13.24C Vancouver 13.24C VancouverDec 22, 2021 1:12 AM - Connect News
ਬੀ.ਸੀ. 'ਚ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਦੇ ਹੁਣ 756 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਅੱਜ ਦੀ ਸੂਬੇ ਦੀ ਕੋਵਿਡ-19 ਸੰਬੰਧੀ ਅਪਡੇਟ 'ਚ ਦੱਸਿਆ ਗਿਆ ਹੈ ਕਿ ਸੂਬੇ 'ਚ ਵੈਨਕੂਵਰ ਕੋਸਟਲ ਹੈਲਥ ਵਿੱਚ 413, ਫਰੇਜ਼ਰ ਹੈਲਥ ਵਿੱਚ 129, ਇੰਟੀਰੀਅਰ ਹੈਲਥ ਵਿੱਚ 8, ਨੌਰਦਰਨ ਹੈਲਥ ਵਿੱਚ 2 ਅਤੇ ਆਈਲੈਂਡ ਹੈਲਥ ਵਿੱਚ ਵੇਰੀਐਂਟ ਦੇ 204 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਸ ਤੋਂ ਪਹਿਲਾਂ ਬੀਤੇ ਸ਼ੁੱਕਰਵਾਰ ਦੀ ਅਪਡੇਟ ਦੌਰਾਨ ਸੂਬੇ ਵਿੱਚ ਇਸ ਵੇਰੀਐਂਟ ਦੇ 302 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਵੀਕਐਂਡ ਦੌਰਾਨ ਇਸ ਵਾਇਰਸ ਸੰਬੰਧੀ ਮਾਮਲਿਆਂ ਨੇ ਵੱਡੀ ਛਾਲ ਮਾਰੀ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਹ ਨਵਾਂ ਵੇਰੀਐਂਟ ਤੇਜੀ ਨਾਲ ਡੈਲਟਾ ਵੇਰੀਐਂਟ ਦੀ ਜਗ੍ਹਾ ਲੈਣ ਲੱਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵੇਰੀਐਂਟ ਦੀ ਟਰਾਂਸਮਿਸ਼ਨ ਡੈਲਟਾ ਵੇਰੀਐਂਟ ਤੋਂ ਵਧੇਰੇ ਹੈ।
ਇਸ ਵੇਰੀਐਂਟ ਦੇ ਬੀ.ਸੀ. 'ਚ 18 ਤੋਂ 35 ਸਾਲ ਦੇ ਉਮਰ ਵਰਗ ਵਿਚਾਲੇ ਬਹੁਤੇ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਬੀ.ਸੀ. 'ਚ ਕੋਵਿਡ-19 ਦੇ ਇੱਕੋ ਦਿਨ 'ਚ 1,308 ਮਾਮਲੇ ਹੋਏ ਰਿਪੋਰਟ
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 1,308 ਮਾਮਲੇ ਰਿਪੋਰਟ ਹੋਏ ਹਨ।
ਇਹ ਬੀ.ਸੀ. 'ਚ ਇੱਕੋ ਦਿਨ ਦੇ ਮਾਮਲਿਆਂ ਸੰਬੰਧੀ ਰਿਕਾਰਡਤੋੜ ਵਾਧਾ ਹੈ।
ਇੱਕ ਵਾਇਰਸ ਪੀੜਤ ਦੀ ਮੌਤ ਰਿਪੋਰਟ ਹੋਈ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 229,643 ਤਕ ਪਹੁੰਚ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 2,403 ਹੋ ਚੁੱਕੀ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲਿਆਂ ਦੀ ਗਿਣਤੀ 6,000 ਦਾ ਅੰਕੜਾ ਪਾਰ ਕਰਦੇ ਹੋਏ 6,348 ਤਕ ਪਹੁੰਚ ਗਈ ਹੈ।
ਕੁੱਲ 192 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ 'ਚ 76 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
