13.12C Vancouver 13.12C VancouverDec 22, 2021 1:25 AM - The Canadian Press
ਅੱਜ ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਸੂਬੇ 'ਚ ਠੰਡੇ ਤਾਪਮਾਨ ਅਤੇ ਬਰਫਬਾਰੀ ਸੰਬੰਧੀ ਵੀ ਜਾਣਕਾਰੀ ਸਾਂਝੀ ਕੀਤੀ ਹੈ ਅਤੇ ਲੋਕਾਂ ਨੂੰ ਬਦਲਦੇ ਮੌਸਮ ਦੇ ਲਈ ਤਿਆਰ ਰਹਿਣ ਨੂੰ ਕਿਹਾ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਛੁੱਟੀਆਂ ਦੀ ਰੁੱਤ ਦੌਰਾਨ ਬੇਹੱਦ ਠੰਡਾ ਤਾਪਮਾਨ, ਬਰਫੀਲੀ ਬਾਰਿਸ਼ ਅਤੇ ਬਰਫਬਾਰੀ ਦਸਤਕ ਦੇਣ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਵੈਦਰ ਐਲਰਟਸ ਦਾ ਧਿਆਨ ਰੱਖਿਆ ਜਾਵੇ ਅਤੇ ਨਿੱਘੇ ਕੱਪੜੇ ਪਹਿਨ ਕੇ ਰੱਖੇ ਜਾਣ।
ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਵੱਲੋਂ 1,900 ਤੋਂ ਵਧੇਰੇ ਟੈਂਪਰੇਰੀ ਸ਼ੈਲਟਰ ਅਤੇ ਕਰੀਬ 360 ਐਕਸਟ੍ਰੀਮ ਵੈਦਰ ਸ਼ੈਲਟਰ ਸਪੇਸਿਸ ਖੋਲ੍ਹੇ ਜਾ ਰਹੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸੂਬੇ ਦੇ ਕਈ ਰਸਤਿਆਂ ਜਿਵੇਂ ਕਿ ਹਾਈਵੇਅ 3, ਹਾਈਵੇਅ 5 ਅਤੇ ਹਾਈਵੇਅ 99 'ਤੇ ਬਰਫਬਾਰੀ ਕਾਰਨ ਵਾਹਨ ਚਲਾਉਣ ਸੰਬੰਧੀ ਮੁਸ਼ਕਿਲਾਂ ਪੇਸ਼ ਆ ਸਕਦੀਆਂ ਹਨ ਅਤੇ ਇਸ ਦੇ ਲਈ ਵਾਹਨ ਚਾਲਕ ਖਾਸ ਧਿਆਨ ਰੱਖਣ।
ਮਾਈਕ ਫਾਰਨਵਰਥ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀ.ਸੀ. ਵਿੱਚ ਐਲਾਨੇ ਗਏ ਨਵੇਂ ਸਿਹਤ ਸੰਬੰਧੀ ਨਿਰਦੇਸ਼ਾਂ ਨੂੰ ਪੁਖਤਾ ਕਰਨ ਲਈ ਸਖਤੀ ਵਰਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਦੇ ਵਧਦੇ ਮਾਮਲਿਆਂ ਵਿਚਾਲੇ ਸਰਕਾਰ ਚਾਹੁੰਦੀ ਹੈ ਕਿ ਲੋਕ ਪੂਰੀ ਸਾਵਧਾਨੀ ਵਰਤਣ ਅਤੇ ਨਵੇਂ ਨਿਰਦੇਸ਼ਾਂ ਦੀ ਪਾਲਣਾ ਕਰਨ।
