29.67C Vancouver 29.67C VancouverSep 22, 2025 6:38 PM - The Canadian Press
ਬੀ. ਸੀ. ਦੇ ਪਬਲਿਕ ਸਰਵਿਸ ਵਰਕਰਾਂ ਦੀ ਹੜਤਾਲ ਵਿਚ ਸੋਮਵਾਰ ਨੂੰ ਸ਼ਰਾਬ ਅਤੇ ਭੰਗ ਦੇ ਗੋਦਾਮਾਂ ਦੇ ਵਰਕਰ ਵੀ ਸ਼ਾਮਲ ਹੋ ਗਏ ਹਨ। ਬੀਸੀ ਜਨਰਲ ਇੰਪਲਾਈਜ਼ ਯੂਨੀਅਨ ਨੇ ਕਿਹਾ ਕਿ ਬਰਨਬੀ ਵਿਚ ਸ਼ਰਾਬ ਦੀ ਵੰਡ ਸ਼ਾਖਾ ਦੇ ਹੈਡਕੁਆਰਟਰ ਦੇ ਨਾਲ-ਨਾਲ ਡੈਲਟਾ, ਰਿਚਮੰਡ ਅਤੇ ਕੈਮਲੂਪਸ ਦੇ ਗੋਦਾਮਾਂ ਦੇ ਕਰਮਚਾਰੀ ਹੁਣ ਹੜਤਾਲ 'ਤੇ ਹਨ।
ਯੂਨੀਅਨ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਵਿਕਟੋਰੀਆ ਅਤੇ ਵੈਨਕੂਵਰ ਵਿਚ ਪੰਜ ਹੋਰ ਮਨਿਸਟਰੀ ਵਰਕਰ ਵੀ ਜੌਬ ਐਕਸ਼ਨ ਕਾਰਵਾਈ ਵਿਚ ਸ਼ਾਮਲ ਹੋ ਰਹੀਆਂ ਹਨ। ਇਸ ਨਾਲ ਬੀ. ਸੀ. ਵਿਚ ਯੂਨੀਅਨ ਦੇ ਧਰਨਾ ਸਥਾਨਾਂ ਦੀ ਗਿਣਤੀ 28 ਹੋ ਗਈ ਹੈ। ਚੌਥੇ ਹਫ਼ਤੇ ਵਿਚ ਪਹੁੰਚ ਚੁੱਕੀ ਇਸ ਹੜਤਾਲ ਵਿਚ ਹੁਣ 10,000 ਤੋਂ ਵੱਧ ਕਰਮਚਾਰੀ ਸ਼ਾਮਲ ਹਨ, ਜਿਨ੍ਹਾਂ ਵਿਚ ਓਵਰਟਾਈਮ ਬੈਨ ਵੀ ਸ਼ਾਮਲ ਹੈ ਅਤੇ ਯੂਨੀਅਨ ਨੇ ਚਿਤਾਵਨੀ ਦਿੱਤੀ ਹੈ ਕਿ ਹੜਤਾਲ ਦੀ ਕਾਰਵਾਈ ਵਿਚ ਵਾਧਾ ਉਦੋਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਸੂਬਾ ਸਰਕਾਰ ਗੱਲਬਾਤ ਲਈ ਸਹਿਮਤ ਨਹੀਂ ਹੋ ਜਾਂਦੀ।
ਯੂਨੀਅਨ ਪ੍ਰਧਾਨ ਪਾਲ ਫਿੰਚ ਨੇ ਕਿਹਾ ਕਿ ਸਾਡਾ ਤਾਜ਼ਾ ਕਦਮ ਸਰਕਾਰ 'ਤੇ ਦਬਾਅ ਪਾਉਣ ਦਾ ਆਖਰੀ ਉਪਾਅ ਹੈ ਅਤੇ ਹੁਣ ਤੱਕ ਅਸੀਂ ਕੋਸ਼ਿਸ਼ ਕੀਤੀ ਹੈ ਕਿ ਲੋਕਾਂ ਲਈ ਰੁਕਾਵਟ ਘੱਟ ਤੋਂ ਘੱਟ ਹੋਵੇ ਪਰ ਜੇ ਸੂਬਾ ਸਰਕਾਰ ਗੱਲਬਾਤ ਲਈ ਅੱਗੇ ਨਹੀਂ ਆਉਂਦੀ ਤਾਂ ਫਿਰ ਸਾਡੇ ਕੋਲ ਕੋਈ ਹੋਰ ਰਸਤਾ ਨਹੀਂ ਹੋਵੇਗਾ।
