ਬੀ.ਸੀ. 'ਚ ਕੋਵਿਡ-19 ਦੇ 62 ਮਾਮਲੇ ਹੋਏ ਰਿਪੋਰਟ, ਵੈਨਕੂਵਰ ਦੇ ਇੱਕ ਰੈਸਟੂਰੈਂਟ 'ਚ ਵੀ ਵਾਇਰਸ ਸੰਕ੍ਰਮਣ ਦੀ ਚੇਤਾਵਨੀ

ਜੈਸਮੀਨ ਮੰਡੇਰ ਦਾ ਸੌਕਰ ਮੈਦਾਨ ਨਾਲ ਪਹਿਲਾ ਇੰਟਰੋਡਕਸ਼ਨ ਉਨ੍ਹਾਂ ਦੇ ਪਿਤਾ ਦਿਲਦਾਰ ਮੰਡੇਰ ਨੇ ਕਰੀਬ 25 ਸਾਲ ਪਹਿਲਾਂ ਕਰਵਾਇਆ ਸੀ। ਉਸ ਸਮੇਂ ਜੈਸਮੀਨ ਦੀ ਉਮਰ 5 ਸਾਲ ਸੀ। ਦਿਲਦਾਰ ਮੰਡੇਰ ਦੀ ਧੀ ਨੂੰ ਉਸ ਸਮੇਂ ਕੋਈ ਅੰਦਾਜ਼ਾ ਨਹੀਂ ਸੀ ਕਿ ਸੌਕਰ ਦੀ ਖੇਡ 'ਚ ਕਿਸ ਪ੍ਰਕਾਰ ਦੀਆਂ ਬੁਲੰਦੀਆਂ ਹਾਸਿਲ ਕੀਤੀਆਂ ਜਾ ਸਕਦੀਆਂ ਹਨ। ਪਰ ਉਸ ਸਮੇਂ ਤੋਂ ਸ਼ੁਰੂ ਹੋਏ ਸੌਕਰ ਦੇ ਸਫਰ ਵਿੱਚ ਜੈਸਮੀਨ ਨੂੰ ਕਈ ਪ੍ਰਾਪਤੀਆਂ ਹਾਸਿਲ ਹੋਈਆਂ। ਇੱਥੋਂ ਤੱਕ ਕਿ ਸਾਲ 2021 'ਚ ਟੋਕੀਓ ਓਲੰਪਿਕਸ ਦੌਰਾਨ ਜੈਸਮੀਨ ਕਨੇਡੀਅਨ ਨੈਸ਼ਨਲ ਸੌਕਰ ਟੀਮ ਦੀ ਸਟਾਫ਼ ਮੈਂਬਰ ਸੀ, ਉਹ ਟੀਮ ਜੋ ਓਲੰਪਿਕ ਗੋਲਡ ਮੈਡਲ ਜਿੱਤਣ 'ਚ ਕਾਮਯਾਬ ਰਹੀ। ਪਰ ਬੁਲੰਦੀਆਂ ਨਾਲ ਭਰਪੂਰ ਇਸ ਕਰੀਅਰ 'ਚ ਜੈਸਮੀਨ ਨੇ ਕਰੀਬ ਦੋ ਸਾਲ ਪਹਿਲਾਂ ਉਹ ਦੌਰ ਵੀ ਵੇਖਿਆ, ਜਿੱਥੇ ਡਰੋਨ ਗੇਟ ਵਿਵਾਦ ਹੋਇਆ ਅਤੇ ਜੈਸਮੀਨ ਨੂੰ ਇੱਕ ਬੈਨ ਦਾ ਸਾਹਮਣਾ ਕਰਨਾ ਪਿਆ। ਪਰ ਖਿਡਾਰੀ ਡਿੱਗਣ ਤੋਂ ਬਾਅਦ ਉੱਠਣਾ, ਅਤੇ ਉੱਠਣ ਤੋਂ ਬਾਅਦ ਫੇਰ ਭੱਜਣਾ ਤੇ ਕੰਪੀਟ ਕਰਨਾ ਜਾਣਦੇ ਹੁੰਦੇ ਹੈ। ਜੈਸਮੀਨ ਨੇ ਵੀ ਪੈਰਿਸ ਓਲੰਪਿਕਸ ਦੇ ਡਰੋਨ ਵਿਵਾਦ ਤੋਂ ਬਾਅਦ ਇੱਕ ਵਾਰ ਫਿਰ ਤੋਂ ਸੌਕਰ ਦੀ ਖੇਡ 'ਚ ਵਾਪਸੀ ਕਰਦੇ ਹੋਏ ਆਇਰਲੈਂਡ ਦੀ ਔਰਤਾਂ ਦੀ ਰਾਸ਼ਟਰੀ ਟੀਮ ਨਾਲ ਸੇਵਾਵਾਂ ਦੇਣਾ ਅਰੰਭਿਆ ਹੈ।

