ਅਮਰੀਕੀ ਟੈਰਿਫ਼ ਤਣਾਅ ਦਰਮਿਆਨ ਅਕਤੂਬਰ ਵਿੱਚ ਬੀ.ਸੀ. 'ਚ ਘਟੀਆਂ ਨੌਕਰੀਆਂ: ਮੰਤਰੀ

ਬੀ. ਸੀ. ਦੀ ਜੌਬ ਮਾਰਕਿਟ ਵਿਚ ਅਕਤੂਬਰ ਦੌਰਾਨ 2,900 ਜੌਬਸ ਘੱਟ ਹੋਈਆਂ ਹਨ। ਇਹ ਗਿਰਾਵਟ ਮੁੱਖ ਤੌਰ 'ਤੇ ਨਿਰਮਾਣ ਤੇ ਜੰਗਲਾਤ ਵਿਚ ਦਰਜ ਕੀਤੀ ਗਈ। ਸੂਬੇ ਦੇ ਜੌਬਸ ਅਤੇ ਆਰਥਿਕ ਵਿਕਾਸ ਮੰਤਰੀ ਰਵੀ ਕਾਹਲੋਂ ਦੇ ਮੁਤਾਬਕ, ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਨਾਜਾਇਜ਼ ਟੈਰਿਫ ਅਤੇ ਆਰਥਿਕ ਅਨਿਸ਼ਚਿਤਤਾ ਸੂਬੇ ਵਿਚ ਮੁੱਖ ਉਦਯੋਗ 'ਤੇ ਦਬਾਅ ਪਾ ਰਹੇ ਹਨ।

ਕਾਹਲੋਂ ਨੇ ਇੱਕ ਸਟੇਟਮੈਂਟ ਵਿਚ ਕਿਹਾ ਕਿ ਟਰੰਪ ਕੀ ਕਰਨਗੇ ਜਾਂ ਨਹੀਂ ਇਹ ਸਾਡੇ ਹੱਥ ਨਹੀਂ ਪਰ ਬੀ. ਸੀ. ਦੇ ਵਰਕਰਜ਼ ਅਤੇ ਇੰਡਸਟਰੀਜ਼ ਲਈ ਸੂਬਾ ਸਰਕਾਰ ਹਰ ਉਪਰਾਲਾ ਕਰ ਰਹੀ ਹੈ ਅਤੇ independent economy ਬਣਨ ਲਈ ਕਦਮ ਚੁੱਕੇ ਜਾ ਰਹੇ ਹਨ।

ਵਪਾਰਕ ਚੁਣੌਤੀਆਂ ਦੇ ਜਵਾਬ ਵਿਚ ਬੀ. ਸੀ. ਸਰਕਾਰ ਨੇ ਫੈਡਰਲ ਸਰਕਾਰ ਨਾਲ ਮਿਲ ਕੇ ਸੰਕਟ ਦਾ ਸਾਹਮਣਾ ਕਰ ਰਹੇ ਫੋਰੈਸਟਰੀ ਸੈਕਟਰ ਦੀ ਸਪੋਰਟ ਕਰਨ ਲਈ ਇੱਕ ਜੁਆਇੰਟ ਟਾਸਕ ਫੋਰਸ ਬਣਾਉਣ ਲਈ ਸਹਿਮਤੀ ਦਿੱਤੀ ਹੈ।

ਕਾਹਲੋਂ ਨੇ ਕਿਹਾ ਕਿ ਵਿਸ਼ਵ ਆਰਥਿਕ ਅਨਿਸ਼ਚਤਤਾ ਦੇ ਬਾਵਜੂਦ ਬੀ. ਸੀ. ਦੀ ਇਕੋਨਮੀ ਡਟ ਕੇ ਖੜ੍ਹੀ ਹੈ ਅਤੇ ਪਿਛਲੇ 12 ਮਹੀਨਿਆਂ ਵਿਚ 36,100 ਜੌਬਸ ਦਾ ਵਾਧਾ ਹੋਇਆ ਹੈ, ਜਿਸ ਵਿਚ ਪ੍ਰਾਈਵੇਟ ਸੈਕਟਰ ਵਿਚ 27,400 ਹੋਰ ਸ਼ਾਮਲ ਹਨ। ਅਕਤੂਬਰ ਵਿਚ ਬੀ. ਸੀ. ਦੀ ਬੇਰੁਜ਼ਗਾਰੀ ਦਰ 6.6 ਫੀਸਦੀ ਰਹੀ, ਜੋ ਕੈਨੇਡਾ ਵਿਚ ਚੌਥੀ ਸਭ ਤੋਂ ਘੱਟ ਦਰ ਹੈ।