12.61C Vancouver 12.61C VancouverOct 30, 2025 1:20 PM - Connect Newsroom
ਪ੍ਰੀਮੀਅਰ ਡੇਵਿਡ ਈਬੀ ਦੀ ਸਰਕਾਰ ਬੀ.ਸੀ.ਕੋਰਟ ਔਫ ਅਪੀਲ ਨੂੰ ਕੋਵਿਸ਼ਨ ਟ੍ਰਾਈਬਸ ਦੇ ਜ਼ਮੀਨੀ ਹੱਕਾਂ ਨਾਲ ਸਬੰਧਤ ਇਤਿਹਾਸਕ ਫੈਸਲੇ 'ਤੇ ਰੋਕ ਲਗਾਉਣ ਦੀ ਬੇਨਤੀ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਅਗਸਤ ਵਿਚ ਬੀ.ਸੀ.ਸੁਪਰੀਮ ਕੋਰਟ ਦੇ ਫੈਸਲੇ ਨੇ ਰਿਚਮੰਡ ਵਿਚ ਜ਼ਮੀਨ ਦੇ ਇੱਕ ਵੱਡੇ ਖੇਤਰ 'ਤੇ ਇਨਡੀਜਨਸ ਦੀ ਮਾਲਕੀ ਦਾ ਐਲਾਨ ਕੀਤਾ ਸੀ, ਜਿਸ ਵਿਚ ਸ਼ਹਿਰ ਦੀ ਮਲਕੀਅਤ ਵਾਲੀ ਅਤੇ ਨਿੱਜੀ ਜਾਇਦਾਦ ਦੋਵੇਂ ਸ਼ਾਮਲ ਹਨ ਅਤੇ ਇਸ ਨੇ ਸੂਬੇ ਵਿਚ ਨਿੱਜੀ ਜ਼ਮੀਨ ਦੀ ਮਾਲਕੀ ਦੇ ਭਵਿੱਖ ਬਾਰੇ ਮਹੱਤਵਪੂਰਨ ਚਿੰਤਾ ਪੈਦਾ ਕੀਤੀ ਹੈ।
ਈਬੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਕੋਵਿਸ਼ਨ ਟ੍ਰਾਈਬਸ ਦੇ ਐਬਰਿਜਨਲ ਟਾਈਟਲ ਨੂੰ ਲਾਗੂ ਕਰਨ 'ਤੇ ਰੋਕ ਲਗਾਉਣ ਦੀ ਮੰਗ ਕਰੇਗੀ। ਰਿਚਮੰਡ ਸਿਟੀ ਵਲੋਂ ਮੰਗਲਵਾਰ ਨੂੰ ਇਸ ਮੁੱਦੇ 'ਤੇ ਸੈਂਕੜੇ ਸ਼ਹਿਰ ਵਾਸੀ ਅਤੇ ਜ਼ਮੀਨ ਦੇ ਮਾਲਕ ਨਾਲ ਕੀਤੀ ਗਈ ਚਿੰਤਨ ਬੈਠਕ ਮਗਰੋਂ ਪ੍ਰੀਮੀਅਰ ਨੇ ਕੱਲ੍ਹ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਇਹ ਟਿੱਪਣੀ ਕੀਤੀ।
ਈਬੀ ਨੇ ਕਿਹਾ ਕਿ ਇਹ ਫੈਸਲਾ ਇਲਾਕੇ ਦੇ ਬਹੁਤ ਸਾਰੇ ਲੋਕਾਂ ਲਈ ਸੱਚ ਵਿਚ ਪ੍ਰੇਸ਼ਾਨ ਕਰਨ ਵਾਲਾ ਹੈ,ਜਿਸ ਵਿਚ ਕੋਵਿਸ਼ਨ ਟ੍ਰਾਈਬਸ ਦੇ ਹੱਕ ਵਿਚ ਦਿੱਤੀ ਜਾ ਰਹੀ ਜ਼ਮੀਨ ਵਿਚ ਨਿੱਜੀ ਜਾਇਦਾਦ ਵਾਲੇ ਲਗਭਗ 150 ਮਾਲਕ ਵੀ ਆਉਂਦੇ ਹਨ। ਗੌਰਤਲਬ ਹੈ ਕਿ ਬੀ.ਸੀ.ਸੁਪਰੀਮ ਕੋਰਟ ਨੇ ਐਬਰਿਜਨਲ ਟਾਈਟਲ ਦੇ ਲਾਗੂ ਹੋਣ ਤੋਂ ਪਹਿਲਾਂ ਸੂਬੇ, ਫੈਡਰਲ ਸਰਕਾਰ,ਰਿਚਮੰਡ ਸਿਟੀ ਅਤੇ ਕੋਵਿਸ਼ਨ ਟ੍ਰਾਈਬਸ ਨੂੰ ਗੱਲਬਾਤ ਲਈ 18 ਮਹੀਨੇ ਦਾ ਸਮਾਂ ਦਿੱਤਾ ਹੈ।
