12.75C Vancouver 12.75C VancouverAug 13, 2025 5:58 PM - The Canadian Press
ਬੀ.ਸੀ. ਵਿਚ ਜੁਲਾਈ ਦੌਰਾਨ ਲਗਭਗ 7,000 ਘਰ ਵਿਕੇ ਹਨ, ਰੀਅਲ ਅਸਟੇਟ ਐਸੋਸੀਏਸ਼ਨ ਮੁਤਾਬਕ, ਇਹ ਜੁਲਾਈ 2024 ਵਿਚ ਦਰਜ ਕੀਤੇ ਗਏ ਅੰਕੜਿਆਂ ਨਾਲੋਂ 2.2 ਫੀਸਦੀ ਵੱਧ ਹਨ ਪਰ ਜੇ ਇਸ ਸਾਲ ਹੁਣ ਤੱਕ ਕੁੱਲ ਰਿਹਾਇਸ਼ੀ ਯੂਨਿਟ ਦੀ ਵਿਕਰੀ ਦੇਖੀਏ ਤਾਂ ਇਹ ਸਾਲ-ਦਰ-ਸਾਲ ਦੇ ਹਿਸਾਬ ਨਾਲ ਘੱਟ ਬਣੀ ਹੋਈ ਹੈ।
ਬੀ.ਸੀ. ਰੀਅਲ ਅਸਟੇਟ ਐਸੋਸੀਏਸ਼ਨ ਨੇ ਦੱਸਿਆ ਕਿ ਇਸ ਸਾਲ ਦੇ ਪਹਿਲੇ ਸੱਤ ਮਹੀਨਿਆਂ ਵਿਚ ਬੀ.ਸੀ. ਵਿਚ 43,000 ਦੇ ਲਗਭਗ ਘਰਾਂ ਦੀ ਵਿਕਰੀ ਹੋਈ ਹੈ, ਜੋ ਕਿ 2024 ਦੇ ਇਸੇ ਸਮੇਂ ਦੇ ਪੱਧਰ ਤੋਂ 5.7 ਫੀਸਦੀ ਘੱਟ ਹੈ। ਐਸੋਸੀਏਸ਼ਨ ਦੇ ਮੁੱਖ ਅਰਥ ਸ਼ਾਸਤਰੀ ਬ੍ਰੈਂਡਨ ਓਗਮੰਡਸਨ ਨੇ ਕਿਹਾ ਕਿ ਪਿਛਲੇ ਮਹੀਨੇ ਲੋਅਰ ਮੇਨਲੈਂਡ ਨੂੰ ਛੱਡ ਕੇ ਬਾਕੇ ਸਾਰੇ ਖੇਤਰਾਂ ਵਿਚ ਵਿਕਰੀ ਦੀ ਗਤੀਵਿਧੀ ਵਧੀ ਹੈ।
ਉਨ੍ਹਾਂ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਟੈਰਿਫ ਨਾਲ ਜੁੜੀ ਅਨਿਸ਼ਚਿਤਤਾ ਘੱਟ ਹੋਣ ਦੇ ਨਾਲ ਹੀ ਬਾਜ਼ਾਰ ਵਿਚ ਨਿਰੰਤਰ ਸੁਧਾਰ ਹੋਵੇਗਾ। ਸੂਬੇ ਵਿਚ ਪਿਛਲੇ ਮਹੀਨੇ ਔਸਤ ਰਿਹਾਇਸ਼ੀ ਯੂਨਿਟ ਕੀਮਤ 2.2 ਫੀਸਦੀ ਦੀ ਗਿਰਾਵਟ ਨਾਲ $942,686 ਰਿਹਾ।
