12.08C Vancouver 12.08C VancouverApr 17, 2020 9:21 PM -
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸੂਬੇ ਦੇ ਸਕਵਾਮਿਸ਼ ਇਲਾਕੇ 'ਚ ਲੱਗੀ ਅੱਗ ਨੂੰ ਇੱਕ ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਰੋਕਿਆ ਜਾ ਰਿਹਾ ਹੈ।
ਪਰ ਇਲਾਕੇ 'ਚ ਰਹਿਣ ਵਾਲੇ ਕਈ ਲੋਕਾਂ ਦਾ ਕਹਿਣਾ ਸੀ ਕਿ ਅੱਗ ਨੇ ਉਨ੍ਹਾਂ ਦੇ ਘਰਾਂ ਨੂੰ ਤਬਾਹ ਕਰ ਦਿੱਤਾ ਹੈ।
ਇਲਾਕੇ 'ਚ ਇੱਕ ਸਕੂਲ ਚਲਾਉਣ ਵਾਲੀ ਟੋਨੀ ਕੈਰੇਕਸ ਨਾਮ ਦੀ ਔਰਤ ਦਾ ਕਹਿਣਾ ਸੀ ਕਿ ਉਨ੍ਹਾਂ ਇੱਕ ਘਰ ਨੂੰ ਅੱਗ ਦੀਆਂ ਲਪਟਾਂ 'ਚ ਘਿਰੇ ਵੇਖਿਆ ਸੀ।
ਉਨ੍ਹਾਂ ਕਿਹਾ ਕਿ ਅੱਜ ਹਾਲਾਤ ਬੇਹਤਰ ਸਨ ਅਤੇ ਅੱਗ ਮੁੱਖ ਤੌਰ 'ਤੇ ਸਕਵਾਮਿਸ਼ ਅਤੇ ਪੈਰਾਡਾਇਜ ਵੈਲੀਆਂ ਵਿਚਾਲੇ ਰਿਜ 'ਚ ਬਲ ਰਹੀ ਸੀ।
ਹਾਲਾਂਕਿ ਘਰ ਖਾਲੀ ਕਰਨ ਦੇ ਜਾਰੀ ਕੀਤੇ ਗਏ ਨਿਰਦੇਸ਼ ਅਜੇ ਵੀ ਲਾਗੂ ਹਨ।
ਇਸ ਅੱਗ ਨੂੰ ਲੈਕੇ ਡਿਸਟ੍ਰਿਕਟ ਵੱਲੋਂ ਐਲਾਨੀ ਗਈ ਲੋਕਲ ਐਮਰਜੈਂਸੀ ਅਜੇ ਵੀ ਜਾਰੀ ਰੱਖੀ ਗਈ ਹੈ।
ਇਸਦਾ ਐਲਾਨ ਬੁੱਧਵਾਰ ਨੂੰ ਹੀ ਕਰ ਦਿੱਤਾ ਗਿਆ ਸੀ।
ਕੁਝ ਫਾਇਰ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਵੀਰਵਾਰ ਨੂੰ ਅੱਗ 'ਤੇ ਕਾਬੂ ਪਾਉਣ ਸੰਬੰਧੀ ਅਨੁਕੂਲ ਮੌਸਮ ਕਾਰਨ ਥੋੜੀ ਮਦਦ ਮਿਲ ਸਕੀ ਸੀ।
