14.69C Vancouver 14.69C VancouverMay 7, 2020 9:21 PM -
ਬ੍ਰਿਟਿਸ਼ ਕੋਲੰਬੀਆ 'ਚ ਇੱਕ ਪਾਸੇ ਕੋਵਿਡ-19 ਦੇ ਅੰਕੜਿਆਂ 'ਚ ਬੇਹਤਰੀ ਆਉਂਦੀ ਜਾਪ ਰਹੀ ਹੈ, ਪਰ ਦੂਜੇ ਪਾਸੇ ਸੂਬੇ 'ਚ ਓਵਰਡੋਜ਼ ਸੰਕਟ ਸੰਬੰਧੀ ਕੁਝ ਨਿਰਾਸ਼ ਕਰਨ ਵਾਲੇ ਅੰਕੜੇ ਸਾਹਮਣੇ ਆਏ ਹਨ।
ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ ਹੋ ਰਹੀਆਂ ਮੌਤਾਂ ਫਰਵਰੀ ਦੀ ਤੁਲਣਾ 'ਚ ਮਾਰਚ ਦੇ ਮਹੀਨੇ 'ਚ ਵਧੇਰੀਆਂ ਰਹੀਆਂ।
ਇਹ ਪਹਿਲਾ ਮੌਕਾ ਸਾਬਿਤ ਹੋਇਆ ਜਦ ਇਸ ਸਾਲ ਇੱਕੋ ਮਹੀਨੇ 'ਚ ਮੌਤਾਂ ਦੀ ਗਿਣਤੀ 100 ਦੇ ਪਾਰ ਹੋ ਗਈ ਹੈ।
ਬੀ.ਸੀ. ਕੋਰੋਨਰਸ ਸਰਵਿਸ ਦਾ ਕਹਿਣਾ ਹੈ ਕਿ, ਮਾਰਚ ਵਿੱਚ ਓਵਰਡੋਜ਼ ਸੰਬੰਧੀ 113 ਮੌਤਾਂ ਰਿਪੋਰਟ ਹੋਈਆਂ ਹਨ।
ਬੀਤੇ ਸਾਲ ਦੇ ਮਾਰਚ ਮਹੀਨੇ ਦੇ ਅੰਕੜਿਆਂ ਦੀ ਤੁਲਨਾ 'ਚ ਇਹ 3% ਦਾ ਘਾਟਾ ਦਰਸ਼ਾਉਂਦਾ ਹੈ, ਪਰ ਇਸੇ ਸਾਲ ਦੇ ਫਰਵਰੀ ਮਹੀਨੇ ਦੇ ਅੰਕੜਿਆਂ ਦੀ ਤੁਲਨਾ 'ਚ ਇਹ 61% ਦਾ ਵਾਧਾ ਦੱਸਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਆਖਰੀ ਵਾਰ ਇੱਕੋ ਮਹੀਨੇ 'ਚ ਓਵਰਡੋਜ਼ ਕਾਰਨ ਹੋਈਆਂ 100 ਤੋਂ ਵਧੇਰੇ ਮੌਤਾਂ ਦਾ ਮਾਮਲਾ ਬੀਤੇ ਸਾਲ ਦੇ ਮਾਰਚ ਮਹੀਨੇ 'ਚ ਸਾਹਮਣੇ ਆਇਆ ਸੀ।
ਇਨ੍ਹਾਂ ਜਾਨ ਗਵਾਉਣ ਵਾਲਿਆਂ 'ਚ 76% ਮਰਦ ਸਨ ਅਤੇ ਨਾਰਥਰਨ ਹੈਲਥ ਅਥਾਰਿਟੀ 'ਚ ਸਭ ਤੋਂ ਵੱਧ ਮੌਤਾਂ ਦੇ ਮਾਮਲੇ ਉਜਾਗਰ ਹੋਏ।
ਯਾਦ ਰਹੇ ਸਾਲ 2016 'ਚ ਬੀ.ਸੀ. ਸਰਕਾਰ ਨੇ ਵਧਦੇ ਮੌਤਾਂ ਦੇ ਮਾਮਲਿਆਂ ਦਰਮਿਆਨ, ਪਬਲਿਕ ਹੈਲਥ ਐਮਰਜੈਂਸੀ ਐਲਾਨ ਦਿੱਤੀ ਸੀ।
ਉਦੋਂ ਤੋਂ ਹੁਣ ਤੱਕ ਇਸ ਓਵਰਡੋਜ਼ ਸੰਬੰਧੀ 5,000 ਮੌਤਾਂ ਦਰਜ ਕੀਤੀਆਂ ਜਾ ਚੁੱਕੀਆਂ ਹਨ।
