12.22C Vancouver 12.22C VancouverNov 24, 2021 9:41 PM - The Canadian Press
ਕਨੇਡੀਅਨ ਬਾਰਡਰ ਸਰਵਿਸਿਸ ਏਜੈਂਸੀ ਦਾ ਕਹਿਣਾ ਹੈ ਕਿ ਐਤਵਾਰ ਅਤੇ ਸੋਮਵਾਰ ਵਿਚਾਲੇ ਦੇ 24 ਘੰਟੇ ਦੇ ਵਕਫੇ ਦੌਰਾਨ ਬੀ.ਸੀ. ਨਿਵਾਸੀਆਂ ਨੂੰ ਕੁਝ ਜੁਰਮਾਨੇ ਲਗਾਏ ਗਏ ਸਨ।
ਅਜਿਹਾ ਉਸ ਵੇਲੇ ਹੋਇਆ ਸੀ ਜਦ ਕੁਝ ਬੀ.ਸੀ. ਵਾਸੀ ਅਮਰੀਕਾ 'ਚ ਦਾਖਿਲ ਹੋਏ ਸਨ ਅਤੇ ਇਸ ਪਿੱਛੇ ਦਾ ਕਾਰਨ ਅਸੈਂਸ਼ੀਅਲ ਯਾਨੀ ਕਿ ਜਰੂਰੀ ਸਮਗਰੀ ਨੂੰ ਹਾਸਿਲ ਕਰਨਾ ਸੀ।
ਹਾਲਾਂਕਿ ਜੁਰਮਾਨੇ ਇਸਲਈ ਲਗਾਏ ਗਏ ਸਨ ਕਿ ਵਾਪਸੀ ਮੌਕੇ ਇਨ੍ਹਾਂ ਬੀ.ਸੀ. ਵਾਸੀਆਂ ਕੋਲ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਨਹੀਂ ਸਨ।
ਐਮਰਜੈਂਸੀ ਤਿਆਰੀ ਸੰਬੰਧੀ ਫੈਡਰਲ ਮੰਤਰੀ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਬਾਰਡਰ ਗਾਰਡਸ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਬੀ.ਸੀ. ਦੇ ਲੋਕਾਂ ਨੂੰ ਜਰੂਰੀ ਸਮਾਨ ਹਾਸਿਲ ਕਰਨ ਲਈ ਅਮਰੀਕਾ 'ਚ ਦਾਖਿਲ ਹੋਣ ਦੀ ਇਜਾਜਤ ਦਿੱਤੀ ਗਈ ਹੈ।
ਇਸ ਪਿੱਛੇ ਸੂਬੇ 'ਚ ਹੜ੍ਹਾਂ ਦੇ ਹਾਲਾਤਾਂ ਨੂੰ ਕਾਰਨ ਦੱਸਿਆ ਗਿਆ ਹੈ।
ਬਿਲ ਬਲੇਅਰ ਨੇ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਟਿਕਟ ਜਾਰੀ ਕੀਤੇ ਗਏ, ਉਨ੍ਹਾਂ ਦੇ ਬਾਰਡਰ ਟੱਪਣ ਸੰਬੰਧੀ ਹਾਲਾਤਾਂ ਦੀ ਪਬਲਿਕ ਹੈਲਥ ਏਜੈਂਸੀ ਆਫ ਕੈਨੇਡਾ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ, ਮਾਈਕ ਫਾਰਨਵਰਥ ਨੇ ਵੀ ਕਿਹਾ ਹੈ ਕਿ ਬਾਰਡਰ ਫੈਡਰਲ ਜਿੰਮੇਵਾਰੀ ਹੇਠ ਆਉਂਦਾ ਹੈ ਪਰ ਉਨ੍ਹਾਂ ਬਿਲ ਬਲੇਅਰ ਨਾਲ ਗੱਲਬਾਤ ਕੀਤੀ ਹੈ ਅਤੇ ਉਨ੍ਹਾਂ ਨੂੰ ਭਰੋਸਾ ਦਵਾਇਆ ਗਿਆ ਹੈ ਕਿ ਜਾਰੀ ਕੀਤੇ ਗਏ ਟਿਕਟ ਵਾਪਿਸ ਲਏ ਜਾਣਗੇ।
