ਸਕਣ।
ਓਵਰਡੋਜ਼ ਕਾਰਨ ਸਿਹਤ ਵਿਗੜਨ ਵਿਚਾਲੇ ਸੂਬੇ 'ਚ ਹਜ਼ਾਰਾਂ ਲੋਕਾਂ ਦੀ ਜਾਨ ਬਚਾਉਣ ਲਈ ਇਸ ਨੈਲੋਕਸੌਨ ਪ੍ਰਣਾਲੀ ਦੀ ਵਰਤੋਂ ਕੀਤੀ ਜਾ ਚੁੱਕੀ ਹੈ।
ਵਿੱਕਟੋਰੀਆ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਦੇ ਲਈ ਮਿਲੀ ਫੰਡਿੰਗ ਅਪ੍ਰੈਲ 2020 'ਚ ਮੁੱਕ ਗਈ ਸੀ ਅਤੇ ਉਸ ਵੇਲੇ ਤੋਂ ਖੁਦ ਇਹ ਕਿੱਟਾਂ ਖਰੀਦੀਆਂ ਜਾ ਰਹੀਆਂ ਹਨ।
ਸਾਨੀਚ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀਆਂ ਨੈਲੋਕਸੌਨ ਕਿੱਟਾਂ ਇਸ ਸਾਲ ਦੇ ਅੰਤ ਤਕ ਮੁੱਕ ਜਾਣਗੀਆਂ।
ਯਾਦ ਰਹੇ ਸੂਬੇ 'ਚ ਓਵਰਡੋਜ਼ ਸੰਕਟ ਸੰਬੰਧੀ ਪਬਲਿਕ ਹੈਲਥ ਐਮਰਜੈਂਸੀ ਸਾਲ 2016 ਤੋਂ ਜਾਰੀ ਹੈ।
ਉਸ ਵੇਲੇ ਤੋਂ ਸੂਬੇ 'ਚ 7,760 ਲੋਕ ਓਵਰਡੋਜ਼ ਕਾਰਨ ਜਾਨ ਗਵਾ ਚੁੱਕੇ ਹਨ।
