10.75C Vancouver 10.75C VancouverOct 3, 2025 5:56 PM - The Canadian Press
ਬੀ.ਸੀ. ਵਿਚ ਪਬਲਿਕ ਸਰਵਿਸ ਵਰਕਰਜ਼ ਨੇ 20 ਹੋਰ ਸਰਕਾਰੀ ਸ਼ਰਾਬ ਅਤੇ ਕੈਨਾਬਿਸ ਸਟੋਰ (ਭੰਗ ਦੀਆਂ ਦੁਕਾਨਾਂ) 'ਤੇ ਰੋਸ ਪ੍ਰਦਰਸ਼ਨ ਦਾ ਵਿਸਥਾਰ ਕਰਕੇ ਆਪਣੀ ਕਾਰਵਾਈ ਨੂੰ ਵਧਾ ਦਿੱਤਾ ਹੈ। ਇਹ ਕਦਮ ਚੱਲ ਰਹੀ ਹੜਤਾਲ ਦਾ ਹਿੱਸਾ ਹੈ ਜੋ ਆਪਣੇ ਛੇਵੇਂ ਹਫ਼ਤੇ ਵਿਚ ਦਾਖਲ ਹੋ ਰਹੀ ਹੈ।
34,000 ਵਰਕਰਜ਼ ਦੀ ਨੁਮਾਇੰਦਗੀ ਕਰਦੀ ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਨੇ ਕਿਹਾ ਕਿ ਹੁਣ ਉਸ ਦੇ ਅੱਧੇ ਮੈਂਬਰਸ ਯਾਨੀ 17,000 ਦੇ ਲਗਭਗ ਪਬਲਿਕ ਸਰਵਿਸ ਵਰਕਰ ਹੜਤਾਲ ਦੀ ਕਾਰਵਾਈ ਵਿਚ ਹਿੱਸਾ ਲੈ ਰਹੇ ਸਨ।
ਯੂਨੀਅਨ ਦੇ ਪ੍ਰਧਾਨ ਪਾਲ ਫਿੰਚ ਨੇ ਚਿਤਾਵਨੀ ਦਿੱਤੀ ਕਿ ਸਰਕਾਰ ਵਲੋਂ ਕੀਤੀ ਜਾ ਰਹੀ ਦੇਰੀ ਨਾਲ ਪਬਲਿਕ ਸਰਵਿਸ 'ਤੇ ਦਬਾਅ ਵਧੇਗਾ ਅਤੇ ਜਦੋਂ ਤੱਕ ਸੂਬਾ ਸਰਕਾਰ ਵਾਜਬ ਤਨਖਾਹ ਦੀ ਪੇਸ਼ਕਸ਼ ਨਾਲ ਸੌਦੇਬਾਜ਼ੀ ਦੀ ਮੇਜ਼ 'ਤੇ ਵਾਪਸ ਨਹੀਂ ਆਉਂਦੀ ਉਦੋਂ ਤੱਕ ਹੜਤਾਲ ਦੀ ਕਾਰਵਾਈ ਜਾਰੀ ਰਹੇਗੀ। ਫਿੰਚ ਨੇ ਐਲਾਨ ਕੀਤਾ ਕਿ ਵਰਕਰ ਸੋਮਵਾਰ ਨੂੰ ਵਿਧਾਨ ਸਭਾ ਦੇ ਬਾਹਰ ਪ੍ਰਦਰਸ਼ਨ ਕਰਨਗੇ, ਜਦੋਂ ਫਾਲ ਸੈਸ਼ਨ ਸ਼ੁਰੂ ਹੋ ਰਿਹਾ ਹੈ।
