13.83C Vancouver 13.83C VancouverOct 28, 2021 10:39 PM - The Canadian Press
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਸੰਘ 'ਚ ਕਿਸੇ ਪ੍ਰਕਾਰ ਦੇ ਲੰਪ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਦੇ ਚਲਦਿਆਂ ਉਨ੍ਹਾਂ ਦੀ ਸਰਜਰੀ ਹੋਣ ਜਾ ਰਹੀ ਹੈ।
ਅੱਜ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਹੌਰਗਨ ਨੇ ਜਾਣਕਾਰੀ ਦਿੱਤੀ ਕਿ ਉਹ ਕੁਝ ਸਮੇਂ ਲਈ ਆਪਣੀਆਂ ਜਿੰਮੇਵਾਰੀਆਂ ਮਾਈਕ ਫਾਰਨਵਰਥ ਨੂੰ ਸੌਂਪਣ ਜਾ ਰਹੇ ਹਨ।
ਹਾਲਾਂਕਿ ਅਜਿਹਾ ਪੱਕੇ ਤੌਰ 'ਤੇ ਨਹੀਂ ਹੋਵੇਗਾ ਅਤੇ ਉਨ੍ਹਾਂ ਦੇ ਇਲਾਜ ਦੌਰਾਨ ਫਾਰਨਵਰਥ ਇਹ ਕੰਮਕਾਜ ਸੰਭਾਲਣਗੇ।
ਮਾਈਕ ਫਾਰਨਵਰਥ ਸੂਬੇ ਦੇ ਪਬਲਿਕ ਸੇਫਟੀ ਮੰਤਰੀ ਹਨ ਅਤੇ ਹੁਣ ਉਹ ਡਿਪਟੀ ਪ੍ਰੀਮਿਅਰ ਦੀ ਜਿੰਮੇਵਾਰੀ ਵੀ ਸੰਭਾਲਣ ਜਾ ਰਹੇ ਹਨ।
ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਕਿ ਇਹ ਦਿਨ ਪ੍ਰਤੀ ਦਿਨ ਦੀ ਸਥਿਤੀ ਹੋਵੇਗੀ ਅਤੇ ਆਉਂਦੇ ਹਫਤਿਆਂ 'ਚ ਉਹ ਵਧੇਰੇ ਸਪਸ਼ਟ ਜਵਾਬ ਦੇ ਸਕਣਗੇ।
ਉਨ੍ਹਾਂ ਮਾਈਕ ਫਾਰਨਵਰਥ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਮੌਜੂਦਗੀ 'ਚ ਸੂਬਾ ਚੰਗੇ ਹੱਥਾਂ 'ਚ ਹੋਵੇਗਾ।
ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਉਹ ਜਲਦੀ ਤੰਦਰੁਸਤ ਹੋ ਜਾਣਗੇ।
