18.57C Vancouver 18.57C VancouverSep 8, 2021 1:11 AM -
ਬੀ.ਸੀ. ਦੇ ਵੈਕਸੀਨ ਪਾਸਪੋਰਟ ਸਿਸਟਮ ਦੇ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਇਹ ਪਾਸਪੋਰਟ ਹਾਸਿਲ ਕਰਨ ਲਈ ਬੀ.ਸੀ. ਵਾਸੀਆਂ ਨੂੰ ਔਨਲਾਈਨ ਸਾਈਨ-ਅਪ ਕਰਨ ਲਈ ਕਿਹਾ ਹੈ।
ਇਸ 'ਚ ਬੀ.ਸੀ. ਵਾਸੀ ਦੇ ਪਰਸਨਲ ਹੈਲਥ ਨੰਬਰ, ਜਨਮ ਮਿਤੀ ਅਤੇ ਕੋਵਿਡ-19 ਵੈਕਸੀਨ ਹਾਸਿਲ ਕਰਨ ਦੀ ਮਿਤੀ ਦਾ ਵੇਰਵਾ ਸਾਂਝਾ ਕਰਨਾ ਹੋਵੇਗਾ।
ਇੱਕ ਵਾਰ ਜਾਣਕਾਰੀ ਸਾਂਝੀ ਕਰਨ ਤੋਂ ਬਾਅਦ ਯੂਜ਼ਰ ਵੱਲੋਂ ਬੀ.ਸੀ. ਵੈਕਸੀਨ ਕਾਰਡ ਡਾਊਨਲੋਡ ਕੀਤਾ ਜਾ ਸਕੇਗਾ।
ਇਸ 'ਚ ਇੱਕ 'ਕਿਊ.ਆਰ.' ਕੋਡ ਹੋਵੇਗਾ ਜੋ ਕਿ ਵੈਕਸੀਨੇਸ਼ਨ ਦੇ ਸਬੂਤ ਵਜੋਂ ਇਸਤੇਮਾਲ ਕੀਤਾ ਜਾ ਸਕੇਗਾ।
ਇਹ ਕੋਡ ਕਿਸੇ ਬਾਰ-ਕੋਡ ਜਿਹਾ ਚੌਰਸ ਰੂਪੀ ਕੋਡ ਹੋਵੇਗਾ।
ਇਸ ਨੂੰ ਵੱਖੋ-ਵੱਖਰੀਆਂ ਥਾਵਾਂ 'ਤੇ ਸਕੈਨ ਕੀਤਾ ਜਾ ਸਕਦਾ ਹੈ।
ਜਿਹੜੇ ਲੋਕਾਂ ਕੋਲ ਕੰਪਿਊਟਰ ਨਹੀਂ ਹਨ ਉਨ੍ਹਾਂ ਨੂੰ ਪ੍ਰੋਵਿੰਸ਼ੀਅਲ ਵੈਕਸੀਨ ਲਾਈਨ 'ਤੇ 1 833 838 2323 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ ਅਤੇ ਪ੍ਰਿੰਟਿਡ ਕਾਰਡ ਹਾਸਿਲ ਕਰਨ ਦੀ ਮੰਗ ਕੀਤੀ ਜਾ ਸਕਦੀ ਹੈ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਵੈਕਸੀਨ ਹਾਸਿਲ ਕਰਨਾ ਕਿਸੇ ਵਿਅਕਤੀ ਦੀ ਆਪਣੀ ਚਾਇਸ ਹੈ ਪਰ ਉਨ੍ਹਾਂ ਕਿਹਾ ਕਿ ਇਸ ਵੈਕਸੀਨ ਕਾਰਡ ਆਸਰੇ ਵੱਧ ਤੋਂ ਵੱਧ ਵਪਾਰਾਂ ਨੂੰ ਖੁੱਲ੍ਹਾ ਰੱਖਣ 'ਚ ਮਦਦ ਮਿਲ ਸਕੇਗੀ।
