12.75C Vancouver 12.75C VancouverMay 21, 2020 10:46 PM -
ਬੀ.ਸੀ. ਦੇ ਲੇਬਰ ਮੰਤਰੀ (minister of labour), ਹੈਰੀ ਬੈਂਸ ਨੇ ਕਿਹਾ ਹੈ ਕਿ ਕਾਰੋਬਾਰਾਂ ਨੂੰ ਵਰਕਸੇਫ ਬੀ.ਸੀ. (worksafeBC) ਵੱਲੋਂ ਜਾਰੀ ਕੀਤੇ ਗਏ ਦਿਸ਼ਾ ਨਿਰਦੇਸ਼ਾਂ ਅਤੇ ਆਪਣੇ ਕਾਰੋਬਾਰ ਦੀਆਂ ਖ਼ਾਸ ਜ਼ਰੂਰਤਾਂ ਦੇ ਆਧਾਰ ਤੇ ਸੁਰੱਖਿਆ ਉਪਾਅ ਕਰਨੇ ਚਾਹੀਦੇ ਹਨ, ਤਾਂ ਜੋ ਗਾਹਕਾਂ ਦਾ ਵਿਸ਼ਵਾਸ ਵਧੇ ਅਤੇ ਕਰਮਚਾਰੀ ਸੁਰੱਖਿਅਤ ਮਹਿਸੂਸ ਕਰਨ।
ਵਿਕਟੋਰੀਆ ਵਿੱਚ ਮਹਾਂਮਾਰੀ ਦੇ ਦੂਜੇ ਫੇਜ਼ ਦੌਰਾਨ ਉਦਯੋਗਾਂ ਲਈ ਵਰਕਸੇਫ ਬੀ.ਸੀ. (worksafeBC) ਵੱਲੋਂ ਜਾਰੀ ਕੀਤੇ ਗਏ ਦਿਸ਼ਾ ਨਿਰਦੇਸ਼ਾਂ ਸਬੰਧੀ ਗੱਲ ਕਰਦਿਆਂ ਮਿਨਿਸਟਰ ਆਫ ਲੇਬਰ, ਹੈਰੀ ਬੈਂਸ ਨੇ ਕਿਹਾ ਕਿ ਜਾਰੀ ਕੀਤੇ ਗਏ ਦਿਸ਼ਾ ਨਿਰਦੇਸ਼ ਕਾਰੋਬਾਰਾਂ ਦੇ ਲਈ ਇੱਕ ਸ਼ੁਰੂਆਤੀ ਨੁਕਤਾ ਹਨ।
ਉਨ੍ਹਾਂ ਕਿਹਾ ਕਿ ਜੇਕਰ ਕਾਰੋਬਾਰ, ਗਾਹਕਾਂ ਦਾ ਵਿਸ਼ਵਾਸ ਨਾ ਜਿੱਤ ਸਕੇ ਤਾਂ ਗਾਹਕ ਨਹੀਂ ਆਉਣਗੇ ਅਤੇ ਕਾਰੋਬਾਰਾਂ ਦਾ ਨੁਕਸਾਨ ਹੁੰਦਾ ਰਹੇਗਾ।
ਬੈਂਸ ਨੇ ਕਿਹਾ ਕਿ ਇਹ ਵੇਖਣ ਲਈ ਕਿ ਕਾਰੋਬਾਰ ਸੁਰੱਖਿਆ ਉਪਾਅ ਕਰ ਰਹੇ ਹਨ ਜਾਂ ਨਹੀਂ, ਕਿਸੇ ਵੀ ਕਾਰੋਬਾਰ ਦਾ ਕਿਸੇ ਵੀ ਸਮੇਂ, ਨਿਰੀਖਣ ਕੀਤਾ ਜਾ ਸਕਦਾ ਹੈ।
ਉਨ੍ਹਾਂ ਦੱਸਿਆ ਕਿ ਪਿਛਲੇ ਪੂਰੇ ਸਾਲ ਦੀ ਦਸ ਹਜ਼ਾਰ ਦੀ ਗਿਣਤੀ ਦੇ ਮੁਕਾਬਲੇ ਇਸ ਸਾਲ ਹੁਣ ਤੱਕ ਪੰਦਰਾਂ ਹਜ਼ਾਰ ਨਿਰੀਖਣ ਕੀਤੇ ਜਾ ਚੁੱਕੇ ਹਨ।
ਮਿਨੀਮਮ ਵੇਜ ਵਾਧੇ ਸੰਬੰਧੀ ਐਲਾਨ
ਹੈਰੀ ਬੈਂਸ ਨੇ ਅੱਜ ਜਾਣਕਾਰੀ ਦਿੱਤੀ ਕਿ ਪਹਿਲੀ ਜੂਨ (1 June) ਤੋਂ ਸੂਬੇ 'ਚ ਮਿਨੀਮਮ ਵੇਜ ਨੂੰ $13.85 ਤੋਂ ਵਧਾ ਕੇ $14.60 ਕੀਤਾ ਜਾਵੇਗਾ।
ਬੈਂਸ ਨੇ ਕਿਹਾ ਕਿ ਘੱਟ ਤਨਖਾਹਾਂ ਵਾਲੇ ਵਰਕਰਾਂ ਦੀ ਜੇਬ ਤੱਕ ਪੈਸੇ ਪਹੁੰਚਣਾ ਜ਼ਰੂਰੀ ਹੈ।
ਇਸ ਦੇ ਨਾਲ ਉਹ ਆਪਣਾ ਘਰ ਚਲਾ ਪਾਉਣਗੇ ਅਤੇ ਲੋਕਲ ਵਪਾਰਾਂ ਨੂੰ ਵੀ ਇਸ ਦਾ ਲਾਭ ਮਿਲੇਗਾ।