ਕੈਨੇਡੀਅਨ ਫੌਜ ਦੇ ਕੁਵੈਤ ਬੇਸ 'ਤੇ ਹੋਏ ਕਥਿਤ ਈਰਾਨੀ ਮਿਜ਼ਾਇਲ ਹਮਲੇ ਨੂੰ ਲੈ ਕੇ ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਦੇ ਤਾਜ਼ਾ ਬਿਆਨ ਨੇ ਰਾਜਨੀਤੀ ਗਰਮਾ ਦਿੱਤੀ ਹੈ। ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਬਾਰੇ ਜਾਣਕਾਰੀ ਨਹੀਂ ਸੀ ਕਿਉਂਕਿ ਉਹ ਉਸ ਸਮੇਂ ਪ੍ਰਧਾਨ ਮੰਤਰੀ ਨਾਲ ਵਿਦੇਸ਼ ਦੌਰੇ 'ਤੇ ਸਨ ਤੇ ਉਦੋਂ ਹੀ ਪਤਾ ਲੱਗਾ ਜਦੋਂ ਅਖ਼ਬਾਰ ਨੇ ਇਸ ਬਾਰੇ ਰਿਪੋਰਟ ਛਾਪੀ।

ਬਰਨਬੀ ਵਿਚ ਕਮਰਸ਼ੀਅਲ ਵ੍ਹੀਹਕਲ ਇਨਫੋਰਸਮੈਂਟ ਟੀਮ ਨੇ ਇੱਕ ਡੰਪ ਟਰੱਕ ਡਰਾਈਵਰ ਨੂੰ $1,215 ਦਾ ਜੁਰਮਾਨਾ ਕੀਤਾ ਹੈ। ਪੁਲਿਸ ਮੁਤਾਬਕ, ਟ੍ਰੇਲਰ ਰਾਹੀਂ ਬੌਬਕੈਟ ਮਸ਼ੀਨ ਲੈ ਕੇ ਜਾ ਰਹੇ ਇਸ ਟਰੱਕ ਵਿਚ 6 Violations ਪਾਏ ਗਏ, ਟਰੱਕ ਦਾ ਫਿਊਲ ਕੈਪ ਗਾਇਬ ਸੀ ਤੇ ਉਸ ਨੂੰ ਇੱਕ ਸੈਂਡਵਿਚ ਬੈਗ ਨਾਲ ਢੱਕ ਕੇ ਚਾਰਜਿੰਗ ਕੇਬਲ ਨਾਲ ਬੰਨ੍ਹਿਆ ਹੋਇਆ ਸੀ। ਇਸ ਦਾ ਫਿਊਲ ਟੈਂਕ ਵੀ ਸਟੈਪਸ ਨਾਲ ਟਿਕਿਆ ਹੋਇਆ ਸੀ।

ਐਬਟਸਫੋਰਡ ਵਿਚ ਇੱਕ ਗੈਸ ਸਟੇਸ਼ਨ 'ਤੇ ਦਿਨ-ਦਿਹਾੜੇ ਹੋਈ ਹਥਿਆਰਬੰਦ ਲੁੱਟ ਦੇ ਮਾਮਲੇ ਵਿਚ ਪੁਲਿਸ ਨੇ ਇੱਕ 41 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਮੁਤਾਬਕ, ਵਾਰਦਾਤ 17 ਮਾਰਚ ਨੂੰ ਸਵੇਰੇ ਕਰੀਬ 9:15 ਵਜੇ ਕਲੀਅਰਬਰੂਕ ਰੋਡ ਦੇ 2000 ਬਲੌਕ ਵਿਚ ਸਥਿਤ ਇੱਕ ਗੈਸ ਸਟੇਸ਼ਨ 'ਤੇ ਵਾਪਰੀ। ਸ਼ੱਕੀ ਨੇ ਹਥਿਆਰ ਦਿਖਾ ਕੇ ਸਟਾਫ ਮੈਂਬਰ ਨੂੰ ਡਰਾਇਆ ਅਤੇ ਕੈਸ਼ ਤੇ ਸਟੋਰ ਦਾ ਕੋਈ ਸਾਮਾਨ ਲੈ ਕੇ ਫ਼ਰਾਰ ਹੋ ਗਿਆ। ਇਸ ਦੌਰਾਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।

ਕੈਨੇਡਾ ਸਰਕਾਰ ਨੇ ਫੌਜ ਨੂੰ ਆਧੁਨਿਕ ਹਥਿਆਰਾਂ ਨਾਲ ਲੈਸ ਕਰਨ ਲਈ ਨਵੇਂ ਡਿਫੈਂਸ ਸੌਦੇ ਦਾ ਐਲਾਨ ਕੀਤਾ ਹੈ। ਇਸ ਤਹਿਤ ਸਰਕਾਰ ਕੋਲਟ ਕੈਨੇਡਾ ਕੰਪਨੀ ਤੋਂ 30,000 ਨਵੀਆਂ ਮਾਡਿਊਲਰ ਅਸਾਲਟ ਰਾਈਫਲ ਖਰੀਦਣ ਜਾ ਰਹੀ ਹੈ। ਇਸ ਖਰੀਦ 'ਤੇ $307 ਮਿਲੀਅਨ ਖਰਚ ਕੀਤੇ ਜਾਣਗੇ।